Sơnròp Gơlik Gơs 21:16 - Sră Goh 2018

¹⁶ mơ khai lòt ngài ngài, mơ nggui pơgap dê dô bồng pañ mơ srào mơ đơs lah: “Mbe añ rgơi ơm sền kòn dềt chơt!” Khai nggui tòm toh tềng hơ̆ mơ ñìm rac.

Sơnròp Gơlik Gơs 21:16 ပူးပေါင်းရင်းမြစ်များ

Sơnròp Gơlik Gơs 21:15

Tòm tŭ dà tòm nhồng gơltau neh jơh, khai ơn oh dềt hơđơm mƀur chi dềt ne,

Sơnròp Gơlik Gơs 27:38

Esau lùp Lah: “Ơ bèp! Bèp mìng gơs dô bơta lơngai hơ̆ lơm ơ? Ơ bèp! Dan ai lơngai añ in tai!” Mơ Esau nggà ñìm.

Sơnròp Gơlik Gơs 29:11

Jakôp cum Racel mơ ñìm.

Sơnròp Gơlik Gơs 44:34

Bơh dilah cau oh put ò rê bal, mbe añ khin rê wơl mơ bèp añ taih? Añ rngòt, ò kòñ gŏ bơta bòl glar bèp añ jê.”

I Ală Bơtau 17:12

Mơya cau ùr ho lah: “Añ sơnio bơta kis Jehôwa Yàng Tom Trồ ồng dê mơ srat să lah, añ ò gơs piang lă, mìng dô sơmbat kơmbuh phe tòm yang mơ dô êt mơñà tòm gri lơm; tŭ do añ dòñ dô êt lòng, gen añ rê hìu rcang piang lă añ mơ kòn klau añ; bol hi sa rau, gen chơt.”

I Ală Bơtau 3:26

Gen cau ùr gơs kòn klau gam kis nđàc sơngit di kòn khai dê đơs mơ bơtau lah: “Ơ cau tòm añ jê, dan ai tĕ cau ne in kòn dềt gam kis, bañ tơnchơt khai!” Mơya cau ne đơs lah: “Khai rơp ò gơrê mơ añ, mơ kung ò gơrê mơ ai; blah tĕ khai gơs bàr pơnah!”

Este 8:6

Bơh mbe añ rgơi kong jai tòm tŭ sền gŏ bơta rung rài gơtơntus hơđang làng bol añ jê taih? Mbe añ rgơi kong jai tòm tŭ sền gŏ bơta tơnroh hìu nhă añ jê taih?”

Esai 49:15

“Dô nă mè rgơi hŭi kòn ơm pô toh khai dê, mơ ò gơs nùs kòñ nđàc di kòn dềt khai neh deh sơl ơ? Bulah digơlan khai hŭi, mơya Añ rơp ò tŭ lơi hŭi mê ò!

Jeremi 6:26

Ơ làng bol nđàc sơngit Añ jê, soh tĕ bài sơnò kiat, Mơ pơrlac să tòm bùh. Ñìm ƀồc tĕ kung be neh roh kòn dùl nă, Ñìm rac tĕ dô bă sràt bơtang; Bơh cau phà tơnroh nisơna, rơp tus hơđang bol he.

Amôs 8:10

Añ rơp pơrlac bơta pơjum sa bol mê dê gơlik gơs bơta pơt wòl, mơ jơh ală bơta đơs chò bol mê dê gơlik gơs bơta ñìm rac. Añ rơp cèng bài sơnò kiat tơntròñ jơh tơl nă bol mê in, mơ koah bồ bol mê dê. Añ rơp lơh gơ in gơlik gơs kung be bơta ñìm ƀồc bơh roh kòn klau dô nă, mơ bơta lồi dut gơ dê kung be dô ngai sràt bơtang.”

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Luka 15:20

Chòp khai ñă ntào mơ rê wơl hơ bèp khai dê. Tòm tŭ gam ơm ngài, bèp gŏ khai gen gơs nùs nđàc sơngit, ntoat tus koar di ngko mơ cum.

Ală Kwang Cahrña 2:4

Tòm tŭ cau gơnrơh Yàng Jehôwa dê neh sir đơs ală jơnau hơ̆ mơ jơh cau Israel gen làng bol nggà ñìm dờng,

Rutơ 1:9

Dan Yàng Jehôwa ai bol ai in geh bơta ring lơngai tòm hìu bau klau bol ai dê.” Lồc behơ̆ Naômi cum bàr nă bol khai mơ bol khai ñìm dờng.

I Samuel 24:16

Tòm tŭ Dabit neh sir đơs ală jơnau hơ̆ mơ Sol; gen Sol lùp lah: “Ơ Dabit kòn añ, hơ̆ ngan sơl la sap đơs kòn dê?” Gen Sol ñìm dờng ngan.

I Samuel 30:4

Gen Dabit mơ ală cau khai dê ñìm nggà dờng jơl tus di tŭ bol khai òsô ñìm tai.