Sơnròp Gơlik Gơs 20:6 - Sră Goh 2018

⁶ Tòm bơta mpau, Yàng Tom Trồ đơs tai lah: “Añ git mê lơh bơta hơ̆ mơ nùs song, tài bơh hơ̆ Añ kơryan mê tìs glài mơ Añ, mơ ò ai mê ƀư di cau ùr hơ̆.

Sơnròp Gơlik Gơs 20:6 ပူးပေါင်းရင်းမြစ်များ

Sơnròp Gơlik Gơs 20:18

Bơh lài Yàng Jehôwa neh lơh kơnền jơh hìu nhă bơtau Abimelek tài bơh Sara, bau Abraham dê.

Sơnròp Gơlik Gơs 26:11

Gen Abimelek sồr jơh làng bol lah: “Cau lơi ƀư di cau klau do hala di bau ùr khai gen rơp chơt.”

Sơnròp Gơlik Gơs 3:3

mơ bơh pơnah plai chi hòn digùl suơn, Yàng Tom Trồ neh đơs lah: ‘Ùr klau ai ò di sa mơ kung bañ ƀư, rngòt bàr nă ùr klau ai rơp chơt mòn.’”

Sơnròp Gơlik Gơs 31:24

Mơya, tòm bơta mpau tòm trồ mang, Yàng Tom Trồ tus mơ Laban cau Aram mơ đơs lah: “Mê kơrhia tĕ, să tòm mê bañ đơs ñchi bơta lơi niam hala iơh mơ Jakôp.”

Sơnròp Gơlik Gơs 31:7

ai bèp bol ai neh pơrlồm mơ gơl jền tơngai añ jơt dơ̆, mơya Yàng Tom Trồ ò ai khai in lơh iơh di añ dô êt lơi.

Sơnròp Gơlik Gơs 35:5

Chòp, bol khai lòt gùng, mơ Yàng Tom Trồ tơndùh bơta rngòt rngơt hơđang ală ƀòn gùt dar tềng hơ̆, gen tàng bol khai ò ting jat ală kòn klau Jakôp dê.

Sơnròp Gơlik Gơs 39:9

Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Đơs Crih 81:12

Behơ̆ Añ lòi bol khai lòt jat bơta kơldang nùs bol khai dê, Tồ bol khai lòt jat jơnau bơyai is bol khai dê.

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Lik Ejiptơ 34:24

Añ rơp ting bơtrơh ală làng bol di đap mê, mơ pò ơnàng lơgar mê dê; mơ ò gơs cau lơi kòñ tòmpìt lơgar mê dê tòm tŭ mê guh tơlik mat di đap Jehôwa Yàng Tom Trồ mê dê.

Jơnau Pơnđik 21:1

Nùs bơtau dê ơm tòm tê Yàng Jehôwa ò gơkrơi be hiòng dà hòr; Kơnràñ lơh sơrkềng đah lơi jat nùs kòñ Kơnràñ dê.

Jơnau Pơnđik 6:29

Cau lơi lòt tus hơ bau ùr cau ơm rềp mơ he kung behơ̆ sơl; Ngan dilah cau lơi ƀư di khai rơp ò klàs bơh bơta lơh glài.

Lebi 6:2

“Dilah cau lơi tìs glài mơ ò dòn song mơ Yàng Jehôwa bơh neh pơrlồm cau ơm rềp di khai bơh dô nơm phan lơi neh jào khai in hala lòi khai in sền gàr hala neh kơñau, hala dilah khai pơrlồm cau ơm rềp di khai,

Mathiơ 27:19

Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”

I Kôrintô 7:1

Do la jơnau lùp ală bơta oh mi neh cih añ in. Cau klau ò bau hơ̆ la niam.

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

II Tesalônika 2:11

Tài behơ̆ mơ Yàng Tom Trồ jào phi bol khai tòm bơta bơto tìs nrah, nàng lơh bol khai dòn bơta ma blac,

II Tesalônika 2:7

Bơh cau iơh bơsak ndơp ndơr neh lơh broă rau; mơya tŭ do mìng gam dô Bơtau kơryan lơm, tus di tŭ Bơtau hơ̆ geh tă tơlik.

I Samuel 25:26

Tŭ do, ơ cau tòm añ jê, kung be Yàng Jehôwa kis sùm mơ kung be să tòm ồng kis sùm, tài bơh Yàng Jehôwa neh tơnruc ồng bơh glài lơh gơhòr mhàm mơ sal tê bơh tê tòm he dê; tŭ do lòi ală cau sò tơm ồng dê bal mơ jơh ală cau kòñ lơh iơh di cau tòm añ jê rơp gơlik gơs kung be Nabal.

I Samuel 25:34

Bơh di ngan kung be Yàng Jehôwa la Yàng Tom Trồ Israel dê kis, la Bơtau neh kơryan añ lơh iơh di ai, dilah ai neh ò mhar lòt tus tìp mat mơ añ, gen tus àng drim hìng ò gơs dô nă cau klau lơi gam kis bal mơ Nabal.”