Sơnròp Gơlik Gơs 20:5 - Sră Goh 2018

⁵ Cau hơ̆ ò di neh đơs mơ añ lah: ‘Ne la oh ùr añ jê’ sơl ơ? Mơ ngan cau ùr ò di neh đơs lah: ‘Hơ̆ la bi klau añ’ sơl ơ? Añ neh lơh bơta do mơ nùs song ngan mơ tê sàng goh añ jê.”

Sơnròp Gơlik Gơs 20:5 ပူးပေါင်းရင်းမြစ်များ

Sơnròp Gơlik Gơs 12:13

Añ dan ai yal mơ bol khai ai la oh ùr añ, tồ bơh ai añ rơp geh wă rò niam mơ bơta kis añ jê geh ring lơngai.”

Sơnròp Gơlik Gơs 20:13

Tŭ Yàng Tom Trồ lơh añ in nrah nring ngài bơh hìu bèp añ, gen añ neh đơs mơ khai lah: ‘Do la bơta nđàc ai rơp lơh añ in: Tiah lơi bol he rơp tus, đơs tĕ bơh añ: Hơ̆ la bi klau añ.’”

Sơnròp Gơlik Gơs 20:16

Mơ bơtau đơs mơ Sara lah: “Do, añ ai bi klau ai in dô rbô priă, jền priă do ai nàng ngui be dô pang bài kơrnìng kìng mat bơh jơh ală broă neh gơlik gơs di ai, di đap jơh ală cau ai la song ring.”

I Ală Bơtau 9:4

Ai mê, dilah mê rơp lòt di đap Añ, be Dabit, bèp mê neh lòt, ai nùs song ngan mơ song ring lơh jat jơh ală bơta Añ neh nting sồr mê, mơ prap gàr ală bơta boh lam mơ gơnoar sồr Añ jê,

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Sră Jop 33:9

Ồng đơs lah: ‘Añ sàng goh, ò tìs glài; Añ sàng goh, mơ ò gơs bơta tìs glài tòm añ.

Đơs Crih 24:4

Hơ̆ la cau gơs tê ò lơh tìs glài mơ gơs nùs sàng goh, Ò wèt hwềng soàn he hơ bơta ma blac, Kung ò srat să blac pơrlồm.

Đơs Crih 25:21

Dan bơta song ngan mơ bơta song ring sền gàr añ, Bơh añ kơp gơn Yàng.

Đơs Crih 26:6

Ơ Yàng Jehôwa, añ rào tê añ jê tòm tŭ añ ò gơs glài, Mơ añ lòt gùt dar cơnòng duh khoai Kơnràñ dê.

Đơs Crih 7:8

Yàng Jehôwa cahrña ală làng bol. Ơ Yàng Jehôwa, dan cahrña añ jat bơta song ring añ jê, mơ jat bơta song ngan tòm nùs añ.

Đơs Crih 7:9

Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

Đơs Crih 73:13

Añ neh kơrmap gàr nùs añ sàng goh, Mơ tê añ ò lơh tìs, mơya ală bơta hơ̆ la ò kwơ añ in.

Đơs Crih 78:72

Khai ê gàr bol khai bơh nùs song ngan khai dê, Mơ ai tê chài rgơi khai dê mơ tề lam bol khai.

Jơnau Pơnđik 11:3

Bơta song ring ală cau song ring dê tề lam bol khai; Mơya bơta rkwet rkwe ală cau ò dòn song tơnroh bol khai.

Jơnau Pơnđik 20:7

Cau song ring ơm kis dô bă song ngan; ală kòn sau khai geh lơngai lơngò ngan!

Daniel 6:22

Yàng Tom Trồ añ jê neh sồr cau gơnrơh Kơnràñ dê lềt bơr ală klìu triă, gen tàng bol gơ ò lơh iơh di añ dô êt lơi, tài bơh Kơnràñ neh gŏ añ ò gơs glài lơi di đap Kơnràñ. Ơ bơtau, gơwèt mơ bơtau kung behơ̆ sơl, añ ò lơh dô bơta tìs lơi ò.”

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

I Tesalônika 2:10

Oh mi la cau lơh cơng, Yàng Tom Trồ kung lơh cơng sơl, mbe lơi bol hi lơh lòt dô bă sàng goh, song ring, ò gơs tiah geh lah pơrhơng gơwèt mơ oh mi la cau dòn jat.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

Jôsue 22:22

“Jehôwa la Yàng Tom Trồ ală yàng dê! Jehôwa la Yàng Tom Trồ ală yàng dê! Kơnràñ git; mơ lòi tĕ Israel in git! Dilah gơs bơta tòmdră hala bơta ò dòn bơr Yàng Jehôwa gen bañ lòi bol hi in kis tòm ngai do.