Sơnròp Gơlik Gơs 20:3 - Sră Goh 2018

³ Mơ tòm bơta mpau, Yàng Tom Trồ tơlik mat mơ bơtau Abimelek mơ đơs lah: “Do, mê rơp chơt bơh cau ùr mơ mê neh kup, bơh khai neh gơs bau rau.”

Sơnròp Gơlik Gơs 20:3 ပူးပေါင်းရင်းမြစ်များ

Sơnròp Gơlik Gơs 12:17

Mơ tài bơh Sarai, bau Abram dê, Yàng Jehôwa ai ală bơta rung rài dờng lơh glài Pharaôn mơ hìu nhă khai.

Sơnròp Gơlik Gơs 12:18

Gen Pharaôn hòi Abram mơ lùp lah: “Ñchi mê neh lơh añ in be do? Mbe mê ò yal mơ añ khai la bau mê taih?

Sơnròp Gơlik Gơs 20:7

Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”

Sơnròp Gơlik Gơs 28:12

Gen khai gơs dô bơta mpau, gŏ dô nơm ntùng bơh ù tus hơ trồ, ală cau gơnrơh Yàng Tom Trồ dê guh mơ mù di ntùng hơ̆.

Sơnròp Gơlik Gơs 31:24

Mơya, tòm bơta mpau tòm trồ mang, Yàng Tom Trồ tus mơ Laban cau Aram mơ đơs lah: “Mê kơrhia tĕ, să tòm mê bañ đơs ñchi bơta lơi niam hala iơh mơ Jakôp.”

Sơnròp Gơlik Gơs 37:5

Jôsep gŏ dô bơta mpau, mơ yal wơl mơ ală bi khai in kơno; bol khai sơlo gơjrañ kơuềng di khai tai.

Sơnròp Gơlik Gơs 37:9

Jôsep gŏ dô bơta mpau tai, mơ yal mơ ală bi khai in lah: “Añ gŏ dô bơta mpau tai! Do, mattơngai, kơnhai, mơ jơt dùl nơm sơmañ tus tơmbic să di đap añ.”

Sơnròp Gơlik Gơs 40:5

Tòm dô mang ne, cau kwang at bồ yò ñô mơ kwang at bồ lơh ƀañ bơtau Ejiptơ dê, tòm tŭ bol khai ơm jàm, gŏ dô bơta mpau, kòp nă kòp bơta mpau is, mơ kòp bơta mpau gơs jơnau gơtha is gơ dê.

Sơnròp Gơlik Gơs 40:8

Bol khai ho lah: “Bol hi neh gŏ dô bơta mpau mơ ò gơs cau yal jơnau gơtha gơ dê.” Jôsep đơs lah: “Bơta yal jơnau gơtha mpau ò di la bơh Yàng Tom Trồ ò ơ? Dan yal tĕ bơta mpau ală ồng dê añ in iat.”

Sơnròp Gơlik Gơs 46:2

Tòm bơta gơtơnggŏ tòm trồ mang, Yàng Tom Trồ đơs mơ Israel lah: “Ơ Jakôp! Jakôp!” Israel ho lah: “Do añ.”

I Yal Yau 16:21

Kơnràñ ò ai cau lơi rồn bơklơn bol khai; tài bơh bol khai Kơnràñ lah pơrhơng ală cau bơtau;

Sră Jop 33:15

Tòm bơta mpau, tòm bơta gơtơnggŏ trồ mang dê, Tòm tŭ kòn mơnus bic lơhă, lơhă bic hơđang cơnòng bic bol khai dê.

Sră Jop 33:17

Nàng pơrlac kòn mơnus wơl bơh di broă lơh bol khai dê, Mơ sền gàr khai klàs bơh di bơta jòng să,

Đơs Crih 105:14

Kơnràñ ò ai cau lơi rồn bơklơn bol khai; Kơnràñ lah pơrhơng ală cau bơtau tài bơh bol khai,

Jôna 3:4

Jôna sơntòm mut tòm ƀòn dờng, dô ngai lòt gùng. Khai hòi driau lah: “Tòm poan jơt ngai tai gen Ninibe rơp kong tơrlơm lề.”

Khà Làng Bol 22:9

Yàng Tom Trồ tus mơ Balaam mơ lùp khai lah: “Ală cau ơm mơ mê la ñcau taih?”

Mathiơ 1:20

Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Mathiơ 27:19

Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”