Sơnròp Gơlik Gơs 2:1 - Sră Goh 2018

¹ Behơ̆, ală trồ mơ tiah mơ jơh ală phan tòm ù neh crơng gơs rau.

Sơnròp Gơlik Gơs 2:1 ပူးပေါင်းရင်းမြစ်များ

Sơnròp Gơlik Gơs 1:1

Bơh sơnròp Yàng Tom Trồ crơng gơs ală trồ mơ tiah.

Sơnròp Gơlik Gơs 1:10

Yàng Tom Trồ sơnđan tiah rañ rsơh la ù, mơ dê tiah dà pơjum bal la dàlềng. Yàng Tom Trồ gŏ ală bơta hơ̆ la niam.

Sơnròp Gơlik Gơs 2:4

Hơ̆ la tòm ryas ală trồ mơ tiah tòm tŭ neh crơng gơs rau. Tòm ngai Jehôwa Yàng Tom Trồ crơng gơs trồ mơ tiah,

II Ală Bơtau 19:15

Ejekia hòi dan Yàng Jehôwa lah: “Ơ Jehôwa Yàng Tom Trồ Israel dê! Kơnràñ gam ơm digùl ală ceruƀim, mìng dô nă Kơnràñ la Yàng Tom Trồ ală lơgar tòm dunnia dê. Să tòm Kơnràñ neh lơh gơs trồ mơ tiah.

II Yal Yau 2:12

Mơ Hiram cih bơtơl lah: “Pal jòng ro Jehôwa Yàng Tom Trồ Israel dê la Bơtau neh crơng gơs trồ mơ tiah! Kơnràñ neh ai bơtau Dabit in dô nă kòn klau jak chài, ai khai in bơta git jak mơ bơta git sền sơwì, la cau rơp bơt dô nơm hìu duh khoai Yàng Jehôwa in mơ dô nơm gơlang să tòm khai in.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Sră Jop 12:9

Tòm ală jơi do, jơi lơi ò git lah tê Yàng Jehôwa dê neh lơh ală bơta do taih?

Đơs Crih 104:2

Yàng ai bơta àng gòm să tòm Kơnràñ ò gơkrơi be ào, Yàng lì ală tap trồ be dô nơm sàl.

Đơs Crih 146:6

Kơnràñ la Bơtau crơng gơs trồ mơ tiah, Dàlềng, mơ jơh ală phan tòm hơ̆; Kơnràñ dòn song sùm sùm.

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Đơs Crih 33:9

Bơh Kơnràñ đơs, gen phan gơlik gơs; Kơnràñ sồr, gen gơ ơm kơ̆.

Lik Ejiptơ 20:11

Bơh tòm prau ngai Yàng Jehôwa neh crơng gơs trồ mơ plai ù, dàlềng, bal mơ jơh ală phan tòm hơ̆, mơya Kơnràñ rlô tòm ngai poh. Gen tàng Yàng Jehôwa neh ai lơngai ngai Saƀat mơ lơh gơ in sàng goh.

Lik Ejiptơ 31:17

Hơ̆ rơp la dô nơm tềl gam sùm digùl Añ mơ làng bol Israel in, bơh Yàng Jehôwa neh crơng gơs ală tap trồ mơ tiah tòm prau ngai, mơ tòm ngai poh Kơnràñ ò lơh broă mơ ơm rlô.’”

Esai 34:4

Jơh ală gơnoar hơđang trồ rơp roh thit, ală tap trồ rơp pồt wơl be dô blah sră pồt; jơh ală mpồl sơmañ rơp rung be nha ño ro, hala be plai ƀal ro rung bơh tòm chi ƀal.

Esai 42:5

Do la jơnau đơs Jehôwa Yàng Tom Trồ dê, la Bơtau neh crơng gơs mơ pò ală tap trồ, mơ lă plai ù bal mơ jơh ală phan lik bơh gơ, la Bơtau ai nhơm tă ală làng bol ơm hơđang gơ, mơ ai hwềng ală cau cơnđòa lòt hơđang gơ:

Esai 45:12

Hơ̆ la să tòm Añ neh lơh gơlik gơs plai ù, mơ crơng gơs jơi kòn mơnus ơm hơđang gơ. Tê Añ neh lì ală tap trồ; Añ neh rơndap ală mpồl sơmañ gơ dê.

Esai 45:18

Bơh Yàng Jehôwa la Bơtau neh crơng gơs ală tap trồ, Kơnràñ la Yàng Tom Trồ; Kơnràñ neh mòn mơ lơh gơs plai ù, Kơnràñ neh bơt bơtào gơ: Kơnràñ ò di neh crơng gơs gơ la ngềt ngơt ò gơs cau ơm, mơya neh lơh gơs nàng làng bol in ơm, Kơnràñ đơs be do: “Añ la Yàng Jehôwa, ò gơs yàng lơi ndai tai ò!

Esai 48:13

Tê tòm Añ neh bơt ală mơnàng plai ù, mơ tê ma Añ neh lì ală tap trồ; tòm tŭ Añ hòi bol gơ tus, jơh ală bol gơ ntào ơn nùs kơlôi.

Esai 55:9

“Bơh be ală tap trồ la jơnhoa rlau mơ plai ù kàr lơi, gen ală gùng dà Añ jê la jơnhoa rlau mơ ală gùng dà bol mê dê, mơ ală bơta kơlôi sơnơng Añ jê kung jơnhoa rlau mơ ală bơta kơlôi sơnơng bol mê dê kàr hơ̆ sơl.

Esai 65:17

Do, Añ rơp crơng gơs ală tap trồ pa mơ plai ù pa. Ală bơta yau rơp ò kah tai, ò gam rê wơl tòm dơngoh.

Jeremi 10:12

Să tòm Yàng Jehôwa neh crơng gơs ù bơh gơnap gơnoar Kơnràñ dê, Neh bơtào gơs lơgar dunnia bơh bơta jak chài Kơnràñ dê, Neh lì ală tap trồ bơh bơta git wă Kơnràñ dê.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 8:2

Cau rơp pràng ală ntìng ƀồc hơ̆ hơđơm mattơngai, mat kơnhai, mơ ală sơmañ hơđang trồ, hơ̆ la ală phan mơ bol khai kòñ gơboh, duh broă; la phan bol khai lòt jat, jòi jat mơ duh khoai. Gơ rơp ò geh tơrgòm wơl hala tơp bồr, gơ rơp kung be è hơđang ù.

Sacari 12:1

Do la jơnau Yàng Jehôwa đơs bơh Israel. Yàng Jehôwa la Bơtau neh lì ală tap trồ, bơt mơnàng plai ù, mơ crơng gơs hwềng tòm kòn mơnus, neh đơs be do:

Luka 2:13

Nisơna gơs rbô rhiang cau ling bơh trồ bal mơ cau gơnrơh hơ̆ jòng ro Yàng Tom Trồ lah:

Broă 4:24

Tòm tŭ neh kơno jơh rau, gen bol khai dô nùs bal ai jơnau hòi dan mơ Yàng Tom Trồ lah: “Khoai Yàng, la Bơtau neh crơng gơs trồ tiah, mơ dàlềng, bal mơ jơh ală phan tòm hơ̆,

Broă 7:42

Yàng Tom Trồ đìu ngkòi di bol khai mơ phi bol khai duh khoai ală mpồl ling hơđang trồ, be neh cih tòm sră ală cau gơnoar hwơr lah: ‘Ơ hìu Israel, bol mê neh ơn phan pơdơng mơ phan ơn duh khoai Añ in, Tòm poan jơt nam tòm ƀlàng bràs sơl?

Yal Wơl 17:3

duh khoai ală yàng ndai, mơ cùn khoai bol gơ hala mattơngai hala mat kơnhai hala ală sơmañ hơđang trồ, la ală bơta añ ò sồr,

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.

Hebrơ 4:3

Bơh bol he la cau neh dòn gen geh mut tòm bơta rlô lơngai, be Yàng Tom Trồ neh đơs: “Tòm tŭ Añ gơjrañ dờng Añ srat să lah: ‘Bol khai rơp ò tŭ lơi geh mut tòm bơta rlô lơngai Añ jê,’” Bulah ală broă Kơnràñ dê neh gơs sir rau bơh sơnròp crơng gơs trồ tiah.