Sơnròp Gơlik Gơs 19:9 - Sră Goh 2018

⁹ Làng bol đơs lah: “Mê pleh tĕ!” Mơ đơs tai: “Cau do neh tus tềng do be cau ơm ing mơ kòñ lơh gơs cau cahrña sơl ơ? Behơ̆ bol hi rơp lơh di mê iơh rlau mơ bàr nă cau ne.” Gen bol khai chồl jơlềt Lot mơ lòt tus nàng wà mpồng.

Sơnròp Gơlik Gơs 19:9 ပူးပေါင်းရင်းမြစ်များ

Sơnròp Gơlik Gơs 11:6

Yàng Jehôwa đơs lah: “Do, bol khai gơs mìng dô làng bol, mơ tơl nă gơs dô jơnau đơs bal mơ ne broă bol khai rơp lơh, tŭ do ò gơs bơta lơi kơryan bol khai lơh gơs ală bơta bol khai neh kơlôi nền.

Sơnròp Gơlik Gơs 13:12

Abram ơm tòm lơgar Kanaan, mơ Lot ơm tòm ală ƀòn tòm ƀlàng mơ cèng sàl khai dê tus hơ Sôdôm.

Lik Ejiptơ 2:14

Cau hơ̆ đơs lah: “Ñcau neh pồ bơtào mê lơh gơs cau at bồ mơ cau kwang cahrña bol hi taih? Ngan sơl la mê kơlôi kòñ tơnchơt añ kung be mê neh tơnchơt cau Ejiptơ ne ơ?” Kơno behơ̆ gen Môise rngòt mơ kơlôi lah: “Bơta añ neh lơh neh cau git jơh rau.”

Jơnau Pơnđik 14:16

Cau jak chài rngòt mơ pleh klàs di bơta iơh; Mơya cau tùl gơla pơnhừ să, mơ ò git kơrhia.

Jơnau Pơnđik 17:12

Chan cau tìp jơgơu me kong roh kòn, Rlau mơ tìp cau bơrngơl gơla tòm bơta sơnrang khai dê.

Jơnau Pơnđik 27:3

Lŭ kơnjơ̆ bràs kung kơnjơ̆ sơl; mơya bơta tơk òl cau bơrngơl gơla gen kơnjơ̆ rlau mơ bàr bơta hơ̆.

Cau Bơto 10:13

Jơnau đơs bơr bol khai dê, rơp sơntòm mơ bơta bơrngơl gơla, mơ jơnau lồi dut bol khai dê la sơnrang sơnrồng iơh bơsak.

Cau Bơto 9:3

Do la dô bơta iơh gơlik gơs hơđơm mattơngai, hơ̆ la kòp nă cau lơh nền rài kis is ndròm bal, gen tàng nùs kòn mơnus bềng lìu bơta iơh, bơta sơnrang sơnrồng ơm tòm nùs bol khai tòm tŭ gam kis, mơ tơnơ̆ mơ tŭ bol khai rê mơ cau chơt.

Esai 65:5

Bol khai đơs lah: “Ơm tĕ ngài, bañ tus rềp hơ añ, bơh añ la sàng goh ngan bol mê in!” Bol khai la ñhŭ tòm trồm muh Añ, la ồs sa hơng sùm jơh ngai mho.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ejekiel 16:49

Do la bơta tồi glài oh ùr ai dê la Sôdôm: Khai mơ ală kòn ùr khai dê pơnhừ să, jròk ñô sa, mơ ò git kơlôi bơh cau lơi; bol khai ò dong kòl ală cau rƀah lơòi mơ siơ̆u siar.

Mathiơ 7:6

Bañ ai so in phan sàng goh, kung bañ sơrbì lŭ kràng màng he dê sur in, rngòt gơ jă mơ jơng mơ gơ wơl kap crè bol mê mòn.”

I Samuel 17:44

Khai đơs lah: “Tus tĕ hơ añ do, añ rơp ai poac mê ală sềm hơđang trồ in, mơ ală phan poan jơng tòm ƀlàng in!”

I Samuel 2:16

Dilah cau hơ̆ đơs mơ khai lah: “Lòi cau chu dơngi gơ dê lài, gen sồng ai tĕ phan lơi mê kòñ,” gen cau duh broă đơs lah: “Ò, mê pal ai mo tŭ do, dilah mê ò ai, gen añ rơp ngui pràn nàng tòmpìt gơ.”

I Samuel 25:17

Behơ̆ tŭ do git tĕ bơta hơ̆ mơ sền sơwì ñchi mò pal lơh, bơh bơta iơh neh geh lơh nền tòmdră mơ cau tòm he dê mơ jơh hìu nhă khai dê. Khai ngan la dô nă cau gơs nùs nhơm iơh, ò gơs dô nă cau lơi rgơi đơs mơ khai.”