Sơnròp Gơlik Gơs 19:16 - Sră Goh 2018

¹⁶ Mơya Lot pơrwài, gen bàr nă cau klau sơmbat di tê khai, bau khai, mơ bàr nă kòn ùr khai mơ lam lik bơh di ƀòn, bơh Yàng Jehôwa kòñ nđàc Lot.

Sơnròp Gơlik Gơs 19:16 ပူးပေါင်းရင်းမြစ်များ

Sơnròp Gơlik Gơs 19:15

Àng drim hìng, gen bàr nă cau gơnrơh pơrjal Lot mơ đơs lah: “Ñă tĕ, lam bau mê mơ bàr nă kòn ùr mê lik, rngòt mê kung chơt tòm bơta lơh glài ƀòn dê mòn!”

Sơnròp Gơlik Gơs 43:10

Mơ tai, dilah bol hi ò òbat nyà, gen bol hi neh lòt mơ rê bàr dơ̆ wơl rau.”

I Yal Yau 16:34

Ưnngài tĕ Yàng Jehôwa bơh Kơnràñ la niam; Bơta kòñ gơboh Kơnràñ dê gam sùm sùm ò lồi.

Đơs Crih 103:13

Yàng Jehôwa nđàc sơngit di cau duh rngòt di Kơnràñ, Ò gơkrơi be bèp nđàc sơngit di ală kòn khai dê behơ̆ sơl.

Đơs Crih 106:1

Jòng ro Yàng Jehôwa! Pal ưnngài Yàng Jehôwa bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm.

Đơs Crih 106:8

Bulah behơ̆, Kơnràñ dong klàs bol khai tài bơh sơnđan Kơnràñ dê, nàng ràng tơlik gơnap gơnoar dờng Kơnràñ dê.

Đơs Crih 107:1

Ưnngài tĕ Yàng Jehôwa, bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm.

Đơs Crih 111:4

Kơnràñ jòi geh bơta prap kah bơh ală broă crih crài Kơnràñ dê, Yàng Jehôwa la kòñ nđàc mơ gơs nùs nđàc sơngit.

Đơs Crih 118:1

Ưnngài tĕ Yàng Jehôwa, bơh Kơnràñ la niam; Bơta kòñ gơboh kơ̆ dơn Kơnràñ dê gam sùm sùm!

Đơs Crih 119:60

Añ sơrbac sơrbang prap gàr ală bơta sồr lam Yàng dê, Ò lơh òbat nyà.

Đơs Crih 136:1

Ưnngài tĕ Yàng Jehôwa, bơh Kơnràñ la niam, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 32:10

Cau iơh bơsak gơs oă bơta jê sồt; Mơya cau lơi dòn kơnòm di Yàng, gen bơta kòñ gơboh kơ̆ dơn gòm gơrwàng cau hơ̆.

Đơs Crih 33:18

Ne, mat Yàng Jehôwa dê sền di cau duh rngòt di Kơnràñ, Mơ sền di cau gơn kơnòm di bơta kòñ gơboh Kơnràñ dê,

Đơs Crih 33:19

Nàng dong tă hwềng soàn bol khai bơh di bơta chơt, mơ sền gàr bơta kis bol khai dê tòm tŭ jơgloh rung.

Đơs Crih 34:12

Ñcau la cau kòñ bơta kis, Mơ gơboh oă ngai nàng dòp bơta lơngai taih?

Đơs Crih 86:15

Mơya, ơ Yàng, Kơnràñ la Yàng Tom Trồ gơs nùs kòñ nđàc mơ ai bơta nđàc, Òbat gơjrañ, gơs bơta dòn song mơ bơta kòñ gơboh kơ̆ dơn tơngkah tơngkañ.

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Lik Ejiptơ 34:6

Mơ Kơnràñ lòt gan di đap Môise, mơ yal lah: “Jehôwa! Jehôwa! La Yàng Tom Trồ nđàc sơngit mơ kòñ nđàc, òbat gơhào gơjrañ, tơngkah tơngkañ nùs kòñ gơboh kơ̆ dơn mơ dòn song,

Lik Ejiptơ 34:7

prap gàr bơta kòñ gơboh kơ̆ dơn tus rbô rài, toh bơta tồi glài iơh bơsak, bơta gơtup tìs mơ tồi glài. Mơya Kơnràñ ò kòp cau tìs glài la ò gơs glài, tài bơh tồi glài ồng pàng gen Kơnràñ lơh glài kòn sau bol khai dê tus di pe poan rài tơnơ̆.”

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Khà Làng Bol 14:18

‘Yàng Jehôwa la Bơtau òbat gơjrañ, bềng lìu bơta kòñ gơboh, toh glài mơ bơta tòmdră. Bulah Kơnràñ ò sang lòi bơta lơh glài cau tìs glài; Kơnràñ lơh glài ală kòn sau bơh tồi glài ală ồng pàng bol khai dê jơl tus di rài dơ̆ pe mơ dơ̆ poan.’

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Jang 6:44

Dilah Bèp, la Bơtau sồr Añ lòt tus, ò hwài tus, gen ò gơs cau lơi rgơi lòt tus hơ Añ, mơ Añ rơp lơh cau hơ̆ in kis wơl tòm ngai lồi dut.

Rôma 9:18

Behơ̆ Kơnràñ gơs nùs nđàc sơngit di cau lơi gen nđàc sơngit, mơ kòñ lơh kơldang nùs cau lơi gen lơh.

II Kôrintô 1:3

Jòng ro ưnngài Yàng Tom Trồ, Bèp Yàng Jesu Krist bol he dê, la Bèp gơs nùs kòñ nđàc, la Yàng Tom Trồ ai jơh ală bơta pơndòm pơniang.

Yal Wơl 4:31

Bơh Jehôwa Yàng Tom Trồ bol mê dê la Yàng Tom Trồ gơs nùs nđàc sơngit, Kơnràñ rơp ò sang lòi hala tơnroh bol mê hala lòi hŭi bơta ho bal mơ ală ồng pàng bol mê dê mơ Kơnràñ neh srat sa ho bal nàng lơh nền.

Yal Wơl 5:15

Kah tĕ lah bol mê neh ơm dĭ tòm Ejiptơ mơ hơ̆ la Jehôwa Yàng Tom Trồ bol mê dê neh ngui mpàng tê gơnoar pràn mơ tơwòr tê pò tơlik nàng cèng bol mê lik klàs bơh di tiah hơ̆. Gen tàng Jehôwa Yàng Tom Trồ bol mê dê neh sồr bol mê prap gàr ngai Saƀat.

Yal Wơl 6:21

Gen đơs tĕ mơ khai lah: “Bol hi neh ơm dĭ duh broă Pharaôn tòm Ejiptơ, mơya Yàng Jehôwa neh ngui tê gơnoar pràn tă cèng bol hi lik bơh Ejiptơ.

Yal Wơl 7:8

Mơya hơ̆ la tài bơh Yàng Jehôwa neh kòñ gơboh di bol mê mơ prap gàr jơnau srat să ho nền mơ ală ồng pàng bol mê dê mơ Kơnràñ neh ngui tê gơnoar pràn tă tơlik bol mê mơ dong tơwài bol mê bơh di lơgar ơm dĭ, klàs bơh di gơnoar pràn Pharaôn bơtau Ejiptơ dê.

Sră Pơyoa Pol Dê Pơyoa Tit In 3:5

ò di bơh broă song ring să tòm bol he neh lơh ò, mơya jat nùs kòñ nđàc Kơnràñ dê, kơnòm di bơta rào goh bơh bơta deh wơl pa mơ bơta tòmgơl pa tòm Yàng Hwềng Goh.

Jôsue 6:22

Jôsue đơs mơ bàr nă cau sền òm lơgar lah: “Mut tĕ tòm hìu cau ùr dri, mơ lam khai lik bal mơ jơh ală cau ơm mơ khai, jat be jơnau bol mê neh srat să ho nền mơ khai.”

II Pier 2:7

Mơ dilah Kơnràñ dong tă Lot la cau song ring, neh kơlôi moat ngan bơh bơta lơh lòt bung jang ală cau iơh bơsak dê,

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,