Sơnròp Gơlik Gơs 19:13 - Sră Goh 2018

¹³ Bol hi rơp tơnroh tiah do, jơnau hòi driau bơh cau ƀòn do dờng ngan di đap Yàng Jehôwa, gen Kơnràñ sồr bol hi mù tơnroh gơ.”

Sơnròp Gơlik Gơs 19:13 ပူးပေါင်းရင်းမြစ်များ

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Sơnròp Gơlik Gơs 18:20

Yàng Jehôwa đơs lah: “Tài bơh jơnau hòi driau bơh Sôdôm mơ Gômôrơ la oă ngan, tồi glài ală ƀòn hơ̆ la kơnjơ̆ ngan,

Sơnròp Gơlik Gơs 19:12

Bàr nă cau klau lùp Lot lah: “Mê gam gơs cau tai tềng do sơl? Bơrtơu, kòn klau, kòn ùr mơ cau lơi bal mơ mê tòm ƀòn, lam lik tĕ bơh di tiah do!

Esai 3:11

Bòl glar cau iơh bơsak in! Bơh ală bơta tê bol khai neh lơh gen rơp geh tơm wơl bol khai in.

Esai 36:10

Rlau mơ hơ̆, ò di la bơh gơnoar sồr Yàng Jehôwa dê mơ añ lòt tus nàng brồ lơh mơ tơnroh lơgar do ò ơ? Yàng Jehôwa neh đơs mơ añ lah: Lòt tus tòmlơh mơ lơgar do mơ tơnroh gơ.’”

Esai 37:36

Gen cau gơnrơh Yàng Jehôwa dê mut tòm sàl ling cau Asiri dê mơ tơnchơt dô rhiang phàm jơt pram rbô nă cau. Tòm tŭ rìng àng drim gŏ bol khai neh chơt jơh.

Jeremi 44:22

Yàng Jehôwa ò jai kong tai, bơh broă lơh iơh rmơh bol mê dê mơ bơta cù kìr mơ bol mê neh tìs, gen tàng lơgar bol mê neh gơlik gơs tiah lòi srau, ngềt ngơt mơ dô bơta srat sơntơm, ò gơs làng bol ơm jơl tus di ngai do.

Lebi 26:30

Añ rơp tơnroh ală tiah jơnhoa duh khoai bol mê dê, koh sang ală cơnòng chu kơlhô bol mê dê mơ tơƀù ală ƀồc bol mê dê hơđang ală rùp ràk ò gơs bơta kis bol mê dê, mơ Añ rơp cù kìr di bol mê.

Khà Làng Bol 16:21

“Cah is tĕ să tòm bol mê bơh di mpồl jơnum do tồ Añ rgơi tơnroh bol khai mo tŭ do.”

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

Yal Wơl 28:45

Jơh ală jơnau srat sơntơm do rơp dùh hơđang bol mê. Bol gơ rơp ting jat bol mê mơ bàn bol mê jơl tus di tŭ bol mê neh kong tơnroh jơh, tài bơh bol mê neh ò dòn bơr Jehôwa Yàng Tom Trồ bol mê dê mơ prap gàr lơh jat ală jơnau gơnoar sồr mơ ală bơta lơh nền mơ Kơnràñ neh ai bol mê in.

Yal Wơl 4:26

Añ hòi trồ mơ tiah lơh cơng tòmdră mơ bol mê tòm ngai do la bol mê rơp kong roh rui mhar bơh di ù tiah mơ bol mê neh tiă Jordan nàng dòp lơh gơs sre brê. Bol mê rơp ò kis jŏ tòm lơgar hơ̆ mơ ngan la rơp kong tơnroh.

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.

Jude 1:7

Be Sôdôm, Gômôrơ mơ ală ƀòn dờng gùt dar kung neh jat behơ̆ mơ lơh bơta rềs àr bơrnàn mơ ting jat bơta hàm kòñ poac să dê la bơta cau ò òs lơh, gen neh kong lơh glài jàm tòm ồs gam sùm sùm, mơ lòi krơh di đap bol he.