Sơnròp Gơlik Gơs 18:6 - Sră Goh 2018

⁶ Gen, Abraham sơrbac sơrbang mut tòm sàl, tus hơ Sara mơ đơs lah: “Ai tĕ mhar pe jơrlŭ kơmbuh phe, bơcă klac tĕ mơ lơh piang lă dềt.”

Sơnròp Gơlik Gơs 18:6 ပူးပေါင်းရင်းမြစ်များ

Sơnròp Gơlik Gơs 18:5

Añ rơp lòt nàng ai dô pet piang lă mơ cèng ală ồng in nàng sa tồ gơ ram kơndul ală ồng gen sồng lòt gùng tai, tài bơh ală ồng lòt tus di hìu cau dĭ ală ồng dê.” Bol khai đơs lah: “Kư̆ lơh tĕ be jơnau mê neh đơs.”

Sơnròp Gơlik Gơs 18:7

Gen Abraham ntoat tus dê mpồl kơnrồ, kup dô nơm kơnrồ kòn mƀòc poac, ai cau lơh broă in gơm mhar mơ yò sào.

Sơnròp Gơlik Gơs 19:3

Mơya Lot kư̆ jà ngan tian gơs bol hơ̆ lòt tus mut tòm hìu khai. Khai lơh phan sa, mơ buh piang lă ò gơs kañ gen bol hơ̆ sào.

II Samuel 13:6

Behơ̆, Amnôn bic di cơnòng bic mơ lơh tànggơ be kòp jê. Tòm tŭ cau bơtau tus còp khai gen khai đơs mơ cau bơtau lah: “Kòn kòñ oh ùr kòn la Tamar tus mơ lơh dô êt piang lă bơkah di đap mat kòn, nàng kòn rơp sa bơh di tê khai.”

Đơs Crih 119:60

Añ sơrbac sơrbang prap gàr ală bơta sồr lam Yàng dê, Ò lơh òbat nyà.

Esai 32:8

Mơya cau màng ryŭ bơtào gơs ală bơta màng ryŭ, mơ bol khai ntào kơ̆ hơđang ală broă màng ryŭ.

Mathiơ 13:33

Kơnràñ đơs pơnyơu ndai tai mơ bol khai lah: “Lơgar đang trồ kung be kañ cau ùr ne ai bơcă bal mơ poan jơt lit kơmbuh phe jơl tus di tŭ gơprồ làm jơh.”

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Rôma 12:13

Tòmpà tĕ bơta pal ngui sa ală cau sàng goh in; pal kòñ tĕ wă rò nac.

Galati 5:13

Ơ oh mi, oh mi neh geh hòi sac lòt tus hơ bơta khat gơboh, mơya bañ ai bơta khat gơboh hơ̆ lơh kai oh mi in lơh jat poac să, mơya ai tĕ nùs kòñ gơboh duh broă bal mơ gơp.

Hebrơ 13:2

Bañ sang lòi bơta wă rò cau nac crih, bơh gơs cau ƀà lơh bơta hơ̆ neh wă rò ală cau gơnrơh mơ ò git.

I Pier 4:9

Wă rò sơrmah sơrmài tĕ bal mơ gơp, bañ yoam.

Ală Kwang Cahrña 6:19

Behơ̆, Gideôn mut tòm hìu mơ lơh poac dô nơm be kòn, ai dô thùng kơmbuh phe mơ lơh ală piang lă dềt ò gơs kañ. Khai ơn poac tòm bài mơ dà poac tòm glah, lồc behơ̆ khai cèng ơn ală phan hơ̆ Kơnràñ in di tòm cha.

I Samuel 28:24

Cau ùr hơ̆ gơs dô nơm kơnrồ kòn lơmă tòm hìu, gen khai sơrbac sơrbang lơh poac gơ. Khai ai kơmbuh phe bơcă klac mơ lơh gơs piang lă ò gơs kañ.