Sơnròp Gơlik Gơs 18:5 - Sră Goh 2018

⁵ Añ rơp lòt nàng ai dô pet piang lă mơ cèng ală ồng in nàng sa tồ gơ ram kơndul ală ồng gen sồng lòt gùng tai, tài bơh ală ồng lòt tus di hìu cau dĭ ală ồng dê.” Bol khai đơs lah: “Kư̆ lơh tĕ be jơnau mê neh đơs.”

Sơnròp Gơlik Gơs 18:5 ပူးပေါင်းရင်းမြစ်များ

Sơnròp Gơlik Gơs 18:6

Gen, Abraham sơrbac sơrbang mut tòm sàl, tus hơ Sara mơ đơs lah: “Ai tĕ mhar pe jơrlŭ kơmbuh phe, bơcă klac tĕ mơ lơh piang lă dềt.”

Sơnròp Gơlik Gơs 19:8

Do añ gơs bàr nă kòn ơruh, añ ai bol khai ală oh mi in, ală oh mi kòñ lơh di bol khai mbe lơi khat gơboh, mìng bañ lơh bơta lơi iơh di ală cau klau do, bơh bol khai neh mut tòm hìu añ.”

Sơnròp Gơlik Gơs 33:10

Khai ho lah: “Ơ bi, ò di behơ̆, dilah añ neh geh bơta nđàc di đap bi, dòp tĕ phan bơh di tê añ, bơh añ gŏ mat bi be cau gŏ mat Yàng Tom Trồ, mơ bi neh niam nùs wă rò añ.

I Ală Bơtau 17:11

Tòm tŭ khai lòt bơ̆ dà, gen Eli hòi khai mơ đơs lah: “Cèng añ in dô pet piang lă sơl.”

Đơs Crih 104:15

Mơ tơrnòm ño lơh nùs kòn mơnus in hòn chò, ai mơñà lơh muh mat hàng mơnĕ, Mơ gơs piang lă nàng bơtơl pràn kơldang kòn mơnus in.

Esai 3:1

Do, Yàng la Yàng Jehôwa Gơnap Gơnoar Dờng, Bơtau at bồ hơđang rlau jơh rơp tă tơlik bơh di Jerusalem mơ Juda bơta dong kòl mơ ală bơta dòn kơnòm: Kơnràñ rơp tă jơh ală phan sa mơ dà hùc bol khai dê.

Mathiơ 6:11

Dan ai bol hi in ngai do phan sa tơl ngai.

Ală Kwang Cahrña 13:15

Manôa đơs mơ cau gơnrơh Yàng Jehôwa dê lah: “Dan ồng ơm tềng do jơl tus di tŭ bol hi rcang dô nơm be kòn yò sa ồng in.”

Ală Kwang Cahrña 13:16

Cau gơnrơh Yàng Jehôwa dê ho lah: “Bulah mê jà añ ơm wơl, añ rơp ò sa phan sa lơi mê dê ò. Mơya dilah mê kòñ rcang dô nơm phan ơn duh khoai chu pơrguc, gen ơn tĕ gơ Yàng Jehôwa in.” (Manôa ò đal git hơ̆ la cau gơnrơh Yàng Jehôwa dê).

Ală Kwang Cahrña 19:5

Tòm ngai poan, bol khai guh gòñ bơh drim mơ rcang lòt gùng, mơya bèp cau ùr hơ̆ đơs mơ bơrtơu khai dê lah: “Sa tĕ dô êt phan sa nàng lơh pràn mê in, tơnơ̆ hơ̆ gen mê rơp lòt.”

Ală Kwang Cahrña 6:18

Dan Kơnràñ bañ lik lòt bơh di tiah do jơl tus di tŭ añ rê wơl mơ cèng bal phan ơn añ jê mơ ơn di đap Kơnràñ.” Yàng Jehôwa đơs lah: “Añ rơp gơn tềng do jơl tus di tŭ mê rê wơl.”

Ală Kwang Cahrña 6:19

Behơ̆, Gideôn mut tòm hìu mơ lơh poac dô nơm be kòn, ai dô thùng kơmbuh phe mơ lơh ală piang lă dềt ò gơs kañ. Khai ơn poac tòm bài mơ dà poac tòm glah, lồc behơ̆ khai cèng ơn ală phan hơ̆ Kơnràñ in di tòm cha.