Sơnròp Gơlik Gơs 18:32 - Sră Goh 2018

³² Abraham đơs tai lah: “Dan Kơnràñ bañ gơjrañ gen añ rơp đơs dô dơ̆ tai: Dilah jòi gơs mìng jơt nă cau song ring tòm hơ̆ lơm.” Kơnràñ đơs lah: “Añ kung ò tơnroh ƀòn hơ̆, bơh di jơt nă cau hơ̆.”

Sơnròp Gơlik Gơs 18:32 ပူးပေါင်းရင်းမြစ်များ

Sơnròp Gơlik Gơs 18:30

Abraham đơs tai: “Añ dan Kơnràñ bañ gơjrañ gen añ rơp đơs tai: Dilah tòm ƀòn hơ̆ gơs mìng pe jơt nă cau song ring.” Kơnràñ đơs lah: “Dilah Añ jòi tòm hơ̆ gơs pe jơt nă cau gen Añ ò tơnroh.”

Sơnròp Gơlik Gơs 18:31

Abraham đơs tai: “Do, añ khin đơs mơ Kơnràñ: Dilah gơs bàr jơt nă cau song ring lơm.” Kơnràñ đơs lah: “Bơh di bàr jơt nă cau hơ̆, Añ rơp ò tơnroh ƀòn.”

Sơnròp Gơlik Gơs 44:18

Gen Juda lòt tus rềp mơ Jôsep mơ đơs lah: “Bơh kơnràñ la ndròm bal mơ Pharaôn, dan să mơ kơnràñ bañ gơjrañ di cau dĭ kơnràñ dê, lòi añ đơs dô jơnau nàng kơnràñ in iat.

Sră Jop 33:23

Behơ̆ gen, dilah gơs dô nă tòm bol khai la cau gơnrơh, Dô nă cau đơng kừh, dô nă tòm dô rbô nă, la dô nă cau yal loh dô nă cau song ring,

Đơs Crih 86:5

Ơ Yàng, Yàng gơs nùs niam mơ toh glài, Gơs nùs kòñ gơboh kơ̆ dơn tơngkah tơngkañ gơwèt mơ ală cau hòi dan mơ Yàng.

Lik Ejiptơ 32:14

Gen Yàng Jehôwa nđàc mơ ò đùh hơđang làng bol Kơnràñ dê bơta rung rài mơ Kơnràñ neh khơm rơp đùh hơđang bol khai.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Esai 65:8

Do la jơnau đơs Yàng Jehôwa dê: “Kung be tơrnòm ño gơs tòm dơrkum plai ño, mơ cau đơs lah: ‘Bañ lơh roh gơ, bơh gam gơs bơta lơngai tòm hơ̆.’ Behơ̆ Añ rơp lơh bơh ală cau duh broă Añ jê; mơ ò tơnroh jơh tơl nă bol khai.

Jeremi 5:1

Ntoat mơ lòt yơng tĕ làm ală gùng ƀòn dờng Jerusalem, Sền gùt dar mơ kah prap. Jòi tĕ tòm ală hìu dờng jơnum mơ sền, Dilah mê rgơi jòi bàn dô nă cau, lơh bơta song ring, jòi bơta song ngan, Gen Añ rơp toh glài Jerusalem in.

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Mathiơ 7:7

“Dan tĕ, rơp ai; jòi tĕ, rơp bàn; teh tĕ, rơp geh pò bol mê in.

Ephesô 3:20

Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Ală Kwang Cahrña 6:39

Gideôn đơs tai mơ Yàng Tom Trồ lah: “Dan Yàng bañ gơhào gơjrañ di añ. Dan lòi añ in dan mìng dô dơ̆ do tai. Dan ai gơnoar añ lòng dô dơ̆ tai mơ gơltau sơnò belàt do. Dơ̆ do, dan ai mìng gơltau sơnò belàt rañ rsơh, mơya dà mơryuh gen gơs làm ù gùt dar.”