Sơnròp Gơlik Gơs 18:31 - Sră Goh 2018

³¹ Abraham đơs tai: “Do, añ khin đơs mơ Kơnràñ: Dilah gơs bàr jơt nă cau song ring lơm.” Kơnràñ đơs lah: “Bơh di bàr jơt nă cau hơ̆, Añ rơp ò tơnroh ƀòn.”

Sơnròp Gơlik Gơs 18:31 ပူးပေါင်းရင်းမြစ်များ

Sơnròp Gơlik Gơs 18:27

Abraham đơs tai lah: “Bulah añ do la kơmbuh ù mơ bùh, añ kung khin đơs tai mơ Yàng.

Sơnròp Gơlik Gơs 18:30

Abraham đơs tai: “Añ dan Kơnràñ bañ gơjrañ gen añ rơp đơs tai: Dilah tòm ƀòn hơ̆ gơs mìng pe jơt nă cau song ring.” Kơnràñ đơs lah: “Dilah Añ jòi tòm hơ̆ gơs pe jơt nă cau gen Añ ò tơnroh.”

Sơnròp Gơlik Gơs 18:32

Abraham đơs tai lah: “Dan Kơnràñ bañ gơjrañ gen añ rơp đơs dô dơ̆ tai: Dilah jòi gơs mìng jơt nă cau song ring tòm hơ̆ lơm.” Kơnràñ đơs lah: “Añ kung ò tơnroh ƀòn hơ̆, bơh di jơt nă cau hơ̆.”

Mathiơ 7:11

Behơ̆ dilah bol mê la cau iơh, mơ git ai kòn he in ală phan niam, tơ ài lah Bèp bol mê ơm hơđang trồ, ò ai phan niam ală cau in dan mơ Kơnràñ ò ơ?

Mathiơ 7:7

“Dan tĕ, rơp ai; jòi tĕ, rơp bàn; teh tĕ, rơp geh pò bol mê in.

Luka 11:8

Añ đơs mơ bol mê, bulah cau ơm tòm hìu hơ̆ ò bài guh ai, tài bơh cau ne la bơyô khai dê, mơya tài bơh bơta ntềt pơrjal bơyô khai dê, ngan khai rơp guh, ai bơyô in tơl phan ngui sa.

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

Ephesô 6:18

Jơh nùs tĕ hòi dan mơ rac dan; tŭ lơi kung hòi dan tĕ kơnòm di Yàng Hwềng; bơh bơta hơ̆ drơng kơp tĕ, kơ̆ nùs wền dơngoh tòm jơh ală bơta mơ hòi dan jơh ală cau sàng goh in.

Hebrơ 4:16

Behơ̆ bol he kơ̆ tĕ nùs tus rềp di sơbàn Bơtau ai bơta nđàc dê, nàng dòp geh bơta nđàc sơngit mơ jòi geh bơta kòñ nđàc nàng dong kòl bol he tòm tŭ pal càng.