Sơnròp Gơlik Gơs 18:25 - Sră Goh 2018

²⁵ Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Sơnròp Gơlik Gơs 18:25 ပူးပေါင်းရင်းမြစ်များ

Sơnròp Gơlik Gơs 18:24

Digơlan tòm ƀòn gơs pram jơt nă cau song ring, Kơnràñ kung tơnroh jơh bol khai sơl ơ? Kơnràñ ò toh glài ƀòn hơ̆ in bơh pram jơt nă cau song ring ơm tòm ƀòn hơ̆ sơl ơ?

I Yal Yau 16:33

Gen ală chi tòm dơr rơp đơs chò, hòn chò di đap Yàng Jehôwa, bơh Kơnràñ tus nàng cahrña plai ù.

II Yal Yau 19:7

Tŭ do, duh rngòt tĕ di Yàng Jehôwa mơ kơrhia tĕ tòm bơta cahrña, bơh Jehôwa Yàng Tom Trồ bol he dê ò dòp bơta ò song ring hala bơta ò ring bal hala cau dòp phan sa loă.”

Nehemi 9:33

Tòm kòp bơta neh gơlik bol hi in, Kơnràñ ngan song ring; tài bơh Kơnràñ lơh dô bă dòn song ai bol hi neh lơh bơta iơh bơsak.

Sră Jop 34:10

Gen tàng, iat tĕ añ ơ ală cau gơs bơta git wă, Yàng Tom Trồ ò gơs tŭ lơi lơh bơta iơh, Bơtau Gơnap Gơnoar Làm Jơh ò gơs tŭ lơi lơh tìs,

Sră Jop 34:12

Tòm bơta song ngan, la Yàng Tom Trồ rơp ò gơs tŭ lơi lơh bơta iơh, Hala Bơtau Gơnap Gơnoar Làm Jơh ò lơh rkwet rkwe bơta song ring.

Sră Jop 8:20

Sền tĕ, Yàng Tom Trồ rơp ò sang lòi dô nă cau wil tơl, Hala tă tê nàng dong cau lơh bơta iơh bơsak,

Sră Jop 8:3

Yàng Tom Trồ lơh tìs bơta song ring ơ? Hala Bơtau Gơnap Gơnoar Làm Jơh ò lơh dimơ bơta song ring ơ?

Đơs Crih 50:6

Ală tap trồ bơto yal bơta song ring Kơnràñ dê, Tài bơh să tòm Yàng Tom Trồ la Bơtau cahrña! (Selah)

Đơs Crih 58:11

Cau rơp đơs lah: “Ngan gơs phan ƀàn cau song ring in; Ngan gơs Yàng Tom Trồ gam cahrña tòm ù.”

Đơs Crih 7:12

Dilah cau ò gơjrañ sang glài, gen Yàng Tom Trồ rơp tồl đào.

Đơs Crih 75:3

Tòm tŭ ù tiah gơlơnggơr bal mơ làng bol ơm hơđang ù. Hơ̆ Añ la Bơtau prap kơ̆ ală jrong gơ.” (Selah)

Đơs Crih 94:2

Ơ Bơtau cahrña plai ù, dan guh, dan sal wơl di cau pơnhừ să bơta di pal bol khai in.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Cau Bơto 7:15

Tòm rài kis roh lơm añ jê, añ neh gŏ jơh ală bơta: Gơs ală cau song ring, roh rui tòm bơta song ring bol khai dê; mơ cau iơh bơsak geh kis jŏ jòng tòm bơta iơh bơsak bol khai dê.

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 12:1

Khoai Yàng Jehôwa, Kơnràñ song ring ngan; Tòm tŭ añ tòm pơndang mơ Kơnràñ Bulah behơ̆, añ dan lùp Kơnràñ. Ñchi bơh tài gùng dà cau iơh geh bơtoah bơtoài taih? Ală cau tìs glài geh cồng nha taih?

Ejekiel 18:25

Bulah behơ̆ bol mê gam đơs lah: ‘Gùng dà Yàng Jehôwa dê ò song ring!’ Ơ hìu Israel, iat tĕ: Gùng dà Añ jê ngan la ò song ring sơl ơ? Ò di la ală gùng dà bol mê dê la ò song ring ơ?

Malaci 3:18

Mơ dô dơ̆ tai bol mê rơp gŏ bơta krơi is digùl cau song ring mơ cau iơh bơsak, digùl cau duh broă Yàng Tom Trồ mơ cau ò duh broă Kơnràñ.”

Khà Làng Bol 16:22

Mơya Môise mơ Arôn tơmbic să blup mat di ù mơ rac dan lah: “Ơ Yàng Tom Trồ la Yàng Tom Trồ ală hwềng jơh kòn mơnus dê, Kơnràñ rơp gơhào gơjrañ mơ jơh mpồl jơnum tòm tŭ gơs mìng dô nă tìs glài sơl ơ?”

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Yal Wơl 1:16

Mơ añ neh jào gơnoar ală cau kwang cahrña bol mê dê tòm tŭ hơ̆ mơ đơs mơ bol khai lah: ‘Iat tĕ ală bơta tòmlah tòmring digùl ală oh mi bol mê dê mơ cahrña song ngan, bulah la bơta tòmlah tòmring digùl ală oh mi cau Israel dê hala digùl dô nă tòm bol khai mơ dô nă cau làng bơdìh.

Yal Wơl 1:17

Bañ cahrña bơklơn hala dong tò dô đah lơi; iat tĕ cau dềt mơ cau dờng ndròm bal. Bañ rngòt dô nă cau lơi, bơh bơta cahrña gơrê bal mơ Yàng Tom Trồ. Cèng tĕ tus hơ añ bơta lơi kalke bol mê in cahrña, mơ añ rơp iat ală bơta hơ̆.’

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Hebrơ 12:23

tus hơ Hìu Jum Goh ală kòn tơnhoa dê neh cih sơnđan mat hơđang trồ, tus hơ Yàng Tom Trồ la Kwang Cahrña tơl nă cau, tus hơ hwềng soàn ală cau song ring dê neh geh wil tơl,

Ală Kwang Cahrña 11:27

Añ ò di la cau neh tìs mơ mê mơya mê neh lơh bơta tìs mơ añ tòm bơta bơtào tòmlơh mơ añ. Dan Yàng Jehôwa la Bơtau Cahrña rơp cahrña lơh nền ngai do bơh bơta tòmlơh digùl làng bol Israel mơ làng bol Ammôn.”