Sơnròp Gơlik Gơs 18:22 - Sră Goh 2018

²² Ală cau hơ̆ bơh tềng hơ̆ lòt tus hơ Sôdôm mơya Abraham gam ntào di đap Yàng Jehôwa.

Sơnròp Gơlik Gơs 18:22 ပူးပေါင်းရင်းမြစ်များ

Sơnròp Gơlik Gơs 18:16

Ală cau hơ̆ ñă lòt, sền hơ đah Sôdôm. Abraham kung lòt bal jun bol khai.

Sơnròp Gơlik Gơs 18:17

Yàng Jehôwa đơs lah: “Añ pồn mơ Abraham ñchi bơta lơi Añ rơp lơh sơl ơ?

Sơnròp Gơlik Gơs 19:1

Tus dê mho, bàr nă cau gơnrơh tus hơ Sôdôm mơ Lot ơm nggui di mpồng ƀòn. Dơ̆ Lot gŏ bol hơ̆ gen khai ñă lòt rò mơ tơmbic să di ù.

Sơnròp Gơlik Gơs 19:27

Abraham guh bơh drim, lòt tus di tiah khai neh ntào di đap Yàng Jehôwa.

Đơs Crih 106:23

Gen tàng Kơnràñ đơs lah Kơnràñ rơp tơnroh bol khai. Mơya Môise, la cau Kơnràñ sac rwah, ntào di đap Kơnràñ ala bol khai, Mơ dan Kơnràñ wèt ngài bơta gơjrañ dờng Kơnràñ dê bơh bơta tơnroh bol khai.

Jeremi 15:1

Gen Yàng Jehôwa đơs mơ añ lah: “Bulah Môise mơ Samuel ntào di đap Añ, mơya nùs Añ kung ò wèt mơ làng bol do. Bơtrơh tơlik tĕ bol khai ngài bơh di mat Añ, mơ lòi bol khai lòt!

Jeremi 18:20

Bơta iơh rgơi tơm wơl bơta niam ơ? Bơh bol khai neh tò trồm lơh iơh bơta kis añ in. Dan kah wơl mbe añ neh ntào di đap Kơnràñ, Bơh bol khai mơ dan bơta lơngai, Bơta gơjrañ Kơnràñ dê wèt ngài bơh bol khai.

Ejekiel 22:30

Añ neh jòi dô nă cau tòm gùl bol khai nàng bơt bơtào wơl dơrñang, ala mat làng bol mơ ntào di đap Añ tòm tiah pah digùl tồ Añ in ò tơnroh gơ; mơya Añ ò jòi bàn dô nă cau lơi.

Broă 7:55

Mơya Etien gơs bềng lìu Yàng Hwềng Goh, tơnggòr sền hơđang trồ, gŏ bơta gơklŏ Yàng Tom Trồ dê, mơ Yàng Jesu ntào đah ma Yàng Tom Trồ;

I Timôthe 2:1

Behơ̆ sơnròp ngan añ bơto tơngkah lah: Pal rac dan, hòi dan, hòi dan ala, mơ ưnngài jơh tơl nă cau in,