Sơnròp Gơlik Gơs 18:20 - Sră Goh 2018

²⁰ Yàng Jehôwa đơs lah: “Tài bơh jơnau hòi driau bơh Sôdôm mơ Gômôrơ la oă ngan, tồi glài ală ƀòn hơ̆ la kơnjơ̆ ngan,

Sơnròp Gơlik Gơs 18:20 ပူးပေါင်းရင်းမြစ်များ

Sơnròp Gơlik Gơs 13:13

Mơ tai, làng bol Sôdôm la iơh bơsak mơ gơs glài dờng ngan tòmdră mơ Yàng Jehôwa.

Sơnròp Gơlik Gơs 19:13

Bol hi rơp tơnroh tiah do, jơnau hòi driau bơh cau ƀòn do dờng ngan di đap Yàng Jehôwa, gen Kơnràñ sồr bol hi mù tơnroh gơ.”

Sơnròp Gơlik Gơs 19:4

Lài mơ tŭ bol khai bic, jơh ală cau klau tòm Sôdôm, bơh cau kơnòm tus di cau kra, jơh làng bol, bol khai ntoat tus ơm gùt dar hìu.

Sơnròp Gơlik Gơs 4:10

Yàng Jehôwa lùp: “Ñchi bơta mê neh lơh taih? Jơnau mhàm oh mê dê bơh tòm ù hòi tus hơ Añ.

Sơnròp Gơlik Gơs 6:12

Mơ Yàng Tom Trồ sền lơgar dunnia, gŏ bơta ngkòr ngkàc tài bơh jơh ală poac să lơh ngkòr ngkàc gùng he tòm ù.

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Esai 5:7

Suơn ño Yàng Jehôwa Gơnap Gơnoar Dờng dê, hơ̆ la hìu Israel, mơ làng bol Juda la ală chi tam Kơnràñ kòñ gơboh. Kơnràñ kơp gơn bơta song ngan, mơya neh gŏ bơta lơh gơhòr mhàm; kơp gơn bơta song ring, mơya neh kơno jơnau nggà ñìm jê sồt bòl glar.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

Jeremi 23:14

Mơya, tòm mpồl cau gơnoar hwơr tòm Jerusalem, Añ gŏ dô bơta cù kìr rlau tai; Bol khai tìs glài rềs àr bơrnàn, cơnđòa jat bơta ma blac; Bol khai lơh pràn kơldang tê cau lơh iơh in, Tian gơs ò gơs cau lơi pơrlac sang bơta iơh. Añ sền jơh ală bol khai gơlik kung be Sôdôm, Mơ làng bol gơ dê kung be Gômôrơ.”

Ejekiel 16:46

Bi ùr ai dê la Samari la cau ơm tòm lơgar đah đang ai dê bal mơ ală kòn ùr khai dê, mơ oh ùr ai dê la Sôdôm bal mơ ală kòn ùr khai dê ơm tòm lơgar đah đơm ai dê.

Jôel 3:13

Ơn tĕ mơ̆, bơh kơnhai toès neh tus. Tus tĕ pat plai ño, bơh mpal pat tơrnòm neh bềng, mơ ală thùng dờng neh bềng, bơh bơta iơh bơsak bol khai dê dờng ngan.

Jôna 1:2

“Lòt tĕ mo tus hơ ƀòn dờng Ninibe mơ bơto tòmdră mơ gơ, bơh bơta iơh bơsak gơ dê neh guh tus di đap Añ.”

Jakơ 5:4

Jền tơngai ală cau lơh ơpah toès tòm sre bol mê dê, mơ bol mê neh sa kơrlơm, gen gơ hòi driau; mơ jơnau hòi driau ală cau toès dê neh guh tus dê tồr Yàng Gơnap Gơnoar Làm Jơh.