Sơnròp Gơlik Gơs 18:19 - Sră Goh 2018

¹⁹ Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 18:19 ပူးပေါင်းရင်းမြစ်များ

Sơnròp Gơlik Gơs 12:2

Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Sơnròp Gơlik Gơs 17:9

Yàng Tom Trồ đơs mơ Abraham lah: “Pơnah đah mê mơ jơi bơtiàn mê dê rơp prap gàr bơta ho bal Añ jê tòm kòp rài bol mê dê.

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 35:2

Gen Jakôp đơs mơ hìu nhă khai dê mơ jơh ală cau lòt bal mơ khai lah: “Tơlik sang tĕ ală yàng ndai bơh digùl ală bol mê, lơh bol mê in gơs sàng goh mơ bơsoh ào.

II Samuel 22:22

Bơh añ neh lòt jat ală gùng dà Yàng Jehôwa dê; añ neh ò lơh iơh mơ pơrlac sang Yàng Tom Trồ añ jê.

II Samuel 7:20

Ñchi jơnau Dabit gam kòñ đơs tai mơ Yàng taih? Bơh Yàng git cau duh broă Yàng dê, ơ Jehôwa Yàng Tom Trồ.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

II Yal Yau 14:3

Khai tă sang ală cơnòng duh khoai làng bol bơdìh dê mơ ală tiah jơnhoa duh khoai, pòng bơcah ală lŭ jrong duh khoai, mơ koh sang ală jrong duh khoai yàng Asera dê,

Nehemi 9:7

Kơnràñ la Jehôwa Yàng Tom Trồ neh sac rwah Abram mơ lam khai lik bơh ƀòn Ur tòm lơgar Kalde, tơmoh sơnđan khai la Abraham.

Sră Jop 1:5

Tòm tŭ ală ngai ñô sa hơ̆ neh tơl wềr bol khai dê rau, Jop sồr cau lòt rcang nàng lơh sàng goh bol khai in, khai guh gòñ bơh àng drim, mơ ơn ală phan chu duh khoai jat be khà jơh ală kòn khai dê, bơh Jop neh đơs lah: “Digơlan ală kòn añ jê neh tìs glài, mơ tòm nùs bol khai srat rma di Yàng Tom Trồ mòn!” Hơ̆ la bơta Jop òs lơh behơ̆ sùm.

Đơs Crih 1:6

Bơh Yàng Jehôwa rơp sền gàr gùng dà cau song ring dê, Mơya gùng dà cau iơh bơsak dê rơp kong roh rui.

Đơs Crih 11:4

Yàng Jehôwa ơm tòm Hìu Duh Khoai Sàng Goh Kơnràñ dê; sơbàn Yàng Jehôwa dê ơm hơđang trồ; Mat Kơnràñ sền gŏ, gar mat Kơnràñ sền sơwì kòn sau kòn mơnus dê.

Đơs Crih 34:15

Mat Yàng Jehôwa dê wèt sền cau song ring, Tồr Kơnràñ dê kơno jơnau hòi dan bol khai dê.

Jơnau Pơnđik 22:6

Bơto tĕ kòn dềt in dô nơm gùng di khai pal jat; bulah tŭ khai neh kra, kung ò tŭ lơi sang lòi gơ.

Esai 38:19

Ală cau kis, mìng cau kis; bol khai jòng ro Kơnràñ kung be añ lơh ngai do; cau bèp rơp yal kòn sau khai in git bơta dòn song Kơnràñ dê.

Lebi 14:42

Lồc behơ̆ bol khai pal ai ală lŭ ndai mơ bơt wơl ala ală lŭ neh tă sang, mơ ngui ù kơnàng pa nàng lềr hìu.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Mathiơ 25:17

Cau neh dòp bàr talơng kung lơh gơlik cồng bàr talơng sơl.

Jang 10:14

Añ la cau ê lơbơn niam. Añ git belàt Añ jê mơ belàt Añ git Añ,

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

Broă 27:31

gen Pol đơs mơ cau at dô rhiang ling bal mơ cau ling lah: “Dilah ală cau do ò ơm tòm ơhò, gen ală ồng ò rgơi geh dong klàs.”

Ephesô 6:4

Ơ cau la bèp, bañ lơh kòn he in gơjrañ, mơya ngui tĕ bơta lơh glài tơmàl mơ jơnau bơto tơngkah Yàng dê nàng ròng siam bol khai.

Yal Wơl 32:46

khai đơs mơ bol khai lah: “Prap gàr tĕ tòm nùs bol mê dê jơh ală jơnau mơ añ neh yal tơlik bol mê in tòm ngai do dô bă kràñ cê ngan, tồ bol mê rgơi sồr kòn sau bol mê dê kơrhia dòn bơr jơh ală jơnau tòm bơta boh lam do.

I Timôthe 3:12

Cau dong gàr hìu jum pal la cau klau gơs mìng dô nă bau ùr lơm, pal git at bồ niam kòn sau mơ hìu nhă tòm he dê.

II Timôthe 1:5

Añ kah bơta dòn song ngan ơm tòm mê, la bơta dòn lài neh ơm tòm Lôit mò mê, mơ tòm Ơnit mè mê dê, añ dòn nền ngan lah gơ kung ơm tòm mê sơl.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

II Timôthe 3:15

mơ bơh di tŭ mê gam dềt mê neh git Sră Goh rgơi lơh mê in gơlik gơs jak chài tồ geh dong klàs bơh bơta dòn tòm Yàng Krist Jesu.

Jôsue 24:15

Dilah bol mê ò bài duh broă Yàng Jehôwa, gen bol mê sac rwah tĕ tòm ngai do yàng lơi mơ bol mê rơp duh broă, ală yàng ală ồng pàng bol mê dê neh duh broă đah ne hiòng Ơphrat, hala ală yàng làng bol Amôrit dê tòm lơgar bol mê ơm. Mơya añ mơ hìu nhă añ jê, bol hi rơp duh broă Yàng Jehôwa.”

Ală Kwang Cahrña 13:12

Gen Manôa lùp lah: “Tòm tŭ jơnau ồng gơlik di ngan gen rài kis mơ broă lơh kòn dềt hơ̆ di rơp jat bơta sồr lam lơi taih?”