Sơnròp Gơlik Gơs 18:17 - Sră Goh 2018

¹⁷ Yàng Jehôwa đơs lah: “Añ pồn mơ Abraham ñchi bơta lơi Añ rơp lơh sơl ơ?

Sơnròp Gơlik Gơs 18:17 ပူးပေါင်းရင်းမြစ်များ

Sơnròp Gơlik Gơs 18:21

gen tàng Añ kòñ mù nàng sền dilah ƀòn hơ̆ lơh ngan be jơnau neh hòi tus hơ Añ, dilah ò ngan gen Añ rơp git.”

Sơnròp Gơlik Gơs 18:22

Ală cau hơ̆ bơh tềng hơ̆ lòt tus hơ Sôdôm mơya Abraham gam ntào di đap Yàng Jehôwa.

Sơnròp Gơlik Gơs 18:26

Yàng Jehôwa ho lah: “Dilah Añ jòi gơs tòm Sôdôm pram jơt nă cau song ring, gen bơh ală cau hơ̆ Añ rơp toh glài jơh dô ƀòn.”

Sơnròp Gơlik Gơs 19:24

Chòp Yàng Jehôwa tơndùh mìu siau mơ ồs bơh hơđang trồ tus tòm Sôdôm mơ Gômôrơ,

II Ală Bơtau 4:27

Tŭ cau ùr tus rềp di cau Yàng Tom Trồ dê, hơđang mơnơm gen koar di jơng khai. Mơ Gehaji tus rềp nàng tơlo khai. Mơya cau Yàng Tom Trồ đơs lah: “Lòi tĕ dò khai, bơh khai jê sồt moat jrùng, sràt bơtang ngan; Yàng Jehôwa neh pồn mơ añ bơta do, mơ ò yal añ in.”

II Yal Yau 20:7

Kơnràñ ò di la Yàng Tom Trồ bol hi dê, neh ting bơtrơh ală làng bol ơm tòm lơgar do di đap làng bol Israel Kơnràñ dê, mơ ai lơgar kòn sau Abraham in, la cau bơyô Kơnràñ dê, jơl tus sùm sùm ò ơ?

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Amôs 3:7

Ngan Jehôwa Yàng Tom Trồ ò lơh dô bơta lơi mơ ò yal tơlik bơta ndơp ndơr Kơnràñ dê mơ ală cau duh broă Kơnràñ in la ală cau gơnoar hwơr.

Jang 15:15

Añ ò tai sơnđan bol mê la cau dĭ, bơh cau dĭ ò git bơta cau tòm he lơh; mơya Añ sơnđan bol mê la bơyô, tài bơh Añ neh yal bol mê in git jơh ală bơta Añ neh kơno bơh di Bèp Añ.

Jakơ 2:23

Behơ̆ gơlik di ngan be jơnau Sră Goh cih lah: “Abraham dòn Yàng Tom Trồ mơ bơta hơ̆ geh kòp la song ring khai in,” mơ khai geh sơnđan la bơyô Yàng Tom Trồ dê.