Sơnròp Gơlik Gơs 18:14 - Sră Goh 2018

¹⁴ Gơs bơta lơi Yàng Jehôwa ò rgơi lơh sơl ơ? Tus di kơnhai neh pơgon, Añ rơp rê wơl hơ mê, mơ Sara rơp gơs dô nă kòn klau.”

Sơnròp Gơlik Gơs 18:14 ပူးပေါင်းရင်းမြစ်များ

Sơnròp Gơlik Gơs 17:16

Añ rơp ai lơngai khai in, mơ bơh di khai Añ rơp ai mê in dô nă kòn klau. Añ rơp ai lơngai khai in, mơ bơh khai rơp gơlik gơs oă làng bol; ală cau bơtau ală làng bol dê rơp bơh khai mơ gơlik gơs.”

Sơnròp Gơlik Gơs 17:21

Mơ Añ rơp lơh bơta ho bal Añ jê mơ Isak, mơ Sara rơp deh mê in tòm nam dă, kơnhai do.”

Sơnròp Gơlik Gơs 18:10

Dô nă đơs lah: “Añ rơp rê wơl ngan mơ mê tòm kơnhai do nam dă, mơ tŭ hơ̆, Sara, bau mê rơp gơs dô nă kòn klau.” Sara ơm di mpồng sàl bơh ngkòi cau hơ̆, kơno ală jơnau hơ̆.

Sơnròp Gơlik Gơs 18:13

Yàng Jehôwa lùp Abraham lah: “Ñchi bơh tài Sara ñŏ mơ đơs lah: ‘Añ rơp deh ngan tòm tŭ añ neh kra sơl ơ?’

Sơnròp Gơlik Gơs 18:15

Bơh Sara rngòt gen pơndang mơ đơs lah: “Añ ò ñŏ ò!” Mơya Kơnràñ đơs lah: “Ngan ai neh ñŏ rau.”

Sơnròp Gơlik Gơs 21:1

Yàng Jehôwa lòt còp Sara jat be jơnau Kơnràñ neh đơs, mơ lơh khai in jat be jơnau Kơnràñ neh ho.

Sơnròp Gơlik Gơs 21:2

Sara bun, deh dô nă kòn klau Abraham in tòm tŭ khai neh kra, tòm toh di tŭ Yàng Tom Trồ neh pơgon mơ khai.

II Ală Bơtau 4:16

Elise đơs mơ cau ùr lah: “Nam tơnơ̆, di di tŭ do, ai rơp kơnđu dô nă kòn klau.” Khai đơs: “Ơ yàng añ, la cau Yàng Tom Trồ dê! Dan bañ đơs pơrlồm mơ dĭ ùr yàng dê.”

Sră Jop 36:5

Ngan la Yàng Tom Trồ gơs gơnap gơnoar pràn mơ ò sền òsơp di cau lơi; Kơnràñ la gơnap gơnoar tòm bơta pràn kơldang bơta git wă dê.

Sră Jop 42:2

“Añ git lah Yàng rgơi lơh jơh ală bơta, Ò gơs cau lơi rgơi kơryan broă lơh Yàng dê.

Đơs Crih 90:13

Ơ Yàng Jehôwa, dan wèt sền di bol hi, bol hi gơn nđò jŏ taih? Dan nđàc sơngit di bol hi la cau duh broă Kơnràñ dê.

Đơs Crih 93:1

Yàng Jehôwa la Bơtau at bồ; Kơnràñ soh bơta ryŭ ryơm be ào; Yàng Jehôwa soh mơ kơt but mơ bơta pràn kơldang. Dunnia geh bơtào kơ̆, mơ rơp ò gơs tŭ lơi wañ lơnggơh.

Đơs Crih 95:3

Bơh Jehôwa la Yàng Tom Trồ dờng ngan, Mơ la Bơtau dờng hơđang rlau jơh ală yàng.

Esai 50:2

Ñchi bơh tài tòm tŭ Añ tus, ò gơs dô nă cau lơi taih? Ñchi bơh tài tòm tŭ Añ hòi, ò gơs dô nă cau lơi ho wơl taih? Tơwòr tê Añ la liah ngan tian gơs ò rgơi tơwài bol mê sơl ơ? Añ ò tơl pràn nàng dong tă bol mê sơl ơ? Mìng bơh dô jơnau lah pơrhơng mơ Añ neh lơh soat dàlềng, Añ lơh ală hiòng dà gơlik gơs ƀlàng bràs; ka tòm dà gơ dê chơt ồm bơh siơ̆u dà, mơ chơt tơhìr dà.

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Jeremi 32:27

“Do, Añ la Jehôwa, Yàng Tom Trồ ală jơi poac să dê; gơs bơta lơi kalke Añ in sơl ơ?

Daniel 6:20

Tòm tŭ bơtau tus rềp di wàng klìu, khai ai sap moat jrùng ngan mơ hòi Daniel lah: “Ơ Daniel, cau duh broă Yàng Tom Trồ gam kis sùm sùm dê, Yàng Tom Trồ mơ mê òs duh broă sùm rgơi dong tă mê bơh di klìu triă sơl?”

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Sacari 8:6

Yàng Jehôwa Gơnap Gơnoar Dờng Làm Jơh đơs be do: “Tian gơs bơta hơ̆ sền gơlơh kung be broă ò rgơi lơh gơs di đap ală làng bol gam wơl tòm ală ngai do, mơ bơta hơ̆ kung gơlơh be ò rgơi gơlik gơs gơwèt mơ Añ sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Khà Làng Bol 11:23

Yàng Jehôwa ho wơl Môise in lah: “Tơwòr tê Yàng Jehôwa dê la liah ngan sơl ơ? Mê rơp sền gŏ jơnau Añ đơs rơp gơlik gơs di ngan mê in hala ò.”

Mathiơ 14:31

Yàng Jesu ai tê sơmbat mo di khai mơ đơs lah: “Ơ cau gơs dô êt bơta dòn, ñchi bơh tài mê pin taih?”

Mathiơ 19:26

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ rgơi lơh jơh ală bơta.”

Mathiơ 3:9

Bañ khin đơs is lah: ‘Gơs Abraham la ồng pàng bol he dê.’ Bơh añ đơs mơ bol mê, Yàng Tom Trồ rgơi lơh ală lŭ do in gơlik gơs kòn sau Abraham dê.

Jơnau Niam Jat Mak 10:27

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ ò di behơ̆, bơh Yàng Tom Trồ rgơi lơh jơh ală bơta.”

Luka 1:13

Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Luka 1:18

Sacari đơs mơ cau gơnrơh lah: “Mbe añ rgơi git bơta hơ̆ taih? Bơh añ neh kra, mơ bau añ kung neh jòng sơnam rau.”

Luka 1:37

Bơh ò gơs bơta lơi la Yàng Tom Trồ ò rgơi lơh.”

Luka 8:50

Mơya Yàng Jesu kơno behơ̆ gen đơs mơ khai lah: “Bañ rngòt, mìng dòn lơm, gen kòn ùr mê dê rơp geh sơmbòi.”

Rôma 4:21

bơh ồng dòn nền ngan lah bơta lơi Yàng Tom Trồ neh ho pơgon, gen Kơnràñ kung gơs gơnoar lơh gơs bơta hơ̆.

Ephesô 3:20

Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Yal Wơl 30:3

gen Jehôwa Yàng Tom Trồ bol mê dê rơp tơm wơl phan mơna bol mê dê, mơ gơs nùs nđàc sơngit di bol mê, mơ pơjum tơrgòm bol mê bơh di ală lơgar mơ Kơnràñ neh rsìh bol mê.

Yal Wơl 7:21

Bañ rngòt rngơt di bol khai bơh Jehôwa Yàng Tom Trồ bol mê dê la Bơtau ơm digùl bol mê la dờng mơ pal rngòt ngan.

Philip 3:21

Kơnràñ rơp lơh să jan ò kwơ bol he dê gơlik gơs be să jan gơklŏ Kơnràñ dê, jat be gơnap gơnoar Kơnràñ gơs nàng lơh jơh ală phan dòn duh Kơnràñ.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Hebrơ 11:19

Khai dòn lah Yàng Tom Trồ gơs gơnap gơnoar rgơi lơh cau chơt in kis wơl, kung ndròm be khai dòp geh wơl kòn khai dê bơh bơta chơt.

Ală Kwang Cahrña 13:3

Cau gơnrơh Yàng Jehôwa dê tơlik mat mơ cau ùr hơ̆ mơ đơs lah: “Bulah ai la kơnền ò deh kòn, mơya ai rơp bun mơ deh dô nă kòn klau.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”