Sơnròp Gơlik Gơs 18:10 - Sră Goh 2018

¹⁰ Dô nă đơs lah: “Añ rơp rê wơl ngan mơ mê tòm kơnhai do nam dă, mơ tŭ hơ̆, Sara, bau mê rơp gơs dô nă kòn klau.” Sara ơm di mpồng sàl bơh ngkòi cau hơ̆, kơno ală jơnau hơ̆.

Sơnròp Gơlik Gơs 18:10 ပူးပေါင်းရင်းမြစ်များ

Sơnròp Gơlik Gơs 16:10

Cau gơnrơh Yàng Jehôwa dê đơs tai lah: “Añ rơp bơtơl oă jơi bơtiàn ai in; bol khai rơp gơlik gơs oă tian gơs cau ò jai kòp.”

Sơnròp Gơlik Gơs 17:16

Añ rơp ai lơngai khai in, mơ bơh di khai Añ rơp ai mê in dô nă kòn klau. Añ rơp ai lơngai khai in, mơ bơh khai rơp gơlik gơs oă làng bol; ală cau bơtau ală làng bol dê rơp bơh khai mơ gơlik gơs.”

Sơnròp Gơlik Gơs 17:19

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Sơnròp Gơlik Gơs 17:21

Mơ Añ rơp lơh bơta ho bal Añ jê mơ Isak, mơ Sara rơp deh mê in tòm nam dă, kơnhai do.”

Sơnròp Gơlik Gơs 18:9

Ală ồng hơ̆ lùp Abraham lah: “Ntềng đah Sara, bau mê taih?” Khai ho lah: “Ne, khai tòm sàl ne.”

Sơnròp Gơlik Gơs 21:1

Yàng Jehôwa lòt còp Sara jat be jơnau Kơnràñ neh đơs, mơ lơh khai in jat be jơnau Kơnràñ neh ho.

Sơnròp Gơlik Gơs 21:2

Sara bun, deh dô nă kòn klau Abraham in tòm tŭ khai neh kra, tòm toh di tŭ Yàng Tom Trồ neh pơgon mơ khai.

Luka 1:13

Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Galati 4:23

Mơya kòn cau ùr dĭ dê tơnggơs jat poac să, ai kòn cau ùr tòm dê tơnggơs jat jơnau ho pơgon.

Galati 4:28

Ơ oh mi, bol he la kòn bơh jơnau ho pơgon kung be Isak.