Sơnròp Gơlik Gơs 18:1 - Sră Goh 2018

¹ Yàng Jehôwa tơlik mat mơ Abraham di tòm chi Mamre, tòm tŭ khai nggui di mpồng sàl tòm gùl ngai.

Sơnròp Gơlik Gơs 18:1 ပူးပေါင်းရင်းမြစ်များ

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 13:18

Lồc behơ̆, Abram cèng sàl khai dê tus ơm di tiah ală tòm cha Mamre dê, tòm Hebrôn, mơ tềng hơ̆ khai lơh dô nơm cơnòng duh khoai Yàng Jehôwa in.

Sơnròp Gơlik Gơs 14:13

Dô nă cau klàs tus yal bơta hơ̆ mơ Abram cau Hebrơ. Abram ơm rềp dê tiah tòm cha Mamre, cau Amôrit, bi Eskôl mơ Aner dê; pe nă cau do gơs dô bă bal mơ Abram.

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 17:22

Dơ̆ Yàng Tom Trồ neh đơs sir mơ khai rau, gen Kơnràñ guh bơh dê Abraham.

Sơnròp Gơlik Gơs 18:22

Ală cau hơ̆ bơh tềng hơ̆ lòt tus hơ Sôdôm mơya Abraham gam ntào di đap Yàng Jehôwa.

Sơnròp Gơlik Gơs 20:1

Bơh hơ̆ Abraham lòt tus hơ Negep mơ ơm digùl Kades mơ Sur, khai ơm ing tòm Gerar.

Sơnròp Gơlik Gơs 26:2

Yàng Jehôwa tơlik mat mơ khai mơ đơs lah: “Bañ lòt hơ lơgar Ejiptơ, ơm tĕ tòm lơgar Añ rơp sơnio mê in.

Sơnròp Gơlik Gơs 35:27

Jakôp tus hơ Isak, bèp khai dê, tòm Mamre, tòm ƀòn Kiriat Arba, hơ̆ la Hebrôn, di tiah Abraham mơ Isak neh ơm ing.

Sơnròp Gơlik Gơs 48:3

Jakôp đơs mơ Jôsep lah: “Yàng Tom Trồ Gơnap Gơnoar Làm Jơh neh tơlik mat mơ ai lơngai añ in tòm Lus, lơgar Kanaan,

II Yal Yau 1:7

Tòm mang hơ̆, Yàng Tom Trồ tơlik mat mơ Salômôn mơ đơs mơ khai lah: “Dan tĕ bơta lơi mê kòñ Añ ai mê in.”

Lik Ejiptơ 4:1

Môise ho wơl lah: “Ñchi añ pal lơh taih, dilah làng bol ò dòn añ hala ò iat jơnau añ mơ đơs lah: ‘Yàng Jehôwa ò gŏ tơlik mat mơ mê ò.’”

Broă 7:2

Etien ho lah: “Ơ ală bèp, ală bi, iat tĕ añ! Yàng Tom Trồ gơklŏ neh tơlik să mơ ồng pàng bol he la Abraham tòm tŭ khai gam ơm tòm Mesôpôtami, lài mơ tŭ tus ơm tòm Caran,

Hebrơ 11:9

Bơh bơta dòn khai ơm ing tòm lơgar neh ho ai khai in kung be ơm tòm lơgar ndai, ơm tòm sàl bal mơ Isak mơ Jakôp la ală cau geh pơrdòn dô jơnau ho pơgon bal mơ khai.

Hebrơ 13:2

Bañ sang lòi bơta wă rò cau nac crih, bơh gơs cau ƀà lơh bơta hơ̆ neh wă rò ală cau gơnrơh mơ ò git.

Jôsue 5:13

Tòm tŭ Jôsue ơm rềp di ƀòn Jerikô, khai pò mat mơ sền, gen khai gŏ dô nă cau klau at đào tòm tê ntào di đap khai. Jôsue lòt tus hơ khai mơ lùp lah: “Mê la cau bal mơ bol hi hala cau bal mơ cau sò tơm bol hi dê taih?”