Sơnròp Gơlik Gơs 17:8 - Sră Goh 2018

⁸ Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 17:8 ပူးပေါင်းရင်းမြစ်များ

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 13:15

Bơh ù lơi mê gŏ Añ rơp ai mê mơ jơi bơtiàn mê in sùm sùm kòp rài.

Sơnròp Gơlik Gơs 13:17

Ñă lòt tĕ làm tòm ù hơ̆, lòt tòm ròt jòng mơ ròt ơnàng gơ dê tài bơh Añ ai mê in ù do.”

Sơnròp Gơlik Gơs 23:4

“Añ la cau bơdìh ơm ing tòm ù bol mê, dan ai añ in dô bă tiah tơp ƀồc tòm lơgar bol mê nàng añ tơp cau chơt añ jê.”

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 28:4

Dan Kơnràñ ai mê mơ jơi bơtiàn mê in lơngai lơngò Abraham dê, nàng mê lơh gơs sre brê tòm lơgar mê ơm ing, hơ̆ la lơgar Kơnràñ neh ai Abraham in.”

Sơnròp Gơlik Gơs 35:27

Jakôp tus hơ Isak, bèp khai dê, tòm Mamre, tòm ƀòn Kiriat Arba, hơ̆ la Hebrôn, di tiah Abraham mơ Isak neh ơm ing.

Sơnròp Gơlik Gơs 36:7

Tài bơh bàr nă oh mi khai dê gơs oă phan mơna, oă mpồl phan poan jơng, mơ lơgar bol khai dê ơm ing ò tơl tiah nàng ròng gơ, gen ơm bal mơ gơp ò diơng.

Sơnròp Gơlik Gơs 37:1

Jakôp ơm tòm lơgar bèp khai ơm ing la lơgar Kanaan.

Sơnròp Gơlik Gơs 48:4

mơ đơs lah: ‘Do, Añ rơp lơh mê in tơnggơs rơ̆sơmpài ràipơjềng, mơ lơh mê in gơlik dô mpồl làng bol oă. Añ rơp ai jơi bơtiàn mê in lơgar do nàng lơh gơs sre brê sùm sùm kòp rài.’

II Samuel 23:5

Hìu añ ò di behơ̆ di đap Yàng Tom Trồ ò ơ? Bơh Kơnràñ neh bơt bơtào dô bơta ho bal gam sùm sùm mơ añ, Jơh ală bơta neh geh rơndap mơ sền gàr. Kơnràñ rơp ò lơh gơlik cồng nha bơta dong kòl añ jê, mơ jơh ală bơta kơp kòñ añ jê ò ơ?

I Yal Yau 16:18

Đơs lah: “Añ rơp ai lơgar Kanaan mê in lơh gơs dô pơnah phan jơtài mơ mê rơp pơrdòn.”

Đơs Crih 103:17

Mơya bơta kòñ gơboh kơ̆ dơn Yàng Jehôwa dê gam sùm sùm Gơwèt mơ ală cau duh rngòt di Kơnràñ, Mơ bơta song ring Kơnràñ dê gam sùm sùm gơwèt mơ sau set bol khai dê.

Đơs Crih 105:11

Mơ đơs lah: “Añ rơp ai mê in lơgar Kanaan Lơh gơs sre brê bol mê in.”

Đơs Crih 105:9

Hơ̆ la bơta ho bal mơ Kơnràñ neh bơtào gơs mơ Abraham, La jơnau Kơnràñ neh srat să ho pơgon mơ Isak.

Lik Ejiptơ 13:11

“Tơnơ̆ mơ tŭ Yàng Jehôwa neh cèng bol mê mut tòm lơgar Kanaan mơ ai lơgar hơ̆ bol mê in jat be Kơnràñ neh srat să ho nền mơ bol mê bal mơ ồng pàng bol mê dê,

Lik Ejiptơ 21:6

gen cau tòm khai dê rơp lam khai tus di đap ală cau kwang cahrña, lam khai tus rềp di mpồng hala jrong mpồng, lồc behơ̆ ai dô nơm nsồc mơ lòs cuh tồr khai dê. Behơ̆, khai rơp duh broă cau tòm in jơh rài kis khai.

Lik Ejiptơ 29:45

Gen Añ rơp ơm digùl làng bol Israel mơ lơh gơs Yàng Tom Trồ bol khai dê.

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Lik Ejiptơ 40:15

bong tĕ mơñà bol khai in kung be mê neh bong mơñà bèp bol khai in nàng bol khai rơp gơs ală cau gơnoar ơn phan duh khoai duh broă Añ. Bơta bong mơñà bol khai in nàng gơs cau gơnoar ơn phan duh khoai rơp gơpơnjat tus di ală rài tơnơ̆.”

Lik Ejiptơ 6:4

Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih.

Lik Ejiptơ 6:7

Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê.

Jeremi 25:5

Tòm tŭ ală cau hơ̆ đơs lah: ‘Kòp nă tòm bol mê sang tĕ gùng iơh he dê mơ rê wơl; sang tĕ broă lơh iơh bơsak bol mê dê, mơ ơm tòm lơgar mơ Yàng Jehôwa neh ai oh mi mơ ồng pàng oh mi in sùm sùm.

Jeremi 31:1

Yàng Jehôwa đơs: “Tòm tŭ hơ̆, Añ rơp lơh gơs Yàng Tom Trồ jơh ală jơi bơtiàn Israel in; mơ bol khai rơp lơh gơs làng bol Añ jê.”

Ejekiel 11:20

behơ̆ tàng bol khai rơp lơh jat ală bơta sồr lam Añ jê mơ kơrhia prap gàr ală bơta sồr lam Añ jê. Bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê.

Ejekiel 33:24

“Ơ kòn mơnus, ală cau ơm tòm tiah srau gòi tòm lơgar Israel dê gam đơs lah: ‘Abraham gơs mìng dô nă lơm mơya khai neh dòp geh lơgar lơh gơs sre brê. Mơya bol he gơs oă cau, gen di ngan la lơgar neh geh ai bol he in lơh gơs sre brê.’

Lebi 14:34

“Tòm tŭ bol mê mut tòm lơgar Kanaan mơ Añ ai bol mê in lơh gơs phan tòm bol mê dê, mơ Añ lơh bơta but bơsềt be tềl dun tòm dô nơm hìu tòm lơgar hơ̆,

Lebi 16:34

Do rơp la dô bơta sồr lam gam sùm sùm bol mê in: Bơta tơwài glài pal lơh gơs kòp nam dô dơ̆ bơh jơh ală bơta tồi glài cau Israel dê.” Mơ bơta hơ̆ neh lơh gơs jat be jơnau Yàng Jehôwa neh sồr Môise.

Lebi 26:12

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Sacari 8:8

Añ rơp cèng brê bol khai wơl nàng ơm tòm Jerusalem, bol khai rơp lơh gơs làng bol Añ jê, mơ Añ rơp lơh gơs Yàng Tom Trồ bol khai dê tòm bơta dòn song mơ song ring.”

Khà Làng Bol 10:29

Mơ tai, Môise neh đơs mơ Hôbap kòn klau Reuel cau Midian la po bèp Môise dê lah: “Bol hi lik lòt tus hơ tiah mơ Yàng Jehôwa neh đơs lah: ‘Añ rơp ai gơ bol mê in.’ Lòt tus tĕ bal mơ bol hi mơ bol hi rơp gơwèt niam mơ bol mê, bơh Yàng Jehôwa neh ho pơgon ală bơta niam Israel in.”

Khà Làng Bol 25:13

Khai mơ ală kòn sau khai dê rơp gơs dô bơta ho bal gam sùm sùm tòm gơnoar broă ơn phan duh khoai, tài bơh khai neh duh hul bơh bơta ryŭ ryơm Yàng Tom Trồ khai dê, mơ neh lơh gơs bơta tơwài glài cau Israel in.”

Khà Làng Bol 27:12

Gen Yàng Jehôwa đơs mơ Môise lah: “Guh tĕ hơđang mơnơm Abarim do mơ sền gŏ ù tiah Añ neh ai ală cau Israel in.

Broă 7:5

Kơnràñ ò ai khai in dô êt lơi sre brê tòm tiah do, dô pet ù ơn jơng kung ò gơs sơl, mơya Kơnràñ ho ai tiah do lơh gơs sre brê tòm khai in mơ jơi bơtiàn khai in sơl, bulah tòm tŭ hơ̆ khai òhềt gơs kòn.

Yal Wơl 14:2

bơh bol mê la dô nơm làng bol goh Jehôwa Yàng Tom Trồ bol mê in. Yàng Jehôwa neh sac rwah bol mê bơh digùl jơh ală làng bol hơđang plai ù nàng lơh gơs phan tòm kas màng Kơnràñ dê.

Yal Wơl 26:18

Mơ Yàng Jehôwa neh yal tơlik tòm ngai do lah bol mê la làng bol Kơnràñ dê, la phan màng gơrê bal mơ Kơnràñ tòm toh jat be jơnau Kơnràñ neh ho bal, mơ bol mê pal prap gàr lơh jat jơh ală jơnau sồr Kơnràñ dê.

Yal Wơl 29:13

nàng ngai do dòp git bol mê la làng bol Kơnràñ dê, Kơnràñ la Yàng Tom Trồ bol mê dê be Kơnràñ neh ho mơ bol mê mơ kung be Kơnràñ neh srat să ho nền mơ ală ồng pàng bol mê dê la Abraham, Isak mơ Jakôp.

Yal Wơl 32:49

“Guh tĕ hơđang mơnơm Abarim, di bồ mơnơm Nebô tòm Môap đah ne Jerikô mơ sền gŏ Kanaan la lơgar mơ Añ ai ală cau Israel in lơh gơs sre brê tòm bol khai dê.

Yal Wơl 32:8

Tòm tŭ Bơtau Hơđang Rlau Jơh tòmpà ală làng bol lơh gơs sre brê, tòm tŭ Kơnràñ cah is ală jơi kòn mơnus, Kơnràñ bơtào gơs ală nhàr lơgar ală làng bol in Jat ntum khà ală kòn klau Israel dê.

Yal Wơl 34:4

Lồc behơ̆ Yàng Jehôwa đơs mơ khai lah: “Hơ̆ la lơgar mơ Añ neh srat să ho mơ Abraham, Isak mơ Jakôp tòm tŭ Añ đơs lah: ‘Añ rơp ai gơ ală kòn sau mê in.’ Añ neh lòi mê sền gŏ gơ mơ mat tòm mê dê, mơya mê rơp ò lòt gan mơ mut tòm hơ̆.”

Yal Wơl 4:37

Tài bơh Kơnràñ kòñ gơboh ală ồng pàng bol mê dê mơ neh sac rwah ală kòn sau tơnơ̆ mơ bol khai, Kơnràñ neh cèng bol mê lik bơh di Ejiptơ kơnòm di Bơta Gơs Mat Kơnràñ dê, bơh gơnap gơnoar dờng Kơnràñ dê,

Yal Wơl 9:5

Hơ̆ ò di la tài bơh bơta song ring hala bơta song ngan bol mê dê mơ bol mê rơp dòp geh lơgar bol khai dê; mơya hơ̆ la tài bơh bơta iơh bơsak ală làng bol do dê mơ Jehôwa Yàng Tom Trồ bol mê dê rơp ting bơtrơh bol khai bơh di đap bol mê, nàng lơh gơlik gơs jơnau mơ Kơnràñ neh srat să ho mơ ală ồng pàng bol mê dê la Abraham, Isak mơ Jakôp.

Hebrơ 9:15

Tài bơh bơta hơ̆, Bơtau Krist Đơng Kừh bơta ho bal pa dê, tồ ală cau neh geh hòi sac rgơi dòp geh sre brê gam sùm sùm be neh ho pơgon, bơh neh gơs bơta chơt nàng tơwài ală tồi glài ơm hơđơm bơta ho bal sơnròp.

Jôsue 1:2

“Môise, cau duh broă Añ jê neh chơt; tŭ do mê mơ jơh làng bol do guh tĕ, tiă hiòng Jordan mơ mut tòm lơgar mơ Añ rơp ai làng bol Israel in.

Yal Tơlik 21:7

Cau lơi geh pha lin rlau rơp geh ală bơta hơ̆ lơh gơs sre brê; Añ rơp lơh gơs Yàng Tom Trồ khai dê mơ khai rơp lơh gơs kòn Añ jê.