Sơnròp Gơlik Gơs 17:7 - Sră Goh 2018

⁷ Añ rơp lơh bơta ho bal digùl Añ mơ mê, mơ jơi bơtiàn mê tòm ală rài bol khai dê, do la dô bơta ho bal kòp rài gam sùm sùm, tồ Añ lơh gơs Yàng Tom Trồ mê mơ jơi bơtiàn mê dê sơl.

Sơnròp Gơlik Gơs 17:7 ပူးပေါင်းရင်းမြစ်များ

Sơnròp Gơlik Gơs 15:18

Tòm ngai hơ̆ Yàng Jehôwa lơh bơta ho bal mơ Abram, mơ đơs lah: “Añ ai jơi bơtiàn mê in lơgar do, bơh hiòng Ejiptơ tus di hiòng dờng, hơ̆ la hiòng Ơphrat,

Sơnròp Gơlik Gơs 17:13

Kòn klau lơi deh tòm hìu mê, mơ cau klau lơi mê blơi mơ jền, gen siat tĕ gơltau: behơ̆ bơta ho bal Añ jê rơp gam sùm sùm tòm poac să ală bol mê dê.

Sơnròp Gơlik Gơs 17:19

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 28:13

Do, Yàng Jehôwa ntào di bồ ntùng mơ đơs lah: “Añ la Jehôwa Yàng Tom Trồ Abraham ồng mê dê mơ la Yàng Tom Trồ Isak dê. Añ rơp ai mê mơ jơi bơtiàn mê in ù mê bic do.

Sơnròp Gơlik Gơs 6:18

Mơya Añ rơp lơh bơta ho bal mơ mê, gen mê mơ bau mê, ală kòn mơ ală ƀan mê dê rơp mut tòm ơhò.

Sơnròp Gơlik Gơs 9:16

Mơ bơrlangkang rơp ơm tòm mhwal, Añ sền gŏ gơ tồ kah wơl bơta ho bal gam sùm sùm digùl Yàng Tom Trồ mơ jơh ală jơi poac să gơs bơta kis tòm ù.”

II Samuel 7:24

Mơ Yàng neh bơtào kơ̆ làng bol Israel să tòm Yàng in be la làng bol Yàng dê gam sùm sùm. Đah mơ Yàng, ơ Yàng Jehôwa, Yàng neh gơlik gơs Yàng Tom Trồ bol khai dê.

I Yal Yau 16:13

Ơ ală kòn sau Israel cau duh broă Kơnràñ dê, Ơ ală kòn klau Jakôp la ală cau Kơnràñ neh sac rwah.

I Yal Yau 16:14

Kơnràñ la Jehôwa Yàng Tom Trồ bol he dê bơta cahrña Kơnràñ dê ơm làm jơh plai ù.

Đơs Crih 81:10

Añ la Jehôwa Yàng Tom Trồ bol mê dê, Bơtau neh cèng bol mê lik klàs bơh lơgar Ejiptơ. Pò tĕ ơnàng bơr mê dê, gen Añ rơp tơmbềng gơ.

Lik Ejiptơ 3:15

Yàng Tom Trồ kung đơs tai mơ Môise lah: “Mê đơs tĕ mơ làng bol Israel: ‘Yàng Jehôwa la Yàng Tom Trồ ồng pàng bol mê dê, Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê, neh sồr añ lòt tus hơ bol mê.’ Hơ̆ la sơnđan gam sùm sùm Añ jê, la sơnđan pal kah bơh Añ bơh rài do tus rài ne.”

Lik Ejiptơ 3:6

Kơnràñ đơs tai lah: “Añ la Yàng Tom Trồ ồng pàng mê dê, Yàng Tom Trồ Abraham dê, Yàng Tom Trồ Jakôp dê.” Gen Môise kìng mat khai dê tài bơh rngòt sền gŏ Yàng Tom Trồ.

Lik Ejiptơ 6:4

Añ kung neh bơtào bơta ho bal mơ bol khai, ai lơgar Kanaan bol khai in, la lơgar bol khai neh ơm ing be cau nac crih.

Lik Ejiptơ 6:7

Añ rơp dòp bol mê lơh gơs làng bol gơrê is mơ Añ, mơ añ rơp lơh gơs Yàng Tom Trồ bol mê dê. Gen bol mê rơp git Añ la Jehôwa Yàng Tom Trồ bol mê dê, neh tă tơlik bol mê klàs bơh di yô cau Ejiptơ dê.

Esai 61:8

Bơh Añ, Yàng Jehôwa, Añ kòñ gơboh bơta song ring, Añ gơjrañ di bơta ntung kơñau mơ lơh bơta tìs glài. Bơh bơta dòn song Añ jê, Añ rơp ai phan ƀàn bol khai in mơ bơt bơtào dô bơta ho bal gam sùm sùm mơ bol khai.

Jeremi 31:1

Yàng Jehôwa đơs: “Tòm tŭ hơ̆, Añ rơp lơh gơs Yàng Tom Trồ jơh ală jơi bơtiàn Israel in; mơ bol khai rơp lơh gơs làng bol Añ jê.”

Ejekiel 28:26

Bol khai rơp ơm ring lơngai tòm hơ̆, rơp bơt hìu mơ tam suơn ño; bol khai rơp ơm tòm bơta ring lơngai, tòm tŭ Añ lơh gơlik gơs bơta cahrña hơđang ală làng bol ơm rềp di bol khai, la ală làng bol neh sền òsơp di bol khai. Gen bol khai rơp git lah Añ la Jehôwa Yàng Tom Trồ bol khai dê.”

Lebi 11:45

Añ la Yàng Jehôwa, la Bơtau neh cèng bol mê lik bơh di Ejiptơ nàng lơh gơs Yàng Tom Trồ bol mê dê; gen tàng gơlik gơs tĕ sàng goh, tài bơh Añ la sàng goh.

Lebi 25:38

Añ la Jehôwa Yàng Tom Trồ bol mê dê, la Bơtau neh cèng bol mê lik klàs bơh di Ejiptơ nàng ai bol mê in lơgar Kanaan mơ lơh gơs Yàng Tom Trồ bol mê dê.’

Lebi 26:12

Añ rơp lòt digùl bol mê mơ lơh gơs Yàng Tom Trồ bol mê dê, mơ bol mê rơp lơh gơs làng bol Añ jê.

Lebi 26:44

Bulah neh gơs ală bơta hơ̆, tòm tŭ bol khai ơm tòm lơgar ală cau sò tơm di bol khai, Añ rơp ò sang lòi bol khai hala cù kìr di bol khai nàng tơnroh jơh hir bol khai mơ sang lòi jơnau Añ neh ho bal mơ bol khai. Añ la Jehôwa Yàng Tom Trồ bol khai dê.

Lebi 26:45

Mơya tài bơh bol khai Añ rơp kah wơl jơnau ho bal mơ ală ồng pàng bol khai dê la ală cau mơ Añ neh tă tơlik bơh di Ejiptơ di đap ală làng bol nàng lơh gơs Yàng Tom Trồ bol khai dê. Añ la Yàng Jehôwa.”

Lebi 26:9

Añ rơp ai bơta nđàc wèt sền di bol mê mơ lơh bol mê in tơnggơs bơtơl oă, mơ Añ rơp prap gàr bơta ho bal Añ jê mơ bol mê.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Mathiơ 22:32

‘Añ la Yàng Tom Trồ Abraham dê, Yàng Tom Trồ Isak dê, Yàng Tom Trồ Jakôp dê,’ ò ơ? Kơnràñ ò di la Yàng Tom Trồ cau chơt dê ò, mơya la Yàng cau kis dê.”

Jơnau Niam Jat Mak 10:14

Dơ̆ Yàng Jesu gŏ behơ̆ gen gơjrañ mơ đơs mơ ală cau bơtê lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar Yàng Tom Trồ gơrê mơ ală cau be bol khai.

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Rôma 9:4

hơ̆ la làng bol Israel; bơta geh kòp la kòn, bơta gơklŏ, ală jơnau ho bal, bơta boh lam, bơta duh khoai song ngan, mơ ală jơnau ho pơgon Yàng Tom Trồ gơrê hơ bol khai;

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

Yal Wơl 29:13

nàng ngai do dòp git bol mê la làng bol Kơnràñ dê, Kơnràñ la Yàng Tom Trồ bol mê dê be Kơnràñ neh ho mơ bol mê mơ kung be Kơnràñ neh srat să ho nền mơ ală ồng pàng bol mê dê la Abraham, Isak mơ Jakôp.

Hebrơ 11:16

Mơya tŭ do bol khai jơh nùs kơp kòñ dô nơm lơgar niam rlau, hơ̆ la lơgar hơđang trồ; gen tàng Yàng Tom Trồ ò ƀàssìl geh sơnđan la Yàng Tom Trồ bol khai dê, bơh Kơnràñ neh rcang sir bol khai in dô nơm ƀòn dờng.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Ală Kwang Cahrña 2:1

Cau gơnrơh Yàng Jehôwa dê guh bơh Gilgal tus hơ Bôkim mơ đơs lah: “Añ neh tă cèng bol mê lik bơh Ejiptơ mơ lam bol mê mut tòm lơgar Añ neh ho ai ồng pàng bol mê in. Añ neh đơs ‘Añ rơp ò tŭ lơi sang lòi bơta ho bal mơ bol mê.