Sơnròp Gơlik Gơs 17:6 - Sră Goh 2018

⁶ Añ rơp lơh mê in tơnggơs oă ngan, lơh mê in gơlik gơs oă lơgar, mơ ală bơtau rơp bơh mê mơ gơs.

Sơnròp Gơlik Gơs 17:6 ပူးပေါင်းရင်းမြစ်များ

Sơnròp Gơlik Gơs 13:16

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 17:16

Añ rơp ai lơngai khai in, mơ bơh di khai Añ rơp ai mê in dô nă kòn klau. Añ rơp ai lơngai khai in, mơ bơh khai rơp gơlik gơs oă làng bol; ală cau bơtau ală làng bol dê rơp bơh khai mơ gơlik gơs.”

Sơnròp Gơlik Gơs 17:20

Añ kung dòp jơnau mê hòi dan Ismael in. Añ ai lơngai khai in, rơp lơh khai in tơnggơs rơ̆sơmpài ràipơjềng. Khai rơp tơnggơs jơt bàr nă kòn bơtau, mơ Añ rơp lơh khai in gơlik gơs dô nơm lơgar dờng.

Sơnròp Gơlik Gơs 17:4

“Do, đah mơ Añ, Añ neh lơh bơta ho bal mơ mê, mê rơp gơlik gơs bèp oă làng bol dê.

Sơnròp Gơlik Gơs 26:22

Gen khai sang tiah hơ̆ lòt tò dô nơm tơrlung ndai, mơ tơrlung do bol khai ò tòmpìt tai, gen khai sơnđan la Rehôbôt, mơ đơs lah: “Tŭ do Yàng Jehôwa neh lòi bol hi in gơs tiah ơm, mơ bol hi rơp gơlik cồng nha tòm lơgar.”

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 41:52

Khai sơnđan kòn dơ̆ bàr la Epraim, bơh khai đơs lah: “Yàng Tom Trồ lơh añ in gơlik gơs pas sơm tòm lơgar añ kong bòl glar.”

Sơnròp Gơlik Gơs 47:27

Behơ̆, Israel ơm tòm lơgar Ejiptơ, tòm kơnhwàl Gôsen, lơh gơs sre brê tòm tềng hơ̆, gơlik cồng nha rơ̆sơmpài ràipơjềng.

Sơnròp Gơlik Gơs 48:3

Jakôp đơs mơ Jôsep lah: “Yàng Tom Trồ Gơnap Gơnoar Làm Jơh neh tơlik mat mơ ai lơngai añ in tòm Lus, lơgar Kanaan,

Sơnròp Gơlik Gơs 48:4

mơ đơs lah: ‘Do, Añ rơp lơh mê in tơnggơs rơ̆sơmpài ràipơjềng, mơ lơh mê in gơlik dô mpồl làng bol oă. Añ rơp ai jơi bơtiàn mê in lơgar do nàng lơh gơs sre brê sùm sùm kòp rài.’

Ejra 4:20

Jerusalem neh gơs ală cau bơtau gơs gơnoar pràn at bồ làm jơh Đah Ne Hiòng, mơ làng bol neh dap dia bơh jơh ală bơta ală cau bơtau hơ̆ in.

Lebi 26:9

Añ rơp ai bơta nđàc wèt sền di bol mê mơ lơh bol mê in tơnggơs bơtơl oă, mơ Añ rơp prap gàr bơta ho bal Añ jê mơ bol mê.