Sơnròp Gơlik Gơs 17:10 - Sră Goh 2018

¹⁰ Do la bơta ho bal Añ jê mơ rơp prap gàr digùl Añ mơ mê mơ ală jơi bơtiàn tơnơ̆ mê tai, hơ̆ la kòp nă cau klau pal rơp siat gơltau.

Sơnròp Gơlik Gơs 17:10 ပူးပေါင်းရင်းမြစ်များ

Sơnròp Gơlik Gơs 17:11

Ală bol mê pal siat gơltau, bơta hơ̆ rơp la dô nơm tềl bơta ho bal digùl Añ mơ ală bol mê.

Sơnròp Gơlik Gơs 17:23

Abraham ai Ismael, kòn klau khai dê, mơ jơh ală cau klau tòm hìu, deh tòm hìu hala blơi mơ jền, mơ tòm ngai hơ̆ khai siat gơltau bol khai in jat be jơnau Yàng Tom Trồ neh sồr.

Sơnròp Gơlik Gơs 17:27

Mơ tơl nă cau klau tòm hìu, bulah deh tòm hìu hala blơi mơ jền bơh cau bơdìh, siat gơltau bal mơ khai.

Sơnròp Gơlik Gơs 21:4

Mơ Abraham siat gơltau Isak kòn klau khai in tòm tŭ khai neh phàm ngai jat be jơnau Yàng Tom Trồ neh sồr.

Sơnròp Gơlik Gơs 34:15

Bol hi rơp lơh jat jơnau ală ồng tŭ lơi ală ồng lơh gơlik be bol hi, hơ̆ la kòp nă cau klau pal siat gơltau.

Sơnròp Gơlik Gơs 34:22

Mơya bol khai kòñ ơm bal mơ bol he nàng gơlik gơs dô nơm làng bol, la tŭ lơi ală cau klau tòm bol he siat gơltau kung be kòp nă cau klau bol khai dê.

Lik Ejiptơ 12:48

Dô nă cau làng bol bơdìh kis digùl bol mê kòñ pơjum ngai Pơjum sa Lòt Gan Yàng Jehôwa dê gen kòp nă cau klau tòm hìu nhă khai dê pal kong siat gơltau; lồc behơ̆ sồng khai rgơi pơjum sa kung be dô nă cau neh deh tòm lơgar. Ò gơs dô nă cau klau lơi ò kong siat gơltau rgơi sa ngai pơjum sa hơ̆.

Lik Ejiptơ 4:25

Mơya Jiphôra ai dô nơm pềs lŭ ồs, siat gơltau kòn klau khai dê, mơ sang di jơng Môise, mơ đơs lah: “Ngan, mê la dô nă bau klau mhàm gơwèt mơ añ!”

Jeremi 4:4

Ơ bol mê, la cau Juda mơ làng bol ơm tòm Jerusalem, Siat gơltau tĕ să tòm he Yàng Jehôwa in, Mơ siat gơltau nùs bol mê dê! Dilah ò behơ̆, bơta gơjrañ Añ rơp hơng kung be ồs, Chu pơrguc bol mê, mơ ò gơs cau lơi đơp chơt gơ ò, Tài bơh ală bơta iơh bol mê neh lơh.”

Jang 7:22

Môise neh ai bơta siat gơltau bol mê in, (bơta boh lam hơ̆ ò di bơh Môise, mơya bơh ồng pàng gơ dê), mơ bol mê siat gơltau cau klau in tòm ngai Saƀat.

Broă 7:8

Yàng Tom Trồ ai khai in bơta ho bal bơh bơta siat gơltau. Behơ̆ Abraham tơnggơs Isak mơ siat gơltau khai in tòm ngai phàm; Isak tơnggơs Jakôp, mơ Jakôp kung lơh behơ̆ mơ jơt bàr nă ồng pàng.

Rôma 2:28

Bơh cau lơi la cau Juda đah bơdìh, gen ò di la cau Juda ngan, ai bơta siat gơltau di poac să đah bơdìh, kung ò di la bơta siat gơltau ngan.

Rôma 3:25

Yàng Tom Trồ neh bơtào Kơnràñ lơh gơs phan ơn tơwài glài, ai cau lơi in dòn tòm mhàm Kơnràñ, bơta do neh ràng tơlik bơta song ring Yàng Tom Trồ dê, bơh Kơnràñ neh ai nùs ơt ơl mơ ò kòp ală glài neh tìs yau òr;

Rôma 3:28

Bơh bol he dòn lah cau geh kòp la song ring bơh bơta dòn, ò di bơh broă lơh jat bơta boh lam,

Rôma 3:30

Bơh Yàng Tom Trồ mìng dô nă lơm, la Bơtau rơp kòp la song ring cau kong siat gơltau in bơh bơta dòn, kung rơp kòp la song ring cau ò kong siat gơltau in bơh bơta dòn sơl.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Galati 6:12

Ală cau lơi kòñ ràng tơlik bơta niam poac să dê, gen bơklơn oh mi pal kong siat gơltau, tồ bol khai pleh klàs di bơta kup kơryan bơh chi pơng Bơtau Krist dê.

Ephesô 2:11

Behơ̆, kah wơl tĕ lah lài òr jat poac să oh mi la cau làng bol bơdìh, gơtìp cau kong siat gơltau tòm poac să bơh tê cau lơh, bol khai sơnđan oh mi la cau ò kong siat gơltau;

Yal Wơl 10:16

Gen tàng, siat gơltau tĕ nùs bol mê, mơ bañ kơldang bồ tai.

Yal Wơl 30:6

Jehôwa Yàng Tom Trồ bol mê dê rơp siat gơltau nùs bol mê dê mơ nùs ală kòn sau bol mê dê, tồ bol mê rơp jơh nùs mơ jơh hwềng soàn kòñ gơboh di Jehôwa Yàng Tom Trồ bol mê dê, nàng bol mê in geh kis.

Philip 3:3

Bơh să tòm bol he la cau kong siat gơltau ngan, la cau kơnòm di Yàng Hwềng Yàng Tom Trồ dê mơ duh khoai, jòng să tòm Yàng Krist Jesu, mơ ò dòn kơnòm dê poac să.

Jôsue 5:2

Tŭ hơ̆ Yàng Jehôwa đơs mơ Jôsue lah: “Lơh tĕ pềs mơ lŭ tơrneh, mơ siat gơltau làng bol Israel in dơ̆ bàr.”

Jôsue 5:4

Jôsue neh siat gơltau làng bol in la tài bơh bơta do: Jơh ală cau klau tòm làng bol neh lik bơh di lơgar Ejiptơ la ală cau ling jak tòmlơh, neh chơt tòm tŭ lòt gùng tòm ƀlàng ngềt ngơt tơnơ̆ mơ tŭ neh lik bơh lơgar Ejiptơ.