Sơnròp Gơlik Gơs 17:1 - Sră Goh 2018

¹ Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 17:1 ပူးပေါင်းရင်းမြစ်များ

Sơnròp Gơlik Gơs 12:1

Yàng Jehôwa đơs mơ Abram lah: “Mê lik tĕ bơh lơgar mê dê, jơi bơtiàn mê, mơ hìu bèp mê mơ lòt tus hơ lơgar Añ rơp sơnio mê in.

Sơnròp Gơlik Gơs 12:7

Yàng Jehôwa tơlik mat mơ Abram mơ đơs lah: “Añ rơp ai jơi bơtiàn mê in lơgar do.” Gen tềng hơ̆ Abram lơh dô nơm cơnòng duh khoai Yàng Jehôwa in la Bơtau neh tơlik mat mơ khai.

Sơnròp Gơlik Gơs 16:16

Mơ tŭ Agar deh Ismael Abram in rau, gen Abram neh tơl phàm jơt prau nam.

Sơnròp Gơlik Gơs 18:1

Yàng Jehôwa tơlik mat mơ Abraham di tòm chi Mamre, tòm tŭ khai nggui di mpồng sàl tòm gùl ngai.

Sơnròp Gơlik Gơs 18:14

Gơs bơta lơi Yàng Jehôwa ò rgơi lơh sơl ơ? Tus di kơnhai neh pơgon, Añ rơp rê wơl hơ mê, mơ Sara rơp gơs dô nă kòn klau.”

Sơnròp Gơlik Gơs 24:40

Cau tòmho lah: ‘Yàng Jehôwa la Bơtau mơ añ lòt di đap, rơp sồr cau gơnrơh lòt bal mơ mê, lơh gơlik gơs broă mê dê, mơ mê rơp tòmbau kòn klau añ in mơ dô nă cau ơruh tòm hìu nhă añ, mơ tòm hìu bèp añ.

Sơnròp Gơlik Gơs 26:2

Yàng Jehôwa tơlik mat mơ khai mơ đơs lah: “Bañ lòt hơ lơgar Ejiptơ, ơm tĕ tòm lơgar Añ rơp sơnio mê in.

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 43:14

Hòi dan Yàng Tom Trồ Gơnap Gơnoar Làm Jơh ai bơta nđàc bol mê in di đap khai, mơ toh Simeôn mơ Benjamin bol mê in. Mơ đah mơ añ, dilah roh kòn, gen añ pal kong behơ̆.”

Sơnròp Gơlik Gơs 46:3

Yàng Tom Trồ đơs lah: “Añ la Yàng Tom Trồ bèp mê dê. Mù tĕ hơ Ejiptơ, bañ rngòt bơh tềng hơ̆ Añ rơp lơh mê in gơlik gơs dô nơm làng bol dờng.

Sơnròp Gơlik Gơs 48:15

Gen khai ai lơngai Jôsep mơ lah: “Dan Yàng Tom Trồ ồng pàng añ jê la Abraham mơ Isak neh duh khoai, la Yàng Tom Trồ neh ròng gàr añ bơh tŭ deh jơl tus di ngai do,

Sơnròp Gơlik Gơs 48:3

Jakôp đơs mơ Jôsep lah: “Yàng Tom Trồ Gơnap Gơnoar Làm Jơh neh tơlik mat mơ ai lơngai añ in tòm Lus, lơgar Kanaan,

Sơnròp Gơlik Gơs 5:22

Tơnơ̆ mơ tŭ Enôk tơnggơs Metusela rau, khai lòt bal mơ Yàng Tom Trồ tòm pe rhiang nam, tơnggơs kòn klau kòn ùr.

Sơnròp Gơlik Gơs 5:24

Enôk lòt bal mơ Yàng Tom Trồ gen roh thit tài bơh Yàng Tom Trồ cèng khai.

Sơnròp Gơlik Gơs 6:9

Do la jơi bơtiàn Nôe dê. Nôe tòm rài khai la dô nă cau song ring mơ wil tơl ngan, mơ khai lòt bal mơ Yàng Tom Trồ.

I Ală Bơtau 2:4

gen Yàng Jehôwa rơp lơh gơlik gơs jơnau Kơnràñ neh ho mơ añ lah: ‘Dilah ală kòn sau mê dê git kơrhia tòm gùng dà bol khai dê, dilah bol khai jơh nùs jơh hwềng lơh lòt dô bă dòn song di đap Añ, gen mê rơp ò siơ̆u dô nă cau pơrdòn hơđang sơbàn Israel dê.’

I Ală Bơtau 3:6

Salômôn ho lah: “Yàng neh yal tơlik bơta kòñ gơboh kơ̆ dơn dờng ngan gơwèt mơ cau duh broă Kơnràñ la Dabit bèp añ, tài bơh khai neh lơh lòt di đap Kơnràñ dô bă dòn song, mơ gơs nùs song ring mơ song ngan; mơ Kơnràñ neh prap khai in bơta kòñ gơboh kơ̆ dơn dờng hơ̆, mơ neh ai khai in dô nă kòn klau nàng nggui hơđang sơbàn khai dê tòm ngai do.

I Ală Bơtau 8:25

Gen tàng, Ơ Jehôwa, Yàng Tom Trồ Israel dê! Dan prap gàr ală jơnau Yàng neh ho mơ dĭ gơna Kơnràñ dê la Dabit, bèp añ jê lah: ‘Rơp ò siơ̆u cau pơrdòn mê, nggui di sơbàn Israel dê di đap Añ; dilah kòn sau mê kơrhia ală gùng dà bol khai dê, lòt di đap Añ, tòm toh be mê neh lòt di đap Añ.’

II Ală Bơtau 20:3

“Ơ Yàng Jehôwa! Tŭ do añ rac dan mơ Kơnràñ, kah tĕ lah mbe lơi añ neh jơh nùs lòt di đap Yàng tòm bơta dòn song di đap Yàng, mơ neh lơh bơta niam di đap Yàng.” Ejekia ñìm rac sràt bơtang ngan.

Sră Jop 1:1

Tòm lơgar Us, gơs dô nă cau sơnđan la Jop. Cau hơ̆ la wil tơl mơ song ring, duh rngòt di Yàng Tom Trồ mơ pleh ngài di bơta iơh bơsak.

Sră Jop 11:7

Ồng rgơi jòi bàn ală bơta jrô ndơp Yàng Tom Trồ dê sơl? Ồng rgơi jòi bàn ală nhàr Bơtau Gơnap Gơnoar Làm Jơh sơl ơ?

Đơs Crih 115:3

Yàng Tom Trồ bol hi dê ơm hơđang ală tap trồ; Kơnràñ lơh bơta lơi di nùs Kơnràñ.

Đơs Crih 116:9

Añ lòt di đap Yàng Jehôwa Tòm lơgar cau kis dê.

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Lik Ejiptơ 6:3

Añ neh tơlik mat mơ Abraham, mơ Isak bal mơ Jakôp, yal tơlik să tòm Añ la Yàng Tom Trồ Gơnap Gơnoar Dờng; mơya bơh sơnđan Añ la Jehôwa gen Añ òhềt yal tơlik bol khai in git.

Jơnau Pơnđik 10:9

Cau lơi lòt tòm bơta song ngan gen cơnđòa lòt kơ̆ wền; Ai cau lơi jat gùng rkwet rkwe gen cau rơp jòi bàn.

Esai 38:3

“Khoai Yàng Jehôwa, añ rac dan mơ Yàng, dan kah wơl mbe añ neh dòn song dô bă jơh nùs cơnđòa lòt di đap Yàng, mơ neh lơh ală broă niam di đap Kơnràñ!” Chòp, Ejekia ñìm rac sràt bơtang ngan.

Jeremi 32:17

‘Khoai Yàng Jehôwa, Kơnràñ neh ngui gơnap gơnoar dờng làm jơh mơ pò tơlik tơwòr Kơnràñ dê mơ crơng gơs ală tap trồ mơ tiah; ò gơs bơta lơi la kalke Kơnràñ in.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Khà Làng Bol 11:23

Yàng Jehôwa ho wơl Môise in lah: “Tơwòr tê Yàng Jehôwa dê la liah ngan sơl ơ? Mê rơp sền gŏ jơnau Añ đơs rơp gơlik gơs di ngan mê in hala ò.”

Khà Làng Bol 24:16

jơnau đơs hwơr dô nă cau kơno ală jơnau đơs Yàng Tom Trồ dê, la cau gơs bơta git wă bơh di Bơtau Hơđang Rlau Jơh, la cau neh gơs bơta gơtơnggŏ bơh di Bơtau Gơnoar Dờng Rlau Jơh, la cau neh tơmbic să cùn khoai, mơ gơs gar mat geh pò:

Mathiơ 19:26

Yàng Jesu sền di bol khai mơ đơs lah: “Bơta hơ̆ jơi kòn mơnus ò rgơi lơh, mơya Yàng Tom Trồ rgơi lơh jơh ală bơta.”

Mathiơ 5:48

Behơ̆ bol mê gơlik gơs tĕ wil tơl, be Bèp bol mê hơđang trồ la wil tơl.”

Luka 1:6

Bàr nă bol khai la song ring di đap Yàng Tom Trồ, lơh jat ală bơta sồr lam mơ jơnau gơnoar sồr Yàng dê ò gơs tiah geh lah pơrhơng.

Broă 23:1

Pol sền di Mpồl Kwang Tơrña mơ đơs lah: “Ơ ală oh mi, di đap Yàng Tom Trồ añ neh kis bơh nùs tồr niam mơ song ngan jơl tus di ngai do.”

Broă 24:16

Behơ̆ tàng añ kư̆ jơh nùs rcang sùm, nùs tồr sàng goh di đap Yàng Tom Trồ mơ di đap cau sơl.

Ephesô 3:20

Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Yal Wơl 10:17

Bơh Jehôwa Yàng Tom Trồ bol mê dê la Yàng Tom Trồ dờng, gơs gơnoar pràn mơ pal rngòt, Kơnràñ ò cah is cau lơi, ò dòp phan loă.

Yal Wơl 18:13

Bol mê pal ò gơs tiah geh lah pơrhơng di đap Jehôwa Yàng Tom Trồ bol mê dê.

Yal Wơl 30:20

kòñ gơboh tĕ Jehôwa Yàng Tom Trồ bol mê dê, dòn bơr Kơnràñ mơ ntào kơ̆ tòm Kơnràñ; hơ̆ la bơta kis bol mê in mơ ală ngai jŏ jòng tồ bol mê in kis tòm lơgar mơ Yàng Jehôwa neh srat să ai ală ồng pàng bol mê in la Abraham, Isak mơ Jakôp.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Hebrơ 7:25

Tài bơh hơ̆, tàng Kơnràñ rgơi dong klàs wil tơl ală cau kơnòm di Kơnràñ mơ lòt tus rềp hơ Yàng Tom Trồ, bơh Kơnràñ gam kis sùm sùm nàng hòi dan ala bol khai in.