Sơnròp Gơlik Gơs 16:5 - Sră Goh 2018

⁵ Sarai đơs mơ Abram lah: “Bơta ƀàssìl mơ añ kong tuh wơl di să mê. Añ neh ai dĭ ùr añ ơm tòm ntơh mê, mơ bơh tŭ khai neh bun khai sền òsơp dê añ. Dan Yàng Jehôwa cahrña digùl añ mơ mê.”

Sơnròp Gơlik Gơs 16:5 ပူးပေါင်းရင်းမြစ်များ

Sơnròp Gơlik Gơs 16:4

Khai ơm bal mơ Agar, gen Agar bun. Tŭ khai gŏ khai neh bun, gen khai sền òsơp dê cau gơnoar tòm khai dê.

Sơnròp Gơlik Gơs 31:53

Dan Yàng Tom Trồ Abraham dê, Yàng Tom Trồ Nakôr dê, Yàng Tom Trồ bèp bol hơ̆ dê cahrña he in!” Jakôp ai sơnđan Bơtau Isak bèp khai duh rngòt mơ tòmho bal.

II Yal Yau 24:22

Bơtau Jôas ò kah bơta niam mơ Jehôyada bèp Sacari neh lơh khai in, mơya neh tơnchơt kòn klau khai dê; tòm tŭ gơpừ bic tòm tiah mòr chơt, khai đơs lah: “Dan Yàng Jehôwa sền gŏ bơta do mơ tơm wơl bol mê in jat bơta bol mê neh lơh.”

Đơs Crih 35:23

Ơ Yàng Tom Trồ la Yàng añ jê, dan kah rngal, Dan guh nàng lơh bơta song ring añ in mơ dong tò añ!

Đơs Crih 43:1

Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

Đơs Crih 7:8

Yàng Jehôwa cahrña ală làng bol. Ơ Yàng Jehôwa, dan cahrña añ jat bơta song ring añ jê, mơ jat bơta song ngan tòm nùs añ.

Lik Ejiptơ 5:21

gen bol khai đơs lah: “Dan Yàng Jehôwa sền sơwì ală ồng mơ cahrña ală ồng! Ală ồng neh lơh bol hi in gơlik gơs kung be bơta ƀô ồm di đap mat Pharaôn mơ ală cau duh broă khai dê, mơ ơn đào tòm tê bol khai nàng tơnchơt bol hi.”

Jeremi 51:35

Làng bol Siôn rơp đơs lah: “Dan să jan kong gơcrè añ jê geh sal tê hơđang Babilôn!” Jerusalem rơp đơs lah: “Dan mhàm bol he tuh hơđang làng bol Kalde!”

Ală Kwang Cahrña 11:27

Añ ò di la cau neh tìs mơ mê mơya mê neh lơh bơta tìs mơ añ tòm bơta bơtào tòmlơh mơ añ. Dan Yàng Jehôwa la Bơtau Cahrña rơp cahrña lơh nền ngai do bơh bơta tòmlơh digùl làng bol Israel mơ làng bol Ammôn.”

I Samuel 24:16

Tòm tŭ Dabit neh sir đơs ală jơnau hơ̆ mơ Sol; gen Sol lùp lah: “Ơ Dabit kòn añ, hơ̆ ngan sơl la sap đơs kòn dê?” Gen Sol ñìm dờng ngan.