Sơnròp Gơlik Gơs 16:11 - Sră Goh 2018

¹¹ Cau gơnrơh Yàng Jehôwa đơs mơ khai lah: “Do, ai gơs bun, rơp deh dô nă kòn klau, tơmoh tĕ sơnđan khai la Ismael, bơh Yàng Jehôwa neh kơno bơta bòl glar ai dê.

Sơnròp Gơlik Gơs 16:11 ပူးပေါင်းရင်းမြစ်များ

Sơnròp Gơlik Gơs 17:19

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Sơnròp Gơlik Gơs 21:17

Yàng Tom Trồ kơno oh hơ̆ ñìm gen cau gơnrơh Yàng Tom Trồ dê bơh đang trồ hòi Agar mơ đơs lah: “Ơ Agar, ñchi gơlơh ai be gen taih? Bañ rngòt! Bơh Yàng Tom Trồ neh kơno jơnau kòn dềt bơh di tiah khai ơm.

Sơnròp Gơlik Gơs 37:25

Gen bol khai nggui mơ sào. Bol khai pò mat tơnggòr, gŏ dô bơnòr cau Ismael tus bơh Galaat, hơđang ngkòi làkđa bol khai dê pơdiang phan ƀô bơlhu, sơnơm kơlhô, mơ cài trŭ nàng cèng tus hơ lơgar Ejiptơ.

Đơs Crih 22:24

Bơh Kơnràñ ò di sền òsơp, ò di sền ngkòr ngkàc di bơta dồn sa cau dồn sa dê. Kơnràñ kung ò pồn mat di khai, Mơya tòm tŭ khai hòi dan mơ Kơnràñ, gen Kơnràñ dòp jơnau.

Lik Ejiptơ 3:7

Gen Yàng Jehôwa đơs lah: “Añ neh gŏ loh làng bơta bòl glar làng bol Añ jê tòm lơgar Ejiptơ. Añ neh kơno jơnau bol khai hòi rac tài bơh ală cau at bồ rồn bơklơn; mơ Añ git jơh bơta jê sồt bol khai dê.

Lik Ejiptơ 3:9

Jơnau hòi rac cau Israel dê neh guh tus hơ Añ, mơ Añ neh gŏ mbe cau Ejiptơ rồn bơklơn bol khai.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Luka 1:13

Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Luka 1:31

Do, ai rơp bun, deh dô nă kòn klau, tơmoh sơnđan la Jesu.

Luka 1:63

Sacari dan ai mpàn nàng cih, gen cih lah: “Sơnđan khai la Jang.” Cau lơi kung ai lơh krơi.

I Samuel 1:20

Tòm ală ngai tơnơ̆ hơ̆, Anne bun mơ deh dô nă kòn klau. Khai tơmoh sơnđan kòn hơ̆ la Samuel, mơ đơs lah: “Añ neh dan khai mơ Yàng Jehôwa.”