Sơnròp Gơlik Gơs 16:10 - Sră Goh 2018

¹⁰ Cau gơnrơh Yàng Jehôwa dê đơs tai lah: “Añ rơp bơtơl oă jơi bơtiàn ai in; bol khai rơp gơlik gơs oă tian gơs cau ò jai kòp.”

Sơnròp Gơlik Gơs 16:10 ပူးပေါင်းရင်းမြစ်များ

Sơnròp Gơlik Gơs 13:16

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 16:9

Cau gơnrơh Yàng Jehôwa sồr khai lah: “Ai rê wơl tĕ mơ cau tòm ai dê mơ dòn duh khai.”

Sơnròp Gơlik Gơs 17:20

Añ kung dòp jơnau mê hòi dan Ismael in. Añ ai lơngai khai in, rơp lơh khai in tơnggơs rơ̆sơmpài ràipơjềng. Khai rơp tơnggơs jơt bàr nă kòn bơtau, mơ Añ rơp lơh khai in gơlik gơs dô nơm lơgar dờng.

Sơnròp Gơlik Gơs 21:13

Añ kung rơp lơh kòn klau dĭ ùr mê in gơlik gơs dô nơm làng bol, bơh khai kung bơh mê mơ lik.”

Sơnròp Gơlik Gơs 21:16

mơ khai lòt ngài ngài, mơ nggui pơgap dê dô bồng pañ mơ srào mơ đơs lah: “Mbe añ rgơi ơm sền kòn dềt chơt!” Khai nggui tòm toh tềng hơ̆ mơ ñìm rac.

Sơnròp Gơlik Gơs 21:18

Ntào tĕ, yò kòn mơ ai tê kơnđu kơ̆ khai, bơh Añ rơp lơh khai in gơs dô nơm làng bol dờng.”

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Jang 1:18

Ò gơs cau lơi neh gŏ Yàng Tom Trồ, mìng Kòn Dùl ơm tòm nùs Bèp, la Bơtau sơnio bơh Bèp bol he in.

I Timôthe 6:16

mìng dô nă Kơnràñ gơs bơta ò tŭ lơi chơt, ơm tòm bơta àng cau ò rgơi tus rềp, ò gơs cau lơi sền gŏ Kơnràñ mơ kung ò rgơi gŏ Kơnràñ sơl. Dan bơta màng ryŭ gơnap gơnoar gam sùm sùm gơrê jơh mơ Kơnràñ! Amen.

Ală Kwang Cahrña 6:11

Tŭ hơ̆ cau gơnrơh Yàng Jehôwa dê tus nggui di tòm cha tòm Ôphra gơrê bal mơ Jôas cau Abiejrit, kòn klau khai dê la Gideôn ơm pòng kòi tòm tiah pat tơrnòm nàng pồn gơ bơh di làng bol Midian.

Ală Kwang Cahrña 6:16

Yàng Jehôwa ho wơl mơ khai lah: “Añ rơp ơm bal mơ mê, mơ mê rơp lơh alah jơh ală cau Midian.”