Sơnròp Gơlik Gơs 15:9 - Sră Goh 2018

⁹ Yàng Jehôwa đơs mơ khai lah: “Mê kup tĕ cèng Añ in dô nơm kơnrồ me pe nam, dô nơm be me pe nam, dô nơm belàt dam pe nam, dô nơm ntòp mơ dô nơm ntòp hui”

Sơnròp Gơlik Gơs 15:9 ပူးပေါင်းရင်းမြစ်များ

Sơnròp Gơlik Gơs 15:10

Abram kup tơl ală phan hơ̆, blah bàr pơnah mơ ơn sơrplàng kòp nơm bàr đah, mơya khai ò blah ală sềm.

Sơnròp Gơlik Gơs 15:8

Abram ho lah: “Ơ Yàng Jehôwa, tài bơh ñchi añ git lah añ rơp geh lơgar do gơs sre brê taih?”

Sơnròp Gơlik Gơs 22:13

Abraham pò mat, sền gŏ bơh ngkòi khai dô nơm belàt dam, kòl ngke tòm rlau chi, gen kup belàt dam hơ̆ lơh phan chu duh khoai ala kòn khai.

Đơs Crih 50:5

“Pơjum tĕ hơ Añ ală cau dòn song Añ jê, La ală cau neh bơtào dô bơta ho bal mơ Añ mơ phan ơn pơdơng.”

Đơs Chò 2:12

Ală bơkào gơlì tòm ù; tŭ đơs chò neh tus rềp, mơ sap sềm ntòp hui neh kơno làm tòm ƀòn lơgar;

Esai 15:5

Nùs añ ñìm rac bơh Môap; cau ntoat dô pleh khai dê tus hơ Joar, mơ tus hơ Eglat Selisia. Bơh tòm gùng guh tus hơ Luhit, bol khai guh ndang ñìm ndang, tòm gùng hơ Hôrônaim, bol khai ñìm rac ròc bơh bơta tơnroh.

Lebi 1:10

Dilah phan ơn duh khoai la dô nơm phan ơn chu pơrguc bơh di mpồl belàt, la belàt hala ală be, gen khai pal ơn dô nơm belàt hala be dam ò gơs tềl sồt rmàñ.

Lebi 1:14

Dilah phan ơn duh khoai Yàng Jehôwa la dô nơm phan ơn chu pơrguc mơ ală sềm gen khai pal ơn dô nơm ntòp hala dô nơm kòn ntòp hui.

Lebi 1:3

Dilah phan ơn duh khoai la dô nơm phan ơn duh khoai chu pơrguc bơh di mpồl kơnrồ, khai pal ơn dô nơm kơnrồ dam ò gơs tềl sồt rmàñ; khai pal cèng gơ tus di mpồng mut tòm Sàl Tòm Mat nàng geh dòp di đap Yàng Jehôwa.

Lebi 12:6

Tòm tŭ ală ngai lơh goh khai dê bơh kòn klau hala kòn ùr neh tơl, khai pal cèng tus hơ cau gơnoar ơn phan duh khoai di tiah mut Sàl Tòm Mat dô nơm belàt kòn neh gơs dô nam nàng lơh gơs phan ơn chu pơrguc mơ dô nơm kòn sềm ntòp hui hala dô nơm sềm ntòp nàng lơh gơs phan ơn tơwài glài.

Lebi 12:8

Dilah khai ò rgơi gơs dô nơm belàt kòn gen khai rgơi cèng tus dô yô kòn sềm ntòp hui, dô nơm lơh gơs phan ơn chu pơrguc mơ dô nơm ne lơh gơs phan ơn tơwài glài; gen cau gơnoar ơn phan duh khoai rơp lơh bơta tơwài glài cau ùr hơ̆ in, mơ khai rơp geh goh.’”

Lebi 14:22

mơ bàr nơm sềm ntòp hala bàr nơm sềm ntòp hui gam dềt mơ khai rgơi gơs, dô nơm lơh gơs phan ơn tơwài glài mơ dô nơm ne lơh gơs phan ơn chu pơrguc.

Lebi 14:30

Lồc behơ̆ khai rơp ơn ală sềm ntòp mơ ală sềm ntòp hui mơ cau hơ̆ rgơi gơs,

Lebi 3:1

Dilah cau lơi kòñ ơn phan ơn duh khoai ring lơngai, dilah khai ơn dô nơm phan poan jơng bơh di mpồl kơnrồ, bulah la dam hala me, khai pal ơn di đap Yàng Jehôwa dô nơm phan poan jơng ò tềl sồt.

Lebi 3:6

Dilah khai ơn dô nơm phan poan jơng bơh di mpồl belàt lơh gơs phan ơn ring lơngai Yàng Jehôwa in, khai pal ơn dô nơm dam hala me ò gơs tềl sồt.

Lebi 9:2

Khai đơs mơ Arôn lah: “Bi kup tĕ dô nơm kơnrồ kòn dam nàng lơh gơs phan ơn tơwài glài bi dê mơ dô nơm belàt dam nàng lơh gơs phan ơn chu pơrguc, jơh bàr nơm pal ò tềl sồt, mơ cèng bol gơ tus di đap Yàng Jehôwa.

Lebi 9:4

mơ dô nơm kơnrồ mơ dô nơm belàt dam nàng lơh gơs dô nơm phan ơn ring lơngai ơn di đap Yàng Jehôwa bal mơ phan ơn mơ kòi mbo bơcă bal mơ mơñà. Bơh ngai do Yàng Jehôwa rơp tơlik mat mơ bol mê.’”

Luka 2:24

mơ ơn phan duh khoai jat be bơta boh lam Yàng neh sồr, la dô yô ntòp hala bàr nơm kòn ntòp hui.