Sơnròp Gơlik Gơs 15:6 - Sră Goh 2018

⁶ Abram dòn Yàng Jehôwa, gen Kơnràñ sơnđan bơta hơ̆ la song ring khai in.

Sơnròp Gơlik Gơs 15:6 ပူးပေါင်းရင်းမြစ်များ

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Đơs Crih 106:31

Bơh rài do tus rài ne gam sùm sùm, Broă hơ̆ khai geh kòp la song ring.

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

Rôma 4:9

Behơ̆, bơta lơngai hơ̆ mìng ai cau kong siat gơltau in hala kung ai cau ò kong siat gơltau in sơl ơ? Bơh bol he đơs lah bơta dòn Abraham dê geh Yàng Tom Trồ kòp la song ring khai in.

II Kôrintô 5:19

Bơh Yàng Tom Trồ neh ơm tòm Bơtau Krist, lơh dunnia in gơtòmsòr wơl mơ Kơnràñ, ò kòp bơta tìs glài bol khai dê bơh yau òr, mơ neh jào bol hi in gơnoar broă lơh cau in gơtòmsòr wơl.

Hebrơ 11:8

Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.

Jakơ 2:23

Behơ̆ gơlik di ngan be jơnau Sră Goh cih lah: “Abraham dòn Yàng Tom Trồ mơ bơta hơ̆ geh kòp la song ring khai in,” mơ khai geh sơnđan la bơyô Yàng Tom Trồ dê.