Sơnròp Gơlik Gơs 15:4 - Sră Goh 2018

⁴ Yàng Jehôwa đơs mơ Abram lah: “Cau hơ̆ ò di la cau pơrdòn mê ò, mơya cau lik bơh pròc tòm mê dê, rơp la cau pơrdòn mê.”

Sơnròp Gơlik Gơs 15:4 ပူးပေါင်းရင်းမြစ်များ

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 17:16

Añ rơp ai lơngai khai in, mơ bơh di khai Añ rơp ai mê in dô nă kòn klau. Añ rơp ai lơngai khai in, mơ bơh khai rơp gơlik gơs oă làng bol; ală cau bơtau ală làng bol dê rơp bơh khai mơ gơlik gơs.”

Sơnròp Gơlik Gơs 21:12

Mơya Yàng Tom Trồ đơs mơ Abraham lah: “Mê bañ moat jrùng bơh kòn klau mơ dĭ ùr mê dê. Sara đơs be lơi, gen iat tĕ jơnau khai đơs, bơh tòm Isak rơp gơlik gơs jơi bơtiàn mê dê.

II Samuel 16:11

Dabit đơs mơ Abisai mơ jơh ală cau dĭ gơna khai dê lah: “Kòn klau añ la poac mhàm tòm añ mơ kòñ tơnchơt añ, tơ ài lah cau Benjamin do! Lòi tĕ khai, mơ lòi khai srat rma; bơh Yàng Jehôwa neh sồr khai lơh behơ̆.

II Samuel 7:12

Tòm tŭ ală ngai mê dê neh wil tơl, mơ mê rơp bic mơ ală ồng pàng mê dê, Añ rơp tơngguh kòn mê nàng pơrdòn sơbàn mê, la kòn rơp lik bơh să jan mê, mơ Añ rơp bơt bơtào lơgar bơtau khai dê.

II Yal Yau 32:21

Mơ Yàng Jehôwa sồr dô nă cau gơnrơh tơnroh jơh ală cau ling bal mơ ală cau at bồ mơ cau kwang duh broă bơtau tòm tiah sàl bơtau Asiri dê. Behơ̆ khai ruc wơl mơ rê hơ lơgar khai dê tòm bơta ƀàssìl ƀàsso. Mơ tòm tŭ khai mut tòm hìu duh khoai yàng khai dê, dô nă tòm ală kòn klau khai dê ai đào sreh tơnchơt khai.

Galati 4:28

Ơ oh mi, bol he la kòn bơh jơnau ho pơgon kung be Isak.

Philemôn 1:12

Añ sồr khai rê wơl hơ bi; hơ̆ la kung be pơyoa nùs tòm añ jê bi in sơl.