Sơnròp Gơlik Gơs 15:2 - Sră Goh 2018

² Abram đơs lah: “Ơ Yàng Jehôwa, ñchi phan Yàng rơp ai añ in taih? Añ chơt tơn ò gơs kòn, cau pal pơrdòn tòm hìu nhă añ la Eliese cau Damas.”

Sơnròp Gơlik Gơs 15:2 ပူးပေါင်းရင်းမြစ်များ

Sơnròp Gơlik Gơs 14:15

Gen khai cah mpồl ală cau dĭ, brồ lơh geh pha mơ bol hơ̆ tòm trồ mang mơ ting jat tus dê Hôba đah kiau Damas.

Sơnròp Gơlik Gơs 15:1

Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 15:3

Abram đơs tai lah: “Do, Yàng lơh añ in tồc lồi, dô nă cau dĭ añ, deh tòm hìu añ, rơp la cau pơrdòn añ jê.”

Sơnròp Gơlik Gơs 24:10

Gen cau dĭ kup jơt nơm làkđa tòm mpồl cau tòm khai dê, cèng bal tơl ală phan mơna cau tòm neh ai, gen khai ñă lòt tus hơ Mesôpôtami, tus hơ ƀòn Nakôr dê.

Sơnròp Gơlik Gơs 24:2

Abraham đơs mơ cau dĭ ơm jŏ rlau jơh tòm hìu khai mơ gơs gơnoar hơđang jơh ală phan mơna khai dê, mơ lah: “Dan ơn tê di bơnô añ,

Sơnròp Gơlik Gơs 25:21

Isak hòi dan mơ Yàng Jehôwa bau khai in bơh khai kơnền. Yàng Jehôwa kơno jơnau hòi dan hơ̆ gen ai Rebeka in bun.

Sơnròp Gơlik Gơs 39:9

Tòm hìu do ò gơs cau lơi dờng rlau mơ añ, mơ khai kung ò bơkơ̆u añ bơta lơi, mìng dô nă ai bơh ai la bau cau tòm añ jê. Mbe lơh añ khin lơh bơta iơh bơsak behơ̆, mơ gơs glài mơ Yàng Jehôwa taih?”

Sơnròp Gơlik Gơs 43:19

Gen ală oh mi tus rềp mơ cau gơnoar at bồ hìu Jôsep dê mơ tòmbơhbơr mơ khai di bơr mpồng, mơ lah:

Sơnròp Gơlik Gơs 44:1

Jôsep sồr cau gơnoar at bồ hìu khai lah: “Ală cau hơ̆ pơdiang jai kàr lơi gen tuh tĕ kòi bol khai in bềng rơnđò kàr hơ̆ sơl, lồc behơ̆ ơn wơl priă di bơr rơnđò kòp nă bol khai dê.

Đơs Crih 127:3

Kòn sau la sre brê tus bơh Yàng Jehôwa, Kòn lik bơh kơndul mè la phan ƀàn Yàng ai.

Jơnau Pơnđik 13:12

Bơta kơp gơn òbat nyà lơh nùs jê sồt; Mơya tŭ bơta kơp kòñ geh tơl rau la dô nơm chi bơta kis.

Jơnau Pơnđik 17:2

Dĭ gơna àng loh rơp at bồ hơđang kòn cau tòm jak lơh bơta ƀàssìl ƀàsso, mơ dòp geh sre brê be kòn tòm hìu nhă.

Esai 17:1

Do la dô jơnau đơs hwơr bơh Damas: “Do, Damas rơp ò gam geh kòp la dô nơm ƀòn dờng, mơ rơp gơlik gơs dô gơnru tơrlah tơrlơm.

Esai 56:5

Añ rơp ai dô bă tiah tòm hìu duh khoai Añ jê, mơ tòm dơlam ală dơrñang gơ dê, dô bơta kah kirsơnre, dô nơm sơnđan niam rlau mơ ală kòn klau mơ kòn ùr; Añ rơp ai bol khai in dô nơm sơnđan gam sùm sùm mơ rơp ò gơs tŭ lơi lồi.

Jeremi 49:23

Bơh Damas: Ƀòn Hamat mơ Arpat kong ƀàssìl ƀàsso; Bơh bol khai kơno yal bơta iơh Bol khai lề lac bơh rngòt rngơt, dơrcul be dàlềng lơnggac, Ò rgơi ơm mŏ mŏ

Broă 7:5

Kơnràñ ò ai khai in dô êt lơi sre brê tòm tiah do, dô pet ù ơn jơng kung ò gơs sơl, mơya Kơnràñ ho ai tiah do lơh gơs sre brê tòm khai in mơ jơi bơtiàn khai in sơl, bulah tòm tŭ hơ̆ khai òhềt gơs kòn.

Rutơ 2:6

Cau at bồ cau toès ho lah: “Khai la cau Môap neh rê bal mơ Naômi bơh lơgar Môap.

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”