Sơnròp Gơlik Gơs 15:14 - Sră Goh 2018

¹⁴ Mơya Añ rơp cahrña ală cau mơ jơi bơtiàn mê lơh dĭ, tơnơ̆ wơl bol khai rơp lik klàs bal mơ ală phan mơna lìu làc.

Sơnròp Gơlik Gơs 15:14 ပူးပေါင်းရင်းမြစ်များ

Sơnròp Gơlik Gơs 48:21

Mơ Israel đơs mơ Jôsep lah: “Do, añ rơp chơt mơya Yàng Tom Trồ rơp ơm bal mơ mê mơ lam bol mê rê wơl hơ lơgar mò pàng he dê.

Sơnròp Gơlik Gơs 50:24

Mơ Jôsep đơs mơ ală oh mi khai dê lah: “Añ rơp chơt, mơya ngan Yàng Tom Trồ rơp tus còp ală oh mi mơ lam oh mi rê hơ lơgar mơ Kơnràñ neh ho pơgon mơ Abraham, Isak mơ Jakôp.”

Đơs Crih 105:42

Kơnràñ kah wơl jơnau ho pơgon sàng goh Kơnràñ dê, Mơ kah Abraham la cau duh broă Kơnràñ dê.

Đơs Crih 135:14

Bơh Yàng Jehôwa rơp dong tò làng bol Kơnràñ dê, Mơ gơs nùs nđàc sơngit di ală cau duh broă Kơnràñ dê.

Đơs Crih 135:9

Kơnràñ lơh gơs tòm lơgar Ejiptơ ală bơta krơi tềl is, Lơh glài Pharaôn mơ jơh ală cau duh broă khai dê.

Đơs Crih 51:4

Añ neh tìs glài mơ Yàng, mìng mơ Yàng lơm, Mơ neh lơh bơta iơh bơsak di đap Yàng, Tồ Yàng geh kòp la song ring tòm tŭ Kơnràñ đơs, Mơ ò gơs tiah geh lah pơrhơng tòm tŭ Kơnràñ cahrña.

Lik Ejiptơ 12:29

Tòm gùl mang, Yàng Jehôwa tơnchơt jơh ală kòn tơnhoa tòm Ejiptơ, bơh kòn tơnhoa Pharaôn dê nggui hơđang sơbàn tus di kòn tơnhoa cau ơm jàm tòm ơdŭ hìu jàm, bal mơ ală kòn tơnhoa jơh phan poan jơng dê.

Lik Ejiptơ 3:10

Behơ̆ tŭ do, lòt tĕ. Añ sồr mê lòt tus hơ Pharaôn nàng lam làng bol Añ jê la làng bol Israel lik klàs bơh di lơgar Ejiptơ.”

Broă 7:7

Yàng Tom Trồ đơs tai lah: ‘Añ rơp cahrña làng bol neh kup bol khai lơh gơs dĭ, tơnơ̆ mơ hơ̆ bol khai rơp lik klàs, mơ duh broă Añ tòm tiah do.’

Yal Wơl 4:20

Mơya đah pơnah mơ bol mê gen Yàng Jehôwa neh tă tơlik bol mê bơh di bơnhă ồs gơm lề lòs, lik bơh di Ejiptơ nàng gơs dô nơm làng bol gơrê is mơ Kơnràñ kung be neh gơs tòm ngai do.

Yal Wơl 6:22

Yàng Jehôwa neh lơh gơs ală bơta krơi tềl is dờng mơ pal rngòt rngơt ngan hơđang Ejiptơ mơ Pharaôn mơ jơh hìu nhă khai dê.

Jôsue 24:17

Bơh hơ̆ la să tòm Jehôwa Yàng Tom Trồ bol hi dê neh cèng bol hi mơ ală ồng pàng bol hi dê lik bơh Ejiptơ, bơh di lơgar bol hi ơm dĭ, mơ neh lơh ală bơta krơi di đap bol hi, Kơnràñ neh sền gàr bol hi tòm jơh gùng lòt bol hi dê, mơ digùl ală làng bol mơ bol hi neh lòt gan.

I Samuel 12:8

Tòm tŭ Jakôp mù hơ Ejiptơ, làng bol hơ̆ rồn bơklơn bol khai, gen ồng pàng bol mê dê hòi driau mơ Yàng Jehôwa, mơ Kơnràñ neh sồr Môise mơ Arôn, la ală cau neh cèng ală ồng pàng bol mê dê lik bơh di Ejiptơ mơ neh ai bol khai in ơm tòm tiah do.