Sơnròp Gơlik Gơs 15:13 - Sră Goh 2018

¹³ Yàng Jehôwa đơs mơ Abram lah: “Mê git tĕ nền lah jơi bơtiàn mê rơp ơm ing tòm dô nơm lơgar ò di bal mơ bol khai, lơh dĭ làng bol hơ̆ in mơ kong bol khai rồn bơklơn tòm poan rhiang nam.

Sơnròp Gơlik Gơs 15:13 ပူးပေါင်းရင်းမြစ်များ

Sơnròp Gơlik Gơs 15:16

Tus dê rài poan, gen jơi bơtiàn mê rơp rê wơl hơ do, tài bơh tồi glài cau Amôrit dê òhềt bềng lìu.”

Sơnròp Gơlik Gơs 17:8

Añ rơp ai mê mơ jơi bơtiàn mê in lơgar mơ mê ơm ing, hơ̆ la làm lơgar Kanaan, lơh gơs sre brê kòp rài gam sùm sùm, mơ Añ rơp lơh gơs Yàng Tom Trồ bol khai dê.”

Sơnròp Gơlik Gơs 47:4

Mơ bol khai đơs tai lah: “Ală cau dĭ gơna kơnràñ neh tus nàng ơm tòp tòm lơgar bơh bơta jơgloh rung dờng ngan tòm lơgar Kanaan tian gơs ò gơs ñhơt tòm ƀlàng nàng ală mpồl phan poan jơng in sa. Behơ̆ dan ai ală cau dĭ gơna kơnràñ in ơm tòm lơgar Gôsen.”

Đơs Crih 105:42

Kơnràñ kah wơl jơnau ho pơgon sàng goh Kơnràñ dê, Mơ kah Abraham la cau duh broă Kơnràñ dê.

Lik Ejiptơ 1:11

Behơ̆ cau Ejiptơ bơtào ală cau at bồ cau dĭ hơđang bol khai nàng rồn bơklơn bol khai pal lơh broă kơnjơ̆ ngan; cau Israel bơt bơtào Phithom mơ Ramse lơh gơs ală ƀòn dờng đam jàr Pharaôn in.

Lik Ejiptơ 1:13

mơ kup bol khai lơh broă bòl glar dô bă ò nđàc dô êt lơi.

Lik Ejiptơ 1:14

Bol khai lơh rài kis cau Israel in gơlik sràt bơtang bơh broă kơnjơ̆, lơh gac mơ cài bơt hìu bal mơ tơl jơh ală broă tòm ală ƀlàng sre; tòm jơh ală broă kơnjơ̆ cau Ejiptơ ngui cau Israel dô bă ò nđàc dô êt lơi.

Lik Ejiptơ 2:24

Yàng Tom Trồ neh kơno jơnau pơt wòl bol khai dê mơ Kơnràñ kah wơl bơta ho pơgon mơ Abraham, Isak mơ Jakôp.

Lik Ejiptơ 22:21

Bañ gơwèt ò niam hala rồn bơklơn dô nă cau làng bơdìh, bơh bol mê neh la cau làng bơdìh tòm Ejiptơ.

Lik Ejiptơ 23:9

Mê bañ rồn bơklơn cau bơdìh, bol mê git mbe gơlơh nùs nhơm cau làng bơdìh, tài bơh bol mê neh la cau làng bơdìh tòm Ejiptơ.”

Lik Ejiptơ 3:10

Behơ̆ tŭ do, lòt tĕ. Añ sồr mê lòt tus hơ Pharaôn nàng lam làng bol Añ jê la làng bol Israel lik klàs bơh di lơgar Ejiptơ.”

Lik Ejiptơ 3:17

Mơ Añ neh ho dong tă bol mê lik bơh di bơta bòl glar bol mê dê tòm lơgar Ejiptơ nàng cèng tus hơ lơgar cau Kanaan, cau Hetit, cau Amôr, cau Pheres, cau Hebit, mơ cau Jebusit dê, la dô nơm lơgar gơs lìu làc dà toh mơ dà lơwe.’

Lik Ejiptơ 3:8

Behơ̆ Añ mù tus nàng dong tă bol khai klàs bơh di tê cau Ejiptơ, lam bol khai guh mơ lik bơh di lơgar hơ̆ tus hơ dô nơm lơgar niam mơ dờng ơnàng, lơgar gơs lìu làc dà toh mơ dà lơwe, hơ̆ la lơgar tòm cau Kanaan, cau Hetit, cau Amôr, cau Pheres, cau Hebit mơ cau Jebusit dê.

Lebi 19:34

Pal gơwèt hơ cau làng bơdìh ơm bal mơ bol mê kung be dô nă tòm ală cau làng tòm. Kòñ gơboh di khai kung be să tòm bol mê dê, bơh mê bơh lài la cau làng bơdìh ơm tòm Ejiptơ. Añ la Jehôwa Yàng Tom Trồ bol mê dê.

Khà Làng Bol 20:15

Ală ồng pàng bol hi dê neh mù tòm Ejiptơ, mơ bol hi neh ơm tềng hơ̆ jŏ sơnam. Cau Ejiptơ gơwèt iơh mơ bol hi mơ ală ồng pàng bol hi dê,

Broă 7:17

Tòm tŭ mòr tus di tŭ tơngai Yàng Tom Trồ lơh gơlik gơs di ngan jơnau ho pơgon mơ Abraham, khà làng bol kư̆ tơnggơs bơtơl rơ̆sơmpài ràipơjềng tòm lơgar Ejiptơ,

Galati 3:17

Behơ̆ gen añ đơs lah: Jơnau ho bal mơ Yàng Tom Trồ neh lơh nền lài òr, gen ò geh sang lòi tài bơh bơta boh lam, la bơta gơs tơnơ̆ mơ jơnau ho bal poan rhiang pe jơt nam. Bơta boh lam ò di lơh jơnau ho pơgon gơlik gơs ò kwơ.

Yal Wơl 10:19

Mơ bol mê kung pal kòñ gơboh di ală cau làng bơdìh bơh să tòm bol mê neh la cau làng bơdìh tòm Ejiptơ.

Yal Wơl 5:15

Kah tĕ lah bol mê neh ơm dĭ tòm Ejiptơ mơ hơ̆ la Jehôwa Yàng Tom Trồ bol mê dê neh ngui mpàng tê gơnoar pràn mơ tơwòr tê pò tơlik nàng cèng bol mê lik klàs bơh di tiah hơ̆. Gen tàng Jehôwa Yàng Tom Trồ bol mê dê neh sồr bol mê prap gàr ngai Saƀat.