Sơnròp Gơlik Gơs 15:1 - Sră Goh 2018

¹ Tơnơ̆ mơ ală broă hơ̆, tòm dô bơta gơtơnggŏ gơs jơnau Yàng Jehôwa đơs mơ Abram lah: “Ơ Abram, bañ rngòt! Añ la khèl đo mê dê, phan ƀàn mê rơp dờng ngan.”

Sơnròp Gơlik Gơs 15:1 ပူးပေါင်းရင်းမြစ်များ

Sơnròp Gơlik Gơs 15:2

Abram đơs lah: “Ơ Yàng Jehôwa, ñchi phan Yàng rơp ai añ in taih? Añ chơt tơn ò gơs kòn, cau pal pơrdòn tòm hìu nhă añ la Eliese cau Damas.”

Sơnròp Gơlik Gơs 15:4

Yàng Jehôwa đơs mơ Abram lah: “Cau hơ̆ ò di la cau pơrdòn mê ò, mơya cau lik bơh pròc tòm mê dê, rơp la cau pơrdòn mê.”

Sơnròp Gơlik Gơs 21:17

Yàng Tom Trồ kơno oh hơ̆ ñìm gen cau gơnrơh Yàng Tom Trồ dê bơh đang trồ hòi Agar mơ đơs lah: “Ơ Agar, ñchi gơlơh ai be gen taih? Bañ rngòt! Bơh Yàng Tom Trồ neh kơno jơnau kòn dềt bơh di tiah khai ơm.

Sơnròp Gơlik Gơs 22:1

Tòm tŭ ală broă hơ̆ neh sir rau, gen Yàng Tom Trồ lòng Abraham. Kơnràñ đơs lah: “Ơ Abraham!” Khai ho lah: “Do añ.”

Sơnròp Gơlik Gơs 22:20

Tơnơ̆ mơ ală broă hơ̆, gơs cau yal mơ Abraham lah: “Do, Milka kung deh kòn Nakôr in la oh mê dê.”

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 31:7

ai bèp bol ai neh pơrlồm mơ gơl jền tơngai añ jơt dơ̆, mơya Yàng Tom Trồ ò ai khai in lơh iơh di añ dô êt lơi.

II Samuel 22:3

Yàng Tom Trồ añ jê, pơnai lŭ añ jê, tòm Kơnràñ añ kìng crŭ să añ, Kơnràñ la khèl đo añ jê mơ la ngke bơta dong klàs añ jê. Kơnràñ la theng kơ̆ nền añ jê, la tiah añ kìng crŭ, la bơtau dong klàs añ; Kơnràñ dong añ klàs bơh di ală cau jàñ bơsak.

II Ală Bơtau 1:15

Cau gơnrơh Yàng Jehôwa dê đơs mơ Eli lah: “Mù tĕ bal mơ khai, bañ rngòt di khai.” Behơ̆, Eli mù mơ lòt bal mơ cau kwang at bồ tus hơ bơtau.

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

Đơs Crih 115:10

Ơ hìu nhă Arôn, dòn kơnòm tĕ di Yàng Jehôwa! Kơnràñ la Bơtau dong kòl mơ kung be la khèl đo bol khai dê.

Đơs Crih 119:114

Kơnràñ la tiah añ kìng crŭ pồn să mơ be la khèl đo añ jê; Añ gơn kơnòm di jơnau Yàng dê.

Đơs Crih 142:5

Ơ Yàng Jehôwa, añ rac dan mơ Kơnràñ, Mơ đơs lah: Kơnràñ la tiah kìng crŭ añ jê, La pơnah gơrê mơ añ tòm ù cau kis dê.

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 3:3

Mơya, ơ Yàng Jehôwa, Kơnràñ la khèl cang kìng añ jê; Kơnràñ la bơta gơklŏ añ jê, mơ la Bơtau pò tơngguh bồ añ jê.

Đơs Crih 3:4

Añ driau dờng hòi dan mơ Yàng Jehôwa, Bơh di mơnơm sàng goh Kơnràñ ho jơnau añ.

Đơs Crih 5:12

Ơ Yàng Jehôwa, Kơnràñ ai lơngai cau song ring in; Kơnràñ ai bơta nđàc jơm gòm khai kung be khèl sơl.

Đơs Crih 58:11

Cau rơp đơs lah: “Ngan gơs phan ƀàn cau song ring in; Ngan gơs Yàng Tom Trồ gam cahrña tòm ù.”

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Đơs Crih 84:9

Ơ Yàng Tom Trồ, dan wèt sền khèl bol hi dê; Dan sền di mat cau kong bong mơñà Yàng dê.

Đơs Crih 91:4

Yàng rơp jơm gòm mê kung be iar me jơm gòm kòn tòm tiah đar gơ dê, Mơ tòm tiah đar Kơnràñ dê mê rơp kìng crŭ să he; Bơta dòn song Kơnràñ dê kung be khèl mơ phan đo mê dê.

Lik Ejiptơ 14:13

Môise ho wơl mơ làng bol lah: “Bañ rngòt, ntào kơ̆ tĕ mơ sền gŏ bơta dong tă Yàng Jehôwa dê rơp lơh gơlik gơs bol mê in tòm ngai do. Cau Ejiptơ mơ bol mê neh gŏ tòm ngai do gen bol mê rơp ò gơs tŭ lơi gŏ bol khai tai.

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

Jơnau Pơnđik 30:5

Ală jơnau Yàng Tom Trồ dê neh lơh cơng song ngan; Kơnràñ la khèl đo cau lơi dòn kơnòm di Kơnràñ.

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Esai 40:10

Sền ne, Yàng Jehôwa at bồ hơđang jơh ai gơnap gơnoar mơ tus, tơwòr tê Kơnràñ dê mơ at bồ. Sền ne, phan ƀàn Kơnràñ dê ơm mơ Kơnràñ, jền tơngai Kơnràñ dê ơm di đap Kơnràñ.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 43:1

Mơya tŭ do, Yàng Jehôwa đơs be do: ơ Jakôp! Yàng Jehôwa la Bơtau neh crơng gơs mê! Ơ Israel, Bơtau neh mòn gơs mê, đơs be do: “Bañ rngòt, bơh Añ neh tơwài mê; Añ neh ai sơnđan mê mơ hòi mê; mê gơrê bal mơ Añ.

Esai 43:5

Bañ rngòt, bơh Añ ơm bal mơ mê; Añ rơp cèng kòn sau mê tus bơh đah mattơngai lik, mơ pơjum mê bơh đah mattơngai mut.

Esai 44:2

Do la jơnau đơs Yàng Jehôwa dê, la Bơtau neh lơh gơs mê, neh mòn gơs mê tòm kơndul mè, mơ la Bơtau rơp dong kòl mê: Bañ rngòt, ơ Jakôp, cau duh broă Añ jê, mơ Jerusalem la cau Añ neh sac rwah;

Esai 44:8

Bañ rơm să, bañ rngòt. Añ ò di neh yal mơ mê bơh yau òr mơ yal tơnggit gơ ò ơ? Bol mê la cau lơh cơng Añ jê. Gơs Yàng Tom Trồ lơi ndai tai rlau mơ Añ sơl? Ò gơs pơnai lŭ lơi ndai; Añ git ò gơs dô nơm lơi ndai!”

Esai 51:12

“Añ, să tòm Añ, la Bơtau pơndòm pơniang bol mê. Bol mê la ñcau mơ rngòt di kòn mơnus òs chơt, dô nă kòn mơnus la cau gơs bơta kis kung be ñhơt taih?

Jeremi 39:17

Yàng Jehôwa đơs: ‘Mơya tòm ngai hơ̆, Añ rơp dong tă mê, gen mê rơp ò kong jào tòm tê ală cau mê rngòt.

Ñìm Rac 3:24

Hwềng soàn añ đơs: “Yàng Jehôwa la pơnah sre brê añ jê, gen tàng añ ơn nùs gơn kơnòm di Kơnràñ.”

Ejekiel 1:1

Tòm nam dơ̆ pe jơt, ngai pram kơnhai poan, tòm tŭ añ ơm digùl ală cau kong kup cèng pơrdô, di gah hiòng Kebar, ală tap trồ pò tơlik mơ añ gŏ ală bơta gơtơnggŏ Yàng Tom Trồ dê.

Ejekiel 11:24

Hwềng yò tơngguh añ tòm bơta gơtơnggŏ mơ Hwềng Yàng Tom Trồ cèng añ tus hơ Kalde, tus hơ ală cau kong kup cèng. Gen bơta gơtơnggŏ mơ añ neh gŏ lik bơh di añ.

Ejekiel 3:4

Kơnràñ đơs mơ añ lah: “Ơ kòn mơnus, tŭ do lòt tĕ tus hơ hìu Israel, mơ yal ală jơnau đơs Añ jê bol khai in.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Khà Làng Bol 18:20

Yàng Jehôwa đơs mơ Arôn lah: “Mê ò gơs sre brê tòm lơgar bol khai dê mơ mê kung ò gơs pơnah lơi digùl bol khai; Añ la pơnah gơrê bal mơ mê mơ la sre brê mê dê digùl ală cau Israel.

Khà Làng Bol 24:4

jơnau đơs hwơr dô nă cau neh kơno ală jơnau đơs Yàng Tom Trồ dê, la cau neh gŏ bơta gơtơnggŏ bơh di Bơtau Gơnoar Dờng Làm Jơh, la cau neh tơmbic să cùn khoai, mơ mat khai dê neh geh pò.

Mathiơ 28:5

Gen cau gơnrơh đơs mơ ală cau ùr hơ̆ lah: “Bañ rngòt, bơh añ git bol ai jòi Yàng Jesu, Bơtau neh kong pơng di chi pơng.

Mathiơ 8:26

Yàng Jesu đơs lah: “Ơ ală cau gơs dô êt bơta dòn, ñchi bơh tài bol mê rngòt taih?” Chòp Kơnràñ ntào, lah pơrhơng càl mơ dàlềng, gen gơs ring drik ngan.

Luka 1:13

Mơya cau gơnrơh đơs mơ khai lah: “Ơ Sacari, bañ rngòt, bơh bơta hòi dan mê dê neh geh dòp; bau mê la Elisabet rơp deh mê in dô nă kòn klau, mê tơmoh sơnđan tĕ khai la Jang.

Luka 1:30

Gen cau gơnrơh đơs lah: “Ơ Mari, bañ rngòt, bơh ai neh geh nđàc di đap Yàng Tom Trồ.

Luka 12:32

Ơ mpồl dềt, bañ rngòt, bơh Bèp bol mê niam nùs ai bol mê in lơgar.

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

I Kôrintô 3:22

Bulah Pol, hala Apôlôs, hala Sepha, hala dunnia, hala bơta kis, hala bơta chơt, hala broă tŭ do, hala broă rơp tus, jơh ală bơta la gơrê bal mơ oh mi;

Yal Wơl 18:2

Bol khai rơp ò gơs sre brê digùl ală oh mi bol khai dê, Yàng Jehôwa la sre brê bol khai dê jat be Kơnràñ neh ho mơ bol khai.

Yal Wơl 31:6

Lơh tĕ pràn kơldang mơ khin cha. Bañ rngòt cù kìr tài bơh bol khai, bơh Jehôwa Yàng Tom Trồ bol mê dê lòt bal mơ bol mê, Kơnràñ rơp ò tŭ lơi sang bol mê hala lòi bol mê.”

Hebrơ 1:1

Tòm rài yau, Yàng Tom Trồ neh ngui ală cau gơnoar hwơr nàng đơs oă dơ̆, oă bơta mơ ală ồng pàng bol he dê,

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

Rutơ 2:12

Dan Yàng Jehôwa tơm wơl ai in jat ală bơta ai neh lơh. Dan ai in dòp geh phan ƀàn dờng tus bơh Jehôwa la Yàng Tom Trồ Israel dê, hơđơm pơnđar Bơtau hơ̆ ai neh tus kìng crŭ.”

I Samuel 15:10

Gen gơs jơnau Yàng Jehôwa đơs mơ Samuel lah:

I Samuel 9:9

(Lài òr tòm Israel, dilah dô nă cau kòñ lòt hòi lùp Yàng Tom Trồ gen khai rơp đơs lah: “Tus tĕ, bol he lòt lă hơ cau git lài,” tài bơh tòm tŭ hơ̆ cau òs sơnđan cau gơnoar hwơr la cau git lài.)