Sơnròp Gơlik Gơs 14:22 - Sră Goh 2018

²² Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

Sơnròp Gơlik Gơs 14:22 ပူးပေါင်းရင်းမြစ်များ

Daniel 12:7

Cau klau soh bài che dơmài ntào hơđang dà hiòng pò tê ma mơ tê kiau hơđang trồ, mơ añ kơno khai ai sơnđan Bơtau gam kis sùm sùm dê mơ srat să lah: “Rơp rlau dô tơngai, ală tơngai, mơ nggùl tơngai; tŭ lơi gơnoar pràn làng bol sàng goh dê neh gơkòl roh gơprah jơh, gen tŭ hơ̆ ală bơta do rơp geh sir wil tơl.”

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

Đơs Crih 24:1

Plai ù mơ ală phan hơđang gơ, Lơgar dunnia mơ ală cau ơm hơđang gơ, jơh gơrê bal mơ Yàng Jehôwa.

Ală Kwang Cahrña 11:35

Tòm tŭ Jepthe gŏ kòn ùr khai dê gen khai crè ào tòm khai mơ đơs dờng lah: “Ơ hơh! Ơ kòn ùr añ jê, nđàc sơngit añ, ai neh lơh bòl glar moat jrùng ngan añ in, tài bơh añ neh srat să ho pơgon mơ Yàng Jehôwa mơ añ ò rgơi tòmgơl jơnau ho pơgon hơ̆.”

Yal Wơl 32:40

Bơh Añ pò tê Añ jê hơđang trồ mơ srat să: Be Añ kis gam sùm sùm,

Lik Ejiptơ 6:8

Mơ Añ rơp cèng bol mê mut tòm lơgar mơ Añ neh pò tê srat să ai Abraham in, ai Isak in, mơ ai Jakôp in. Añ rơp ai gơ bol mê in lơh gơs sre brê. Añ la Yàng Jehôwa.’”

Sră Age 2:8

‘Priă gơrê mơ Añ, màh gơrê mơ Añ,’ Yàng Jehôwa Gơnap Gơnoar Dờng Làm Jơh đơs behơ̆.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Sơnròp Gơlik Gơs 21:33

Abraham tam dô đòm ơmil tòm tiah Beerseba, mơ tềng hơ̆ khai hòi dan di sơnđan Yàng Jehôwa la Yàng Tom Trồ gam sùm sùm.

Sơnròp Gơlik Gơs 17:1

Tòm tŭ Abram neh tơl sin jơt sin nam, gen Yàng Jehôwa tơlik mat mơ khai mơ đơs lah: “Añ la Yàng Tom Trồ Gơnap Gơnoar Làm Jơh, mê lòt tĕ di đap Añ mơ lơh gơs dô nă cau wil tơl.

Sơnròp Gơlik Gơs 14:21

Bơtau Sôdôm đơs mơ Abram lah: “Ai tĕ wơl añ in ală cau, ai ală phan mơna gen lòi mê in.”

Sơnròp Gơlik Gơs 24:3

mơ añ rơp sồr mê ai sơnđan Yàng Jehôwa la Yàng trồ mơ tiah dê mơ ho bal lah mê ò jòi bau kòn klau añ in tòm ală cau ơruh làng bol Kanaan dê, hơ̆ la làng bol mơ bol he ơm ing nàng tòmbau mơ kòn klau añ,

II Ală Bơtau 5:16

Mơya Elise đơs lah: “Be Yàng Jehôwa gam kis sùm, la Bơtau añ duh broă mơ srat să lah añ ò dòp phan lơi.” Naaman jơh nùs chồl Elise dòp, mơya khai ò bài dòp.

Đơs Crih 144:8

Bơr bol khai đơs jơnau blac pơrlồm, Tê ma bol khai dê lơh bơta ma blac.

Đơs Crih 144:11

Dan dong añ klàs bơh đào lơh iơh, Mơ dong tă añ bơh di tê ală làng bol bơdìh. Bol khai đơs jơnau blac pơrlồm, Tê ma bol khai dê lơh bơta ma blac.

Yal Wơl 10:14

Bơh ngan, trồ mơ ală tap trồ hơđang jòng rlau jơh gơrê bal mơ Jehôwa Yàng Tom Trồ bol mê dê.

II Samuel 2:5

gen khai sồr ală cau kong sồr lòt tus hơ ală cau tòm Jabes Galaat, mơ đơs mơ bol khai lah: “Dan Yàng Jehôwa ai lơngai lơngò bol mê in, bơh bol mê neh yal tơlik nùs dòn song gơwèt mơ Sol la cau tòm bol mê dê bơh bơta tơp ƀồc khai dê!

I Yal Yau 29:11

Ơ Yàng Jehôwa, bơta dờng màng, gơnap gơnoar, gơklŏ, bơta pha lin mơ bơta ryŭ ryơm, Kơnràñ dê, bơh jơh ală bơta hơđang trồ mơ tòm ù gơrê bal mơ Kơnràñ. Ơ Yàng Jehôwa, lơgar gơrê bal mơ Kơnràñ; Kơnràñ geh yò tơngguh gơs bơtau at bồ hơđang rlau jơh;