Sơnròp Gơlik Gơs 14:14 - Sră Goh 2018

¹⁴ Dơ̆ Abram git kòn cau oh khai dê neh cau kơlìn kup, gen khai lam lòt pe rhiang jơt phàm nă cau khin cha ngan, neh deh tòm hìu khai, mơ ting jat ală bơtau hơ̆, tus hơ ƀòn Dan.

Sơnròp Gơlik Gơs 14:14 ပူးပေါင်းရင်းမြစ်များ

Sơnròp Gơlik Gơs 12:16

Tài bơh khai gen Pharaôn wă rò niam Abram mơ Abram dòp geh belàt, kơnrồ, alàng dam, alàng me, làkđa, dĭ klau mơ dĭ ùr.

Sơnròp Gơlik Gơs 12:5

Abram lam Sarai, bau khai, Lot, kòn cau oh khai mơ jơh ală phan mơna khai neh pơjum, mơ ală dĭ gơna khai neh geh tòm Caran, lik bơh hơ̆ nàng lòt tus hơ lơgar Kanaan.

Sơnròp Gơlik Gơs 13:8

Abram đơs mơ Lot lah: “Dan bañ gơs bơta pơndang tòmpìt digùl añ mơ mê mơ digùl cau ê añ mơ cau ê mê, bơh bol he la poac mhàm bal,

Sơnròp Gơlik Gơs 14:12

Bol khai kung kup Lot, kòn cau oh Abram, tòm Sôdôm mơ jơh ală phan mơna khai dê mơ cèng lòt.

Sơnròp Gơlik Gơs 14:16

Khai cèng wơl tơl jơh ală phan, mơ kung lam kòn cau oh khai la Lot mơ jơh ală phan khai dê, ală cau ùr mơ làng bol rê wơl.

Sơnròp Gơlik Gơs 15:3

Abram đơs tai lah: “Do, Yàng lơh añ in tồc lồi, dô nă cau dĭ añ, deh tòm hìu añ, rơp la cau pơrdòn añ jê.”

Sơnròp Gơlik Gơs 17:12

Tòm ală rài, kòp nă cau klau tòm ală bol mê bulah deh tòm hìu hala ai jền blơi bơh cau bơdìh, ò di bal mơ jơi bơtiàn mê dê, tòm tŭ neh tơl phàm ngai rau, gen pal siat gơltau.

Sơnròp Gơlik Gơs 17:23

Abraham ai Ismael, kòn klau khai dê, mơ jơh ală cau klau tòm hìu, deh tòm hìu hala blơi mơ jền, mơ tòm ngai hơ̆ khai siat gơltau bol khai in jat be jơnau Yàng Tom Trồ neh sồr.

Sơnròp Gơlik Gơs 17:27

Mơ tơl nă cau klau tòm hìu, bulah deh tòm hìu hala blơi mơ jền bơh cau bơdìh, siat gơltau bal mơ khai.

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 23:6

“Ơ ồng, dan iat bol hi, digùl bol hi ồng la dô nă kòn bơtau màng ryŭ, tơp cau chơt ồng dê tòm tiah bơtô lơi niam rlau bol hi dê. Tòm mpồl bol hi ò gơs cau lơi pơlai tiah bơtô khai dê nàng tơp cau chơt ồng dê.”

I Ală Bơtau 15:20

Benhadat iat jơnau bơtau Asa; gen sồr ală kwang ling khai brồ lơh ală ƀòn dờng Israel dê, tòmpìt ai Ijôn, Dan, Abel Bet Maaka, mơ jơh lơgar Kinnerot bal mơ lơgar Neptali.

Đơs Crih 68:12

Bol khai yal lah: “Ală cau bơtau at bồ ală mpồl ling ntoat dô, bol khai ntoat dô!” Ai ală cau ùr ơm tòm hìu tòmpà phan neh tòmpìt geh.

Jơnau Pơnđik 17:17

Gơp bơyô đềt mềr bal sùm sùm; Mơ oh mi geh tơnggơs nàng dong kòl tòm tŭ tìp bơta rung rài bòl glar.

Cau Bơto 2:7

Añ blơi ală dĭ klau dĭ ùr; mơ kung gơs oă cau duh broă neh deh tòm hìu añ. Añ gơs mpồl kơnrồ mơ belàt oă rlau mơ jơh ală cau lài mơ añ tòm Jerusalem.

Jeremi 41:12

bol khai pơjum wơl jơh ală cau bol khai dê mơ sơntòm lòt tòmlơh mơ Ismael kòn klau Nethania, bol khai ting bàn rềp di tơnau dờng Gabaôn dê.

Yal Wơl 34:1

Lồc behơ̆ Môise guh hơđang mơnơm Nebô bơh di ƀlàng ring Môap tus hơđang bồ Phisga, đah ne Jerikô. Tềng hơ̆ Yàng Jehôwa sơnio khai in sền gŏ jơh dô nơm lơgar, bơh di Galaat tus hơ Dan,

I Jang 2:18

Ơ ală kòn, do la tŭ lồi dut rau, ală bol mê neh kơno đơs lah cau sòdră di Bơtau Krist pal tus, mơ tòm tŭ do gơs oă cau sòdră di Bơtau Krist neh tus rau; bơh hơ̆ bol he git lah do la tŭ lồi dut.

Ală Kwang Cahrña 18:29

Bol khai tơmoh sơnđan ƀòn hơ̆ la Dan jat sơnđan ồng pàng bol khai dê la kòn Israel dê; bulah bơh lài ƀòn hơ̆ sơnđan la Lais.

Ală Kwang Cahrña 20:1

Gen jơh làng bol Israel lik lòt bơh Dan tus hơ Beerseba, bal mơ ù tiah Galaat, mpồl làng bol pơjum bal be dô nă di đap Yàng Jehôwa tòm Mispa.

I Samuel 30:19

Ò gơs phan lơi roh, cau dềt hala cau dờng, kòn klau hala kòn ùr, phan pìt kup hala phan lơi bol hơ̆ neh ai; Dabit cèng brê wơl jơh ală phan.