Sơnròp Gơlik Gơs 13:16 - Sră Goh 2018

¹⁶ Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 13:16 ပူးပေါင်းရင်းမြစ်များ

Sơnròp Gơlik Gơs 15:5

Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.”

Sơnròp Gơlik Gơs 16:10

Cau gơnrơh Yàng Jehôwa dê đơs tai lah: “Añ rơp bơtơl oă jơi bơtiàn ai in; bol khai rơp gơlik gơs oă tian gơs cau ò jai kòp.”

Sơnròp Gơlik Gơs 17:16

Añ rơp ai lơngai khai in, mơ bơh di khai Añ rơp ai mê in dô nă kòn klau. Añ rơp ai lơngai khai in, mơ bơh khai rơp gơlik gơs oă làng bol; ală cau bơtau ală làng bol dê rơp bơh khai mơ gơlik gơs.”

Sơnròp Gơlik Gơs 17:2

Añ rơp lơh bơta ho bal digùl Añ mơ mê, mơ rơp lơh jơi bơtiàn mê in gơs rơ̆sơmpài ràipơjềng ò git lơh.”

Sơnròp Gơlik Gơs 17:20

Añ kung dòp jơnau mê hòi dan Ismael in. Añ ai lơngai khai in, rơp lơh khai in tơnggơs rơ̆sơmpài ràipơjềng. Khai rơp tơnggơs jơt bàr nă kòn bơtau, mơ Añ rơp lơh khai in gơlik gơs dô nơm lơgar dờng.

Sơnròp Gơlik Gơs 17:6

Añ rơp lơh mê in tơnggơs oă ngan, lơh mê in gơlik gơs oă lơgar, mơ ală bơtau rơp bơh mê mơ gơs.

Sơnròp Gơlik Gơs 18:18

Abraham rơp gơlik gơs ngan dô nơm lơgar dờng mơ pràn kơldang, ală làng bol tòm dunnia rơp kơnòm di khai mơ geh lơngai.

Sơnròp Gơlik Gơs 21:13

Añ kung rơp lơh kòn klau dĭ ùr mê in gơlik gơs dô nơm làng bol, bơh khai kung bơh mê mơ lik.”

Sơnròp Gơlik Gơs 22:17

Añ rơp ai lơngai lơngò mê in, bơtơl jơi bơtiàn mê gơlik gơs oă be sơmañ hơđang trồ, mơ gal be bràs di gah dàlềng, jơi bơtiàn mê rơp pìt geh ală mpồng ală cau sò tơm bol khai dê.

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 28:3

Dan Yàng Tom Trồ Gơnap Gơnoar Làm Jơh ai lơngai mê in, lơh mê in tơnggơs bơtơl oă mơ gơlik gơs dô mpồl làng bol dờng.

Sơnròp Gơlik Gơs 32:12

Mơya Kơnràñ neh đơs lah: ‘Ngan behơ̆, Añ rơp ai bơta lơngai mê in, mơ lơh jơi bơtiàn mê in oă be bràs dàlềng, cau ò jai kòp tài bơh oă ir.’”

Sơnròp Gơlik Gơs 32:13

Khai bic mang tềng hơ̆, mơ ai ală phan khai dê nàng lơh phan ơn tồ ai Esau bi khai in:

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 46:3

Yàng Tom Trồ đơs lah: “Añ la Yàng Tom Trồ bèp mê dê. Mù tĕ hơ Ejiptơ, bañ rngòt bơh tềng hơ̆ Añ rơp lơh mê in gơlik gơs dô nơm làng bol dờng.

I Ală Bơtau 3:8

Cau duh broă Yàng dê ơm digùl làng bol mơ Yàng neh sac rwah, la dô nơm làng bol gal ngan ò jai kòp.

I Ală Bơtau 4:20

Làng bol Juda mơ Israel la gal ngan kung be bràs di gah dàlềng, bol khai ñô sa mơ ơm lơngai.

II Ală Bơtau 13:23

Mơya Yàng Jehôwa kòñ nđàc di bol khai, mơ ai nùs nđàc sơngit di bol khai, tài bơh jơnau ho bal Kơnràñ dê neh bơtào mơ Abraham, Isak, mơ Jakôp. Kơnràñ ò tơnroh bol khai, ò tă sang bol khai bơh di đap Kơnràñ jơl tus di ngai do.

I Yal Yau 21:5

Jôap yal wơl ntum khà làng bol Dabit in: Tòm jơh Israel gơs dô tơlak sa mơ dô rhiang rbô nă cau rgơi at đào, mơ tòm Juda gơs poan rhiang poh jơt rbô nă cau at đào.

I Yal Yau 27:23

Dabit ò cih khà ală cau klau gơs bàr jơt sơnam hala dềt rlau, tài bơh Yàng Jehôwa neh ho lơh ntum khà cau Israel gơlik gơs gal ngan kung be ală sơmañ hơđang trồ.

II Yal Yau 1:9

Ơ Jehôwa Yàng Tom Trồ, lòi tĕ jơnau Kơnràñ neh ho mơ Dabit bèp añ, tŭ do gơlik wil tơl, bơh Kơnràñ neh lơh añ in gơlik gơs bơtau at bồ hơđang dô nơm làng bol gal ngan be thul tòm ù.

Sră Jop 5:25

Ồng rơp git lah kòn sau ồng dê rơp tơnggơs gal ngan, Mơ jơi bơtiàn ồng dê gơlik gơs oă ngan be ñhơt tòm ù.

Lik Ejiptơ 1:7

mơya Israel tơnggơs mơ gơbơtơl oă, ntum khà gơlik pràn dờng ngan, mơ ơm bềng lìu tòm làm lơgar.

Lik Ejiptơ 32:13

Dan Yàng kah wơl bơh Abraham, Isak, mơ Israel, la ală cau duh broă Kơnràñ dê, mơ Kơnràñ neh ai să tòm Kơnràñ mơ srat să ho nền mơ bol khai lah: ‘Añ rơp ai jơi bơtiàn bol mê in gơbơtơl oă kung be sơmañ hơđang trồ, mơ Añ rơp ai jơi bơtiàn bol mê in jơh lơgar mơ Añ neh ho mơ bol khai, mơ bol khai rơp geh lơgar hơ̆ lơh gơs sre brê jơl sùm sùm.’”

Jeremi 33:22

Cau ò rgơi kòp ală sơmañ hơđang trồ mơ was bràs tòm dàlềng: Añ kung rơp ai bơtơl Dabit, dĭ gơna Añ, mơ ai cau Lebi duh broă Añ, geh jơi bơtiàn gal ngan kung behơ̆.’”

Khà Làng Bol 23:10

Ñcau rgơi kòp thul ơmul Jakôp dê, mơ kòp khà dô pơnah poan Israel dê taih? Lòi tĕ añ in chơt kung be cau song ring chơt, mơ dan bơta lồi dut añ jê gơlơh ndròm bal kung be bol khai dê!”

Yal Wơl 1:10

Jehôwa Yàng Tom Trồ bol mê dê neh lơh ntum khà làng bol bol mê dê gơbơtơl oă tian gơs ngai do bol mê neh gơlik oă kung be ală sơmañ hơđang trồ.

Hebrơ 11:12

Tài bơh hơ̆, kung bơh dô nă cau sền be neh chơt, mơya tơnggơs gal ngan be ală sơmañ hơ trồ, be bràs di gah dàlềng cau ò rgơi kòp.

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,

Ală Kwang Cahrña 6:3

Tŭ lơi làng bol Israel neh sih kòi, gen làng bol Midian mơ làng bol Amalek, bal mơ ală làng bol đah mattơngai lik guh tòmlơh mơ Israel.

Ală Kwang Cahrña 6:5

Bơh bol khai guh cèng bal phan poan jơng mơ sàl bol khai dê, tus oă kung be srah nting; bol khai mơ làkđa bol khai dê oă ngan ò jai kòp; bol khai tòmpìt lơgar mơ tơnroh.