Sơnròp Gơlik Gơs 12:3 - Sră Goh 2018

³ Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Sơnròp Gơlik Gơs 12:3 ပူးပေါင်းရင်းမြစ်များ

Sơnròp Gơlik Gơs 18:18

Abraham rơp gơlik gơs ngan dô nơm lơgar dờng mơ pràn kơldang, ală làng bol tòm dunnia rơp kơnòm di khai mơ geh lơngai.

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Sơnròp Gơlik Gơs 24:35

Yàng Jehôwa neh ai lơngai cau tòm añ in oă ngan, khai gơs pas sơm, Kơnràñ ai cau tòm añ in belàt, kơnrồ, priă, màh, dĭ ùr, dĭ klau, làkđa mơ alàng.

Sơnròp Gơlik Gơs 25:11

Tơnơ̆ mơ tŭ Abraham chơt, Yàng Jehôwa ai lơngai Isak kòn klau khai in. Isak ơm rềp mơ tơrlung Lacairoi.

Sơnròp Gơlik Gơs 26:29

Ho bal tĕ lah mê ò tŭ lơi lơh iơh di bol hi, be bol hi neh ò ƀư di mê, mìng sồr niam mê mơ lòi mê lòt lơngap lơngai. Tŭ do mê geh Yàng Jehôwa ai lơngai mê in.”

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 27:29

Ală làng bol rơp dòn duh mê, ală lơgar pal cùn gơltang di đap mê. At bồ tĕ ală oh mi mê dê, Ală kòn klau mè mê pal cùn gơltang di đap mê. Cau lơi srat rma mê rơp kong srat rma wơl, Cau lơi ai lơngai mê in rơp geh lơngai wơl.”

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 30:27

Laban đơs lah: “Dan añ in geh bơta nđàc di đap mê. Añ gŏ loh làng Yàng Jehôwa bơh mê mơ neh ai lơngai añ in.”

Sơnròp Gơlik Gơs 30:30

Lài mơ tŭ añ òhềt tus, ală phan poan jơng kồñ dê gơs dô êt lơm, mơya bơh di tŭ añ tus mơ ơm gen gơbơtơl oă ngan. Yàng Jehôwa neh ai lơngai kồñ in tòm ală cơnđòa lòt añ jê. Tŭ lơi añ rơp rcang lơh broă hìu añ jê taih?”

Sơnròp Gơlik Gơs 39:5

Behơ̆, di tŭ khai ai Jôsep in at bồ hìu mơ jơh ală phan khai dê rau, gen Yàng Jehôwa ai lơngai lơngò hìu nhă khai in tài bơh Jôsep; bơta lơngai lơngò Yàng Jehôwa ơm hơđang jơh ală phan khai dê, bulah tòm hìu hala tòm ƀlàng.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Lik Ejiptơ 23:22

Dilah mê iat nền nền di jơnau lơi khai đơs, mơ lơh jat jơh ală jơnau Añ đơs, Añ rơp la cau sò tơm di cau sò tơm mê dê, mơ rơp tòmdră mơ cau tòmdră di mê.

Khà Làng Bol 24:9

Bol khai rlô să mơ bic kung be dô nơm klìu triă, kung be dô nơm klìu triă me, ñcau khin pơrlai gơ taih? Lơngai ală cau lơi in ai lơngai bol mê in, mơ ală cau srat sơntơm bol mê gen rơp kong srat sơntơm!”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

Galati 3:16

Bơh ală jơnau ho pơgon neh đơs mơ Abraham bal mơ jơi bơtiàn khai dê, gen ò đơs lah: “Ai ală jơi bơtiàn in,” be sơnio bơh oă cau; mơya mìng đơs: “Ai jơi bơtiàn mê in,” be sơnio bơh dô nă cau lơm, hơ̆ la Bơtau Krist.

Galati 3:28

Ò tai gơs cau Juda hala cau Grek; ò tai gơs cau dĭ hala cau geh khat gơboh; ò tai gơs cau klau hala cau ùr; bơh tòm Yàng Krist Jesu jơh ală oh mi gơlik gơs dô bă bal lơm.

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

Ephesô 1:3

Jòng ro Yàng Tom Trồ la Bèp Yàng Jesu Krist bol he dê. Kơnràñ neh ai lơngai bol he in tòm Bơtau Krist, tơl ală bơta lơngai đah hwềng bơh đang trồ.

Kôlôse 3:11

Tềng do ò tai gơs cau Grek, cau Juda, cau siat gơltau hala cau ò siat gơltau, cau ò git jơnau, cau Sithe, cau dĭ gơna hala cau khat gơboh, mơya Bơtau Krist la jơh ală bơta mơ tòm jơh ală bơta.

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,