Sơnròp Gơlik Gơs 12:2 - Sră Goh 2018

² Añ rơp lơh mê in gơlik gơs dô làng bol dờng, Añ rơp ai lơngai mê in mơ lơh tiơng pơnro sơnđan mê, mơ mê rơp gơlik gơs dô nơm cat lơngai.

Sơnròp Gơlik Gơs 12:2 ပူးပေါင်းရင်းမြစ်များ

Sơnròp Gơlik Gơs 13:16

Añ rơp lơh jơi bơtiàn mê dê be kơmbuh hơđang ù, behơ̆ dilah cau lơi rgơi kòp kơmbuh hơđang ù, gen sồng rgơi kòp jơi bơtiàn mê dê.

Sơnròp Gơlik Gơs 15:5

Gen Kơnràñ lam khai lik dê bơdìh mơ đơs lah: “Mê tơnggòr sền tĕ hơđang trồ, mơ dilah mê rgơi kòp jơh ală sơmañ gen kòp tĕ.” Kơnràñ đơs tai lah: “Jơi bơtiàn mê kung rơp behơ̆ sơl.”

Sơnròp Gơlik Gơs 17:20

Añ kung dòp jơnau mê hòi dan Ismael in. Añ ai lơngai khai in, rơp lơh khai in tơnggơs rơ̆sơmpài ràipơjềng. Khai rơp tơnggơs jơt bàr nă kòn bơtau, mơ Añ rơp lơh khai in gơlik gơs dô nơm lơgar dờng.

Sơnròp Gơlik Gơs 18:18

Abraham rơp gơlik gơs ngan dô nơm lơgar dờng mơ pràn kơldang, ală làng bol tòm dunnia rơp kơnòm di khai mơ geh lơngai.

Sơnròp Gơlik Gơs 18:19

Añ neh sac rwah khai nàng khai bơto sồr ală kòn mơ hìu nhă khai dê jat gùng Yàng Jehôwa dê, lơh ală bơta song ngan mơ song ring, gen behơ̆, Yàng Jehôwa rơp lơh gơlik di ngan be ală jơnau Kơnràñ neh ho mơ Abraham.”

Sơnròp Gơlik Gơs 19:29

Tòm tŭ Yàng Tom Trồ tơnroh ală ƀòn tòm ƀlàng, hơ̆ la ală ƀòn Lot ơm, gen Kơnràñ kah Abraham mơ dong Lot lik klàs bơh tiah rung rài hơ̆.

Sơnròp Gơlik Gơs 24:1

Abraham neh kra, sơnam neh jòng, mơ tòm jơh ală bơta Yàng Jehôwa neh ai lơngai lơngò khai in.

Sơnròp Gơlik Gơs 24:35

Yàng Jehôwa neh ai lơngai cau tòm añ in oă ngan, khai gơs pas sơm, Kơnràñ ai cau tòm añ in belàt, kơnrồ, priă, màh, dĭ ùr, dĭ klau, làkđa mơ alàng.

Sơnròp Gơlik Gơs 25:11

Tơnơ̆ mơ tŭ Abraham chơt, Yàng Jehôwa ai lơngai Isak kòn klau khai in. Isak ơm rềp mơ tơrlung Lacairoi.

Sơnròp Gơlik Gơs 26:3

Ơm ing tòm lơgar do, Añ rơp ơm mơ mê, ai lơngai mê in, mơ Añ rơp ai mê mơ jơi bơtiàn mê in jơh ală lơgar do, mơ rơp gơlik tòm toh be jơnau Añ neh ho bal mơ Abraham bèp mê.

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 27:29

Ală làng bol rơp dòn duh mê, ală lơgar pal cùn gơltang di đap mê. At bồ tĕ ală oh mi mê dê, Ală kòn klau mè mê pal cùn gơltang di đap mê. Cau lơi srat rma mê rơp kong srat rma wơl, Cau lơi ai lơngai mê in rơp geh lơngai wơl.”

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 35:11

Yàng Tom Trồ đơs lah: “Añ la Yàng Tom Trồ Gơnap Gơnoar Làm Jơh, tơnggơs tĕ mơ bơtơl oă, dô nơm làng bol tai rơp bơh mê mơ gơlik gơs, mơ oă cau bơtau rơp bơh să mê mơ lik.

Sơnròp Gơlik Gơs 46:3

Yàng Tom Trồ đơs lah: “Añ la Yàng Tom Trồ bèp mê dê. Mù tĕ hơ Ejiptơ, bañ rngòt bơh tềng hơ̆ Añ rơp lơh mê in gơlik gơs dô nơm làng bol dờng.

II Samuel 7:9

Añ neh ơm bal mơ mê tiah lơi mê lòt, mơ neh tơnroh jơh ală cau sò tơm mê dê bơh di đap mê. Tŭ do Añ rơp lơh sơnđan mê gơlik dờng màng kung be ală sơnđan ală cau dờng màng rlau jơh tòm plai ù.

I Ală Bơtau 1:47

Rlau mơ hơ̆, ală cau duh broă bơtau dê kung neh tus hòn chò bal mơ cau tòm bol he dê la bơtau Dabit mơ đơs lah: “Dan Yàng Tom Trồ bơtau dê lơh sơnđan Salômôn in geh tiơng pơnro rlau mơ sơnđan bơtau dê, mơ lơh sơbàn khai dê jòng màng rlau mơ sơbàn bơtau dê.” Mơ cau bơtau kun bồ duh khoai hơđang cơnòng khai dê,

Sră Jop 35:8

Bơta iơh bơsak ồng dê mìng lơh iơh di cau ndai be să tòm ồng, Mơ bơta song ring ồng dê, gơs kwơ kòn sau kòn mơnus in.

Đơs Crih 107:38

Kơnràñ ai lơngai bol khai in tian gơs bol khai tơnggơs oă tai; Kơnràñ ò lòi phan poan jơng bol khai dê kòl roh gơhuc.

Lik Ejiptơ 1:7

mơya Israel tơnggơs mơ gơbơtơl oă, ntum khà gơlik pràn dờng ngan, mơ ơm bềng lìu tòm làm lơgar.

Lik Ejiptơ 32:10

Tŭ do lòi tĕ Añ in lơh is, tồ bơta gơjrañ dờng Añ jê gơhào khuh gơwèt mơ bol khai, nàng Añ tơnroh jơh bol khai. Gen Añ rơp lơh mê in gơlik gơs dô nơm làng bol dờng.”

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Ejekiel 34:26

Añ rơp ai lơngai bol gơ in bal mơ tiah gùt dar dòr añ jê. Añ rơp đùh mìu di di kơnhai gơ dê, hơ̆ rơp la mìu lơngai lơngò.

Mice 7:20

Kơnràñ rơp yal tơlik bơta dòn song mơ Jakôp, mơ yal tơlik bơta song ngan mơ Abraham, jat be Kơnràñ neh ho pơgon mơ ồng pàng bol he dê, bơh tòm ală ngai yau òr.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Khà Làng Bol 14:12

Añ rơp tơnchơt bol khai bơh pluh plàng mơ tơnroh bol khai, mơya Añ rơp lơh mê in gơlik gơs dô nơm làng bol dờng rlau mơ pràn rlau mơ bol khai.”

Khà Làng Bol 22:12

Mơya Yàng Tom Trồ đơs mơ Balaam: “Bañ lòt mơ bol khai. Mê ò di srat sơntơm làng bol do tài bơh bol khai neh geh ai lơngai.”

Khà Làng Bol 23:20

Añ neh dòp dô jơnau gơnoar sồr nàng ai lơngai; Kơnràñ neh ai lơngai, mơ añ ò rgơi tòmgơl bơta hơ̆.

Rôma 4:11

Abraham neh dòp geh tềl siat gơltau, be tềl tap ƀang kì bơta song ring dê mơ ồng neh dòp geh bơh bơta dòn tòm tŭ òhềt kong siat gơltau; tồ lơh gơs bèp jơh ală cau dòn ò kong siat gơltau in, nàng bol khai in kung geh kòp la song ring,

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:7

Behơ̆ oh mi pal dòp git tĕ lah, ală cau gơs bơta dòn hơ̆ la kòn sau ngan Abraham dê.

Yal Wơl 26:5

Lồc behơ̆, bol mê rơp yal tơlik di đap Jehôwa Yàng Tom Trồ bol mê dê lah: “Ồng pàng bol hi dê la dô nă cau Aram lòt bơh tiah do tus tiah ne, mơ khai neh mù hơ Ejiptơ bal mơ dô êt nă cau ơm tềng hơ̆ mơ neh gơlik gơs dô nơm làng bol dờng, gơs gơnoar pràn mơ gơs oă cau.