Sơnròp Gơlik Gơs 12:1 - Sră Goh 2018

¹ Yàng Jehôwa đơs mơ Abram lah: “Mê lik tĕ bơh lơgar mê dê, jơi bơtiàn mê, mơ hìu bèp mê mơ lòt tus hơ lơgar Añ rơp sơnio mê in.

Sơnròp Gơlik Gơs 12:1 ပူးပေါင်းရင်းမြစ်များ

Sơnròp Gơlik Gơs 15:7

Yàng Jehôwa đơs mơ Abram lah: “Añ la Yàng Jehôwa neh lam mê lik bơh dê Ur, lơgar Kalde dê nàng ai mê in lơgar do tồ lơh gơs sre brê.”

Sơnròp Gơlik Gơs 20:13

Tŭ Yàng Tom Trồ lơh añ in nrah nring ngài bơh hìu bèp añ, gen añ neh đơs mơ khai lah: ‘Do la bơta nđàc ai rơp lơh añ in: Tiah lơi bol he rơp tus, đơs tĕ bơh añ: Hơ̆ la bi klau añ.’”

Sơnròp Gơlik Gơs 24:38

Mơya rê tĕ hơ hìu bèp añ, tòm hìu nhă añ mơ tòmbau kòn klau añ in mơ dô nă cau ơruh tềng hơ̆.’

Sơnròp Gơlik Gơs 24:4

mơya pal rê hơ lơgar añ, tòm hìu nhă añ mơ jòi bau Isak kòn klau añ in.”

Sơnròp Gơlik Gơs 24:7

Jehôwa la Yàng Tom Trồ hơđang trồ, la Bơtau neh lam añ lik bơh di hìu nhă añ mơ bơh lơgar añ, neh đơs mơ ho lah: ‘Añ rơp ai jơi bơtiàn mê in lơgar do!’ Să tòm Kơnràñ rơp sồr cau gơnrơh lòt lài mơ mê, mơ tềng hơ̆ mê jòi tĕ bau kòn klau añ in.

Sơnròp Gơlik Gơs 26:2

Yàng Jehôwa tơlik mat mơ khai mơ đơs lah: “Bañ lòt hơ lơgar Ejiptơ, ơm tĕ tòm lơgar Añ rơp sơnio mê in.

Nehemi 9:7

Kơnràñ la Jehôwa Yàng Tom Trồ neh sac rwah Abram mơ lam khai lik bơh ƀòn Ur tòm lơgar Kalde, tơmoh sơnđan khai la Abraham.

Esai 37:12

Ală yàng ală lơgar dê mơ ồng pàng añ jê neh tơnroh, la ală yàng Gôjan, Caran, Rejep dê, bal mơ làng bol Eden ơm tòm Tellassar, rgơi dong tă bol khai sơl?

Esai 41:9

La cau Añ neh tă bơh di ală tiah lồi dut plai ù, Añ neh hòi sac mê bơh di ală tiah ngài rlau jơh mơ mum plai ù dê, mơ đơs mơ mê lah: “Mê la cau duh broă Añ jê; Añ neh sac rwah mê, mơ neh ò sang lòi mê.”

Esai 51:2

Sền tĕ di Abraham ồng pàng bol mê dê, mơ Sara la cau neh tơnggơs bol mê. Tòm tŭ Añ neh hòi khai gen khai gơs mìng dô nă lơm, Añ neh ai lơngai khai in mơ lơh khai in gơlik gơs oă.

Ejekiel 33:24

“Ơ kòn mơnus, ală cau ơm tòm tiah srau gòi tòm lơgar Israel dê gam đơs lah: ‘Abraham gơs mìng dô nă lơm mơya khai neh dòp geh lơgar lơh gơs sre brê. Mơya bol he gơs oă cau, gen di ngan la lơgar neh geh ai bol he in lơh gơs sre brê.’

Khà Làng Bol 10:30

Khai ho wơl lah: “Ò, añ rơp ò lòt; añ rơp rê wơl hơ lơgar tòm mơ làng bol tòm añ jê.”

II Kôrintô 6:17

Gen tàng Yàng đơs lah: “Ală bol mê lik tĕ bơh digùl bol khai, Cah is tĕ mơ bol khai, Bañ ƀư di phan lơi ngkòr ngkàc, Gen Añ rơp wă rò ală bol mê;

Hebrơ 11:8

Bơh bơta dòn Abraham, tòm tŭ geh hòi sac, khai dòn bơr mơ lik lòt tus hơ tiah khai rơp dòp lơh gơs sre brê; khai lik lòt mơ ò git ntềng đah khai lòt.

Yal Tơlik 18:4

Añ kơno dô jơnau ndai bơh đang trồ đơs lah: “Ơ làng bol añ jê, lik tĕ bơh di khai, tồ bol mê ò gơs pơnah bal tòm ală tồi glài khai dê mơ ò kòl tòm bơta rung rài khai dê;