Sơnròp Gơlik Gơs 1:9 - Sră Goh 2018

⁹ Yàng Tom Trồ đơs lah: “Ală dà tòm tiah hơđơm pah gòi pơjum tĕ dô bă, mơ gơlik tĕ ù rañ rsơh,” gen gơs behơ̆.

Sơnròp Gơlik Gơs 1:9 ပူးပေါင်းရင်းမြစ်များ

Sơnròp Gơlik Gơs 1:8

Yàng Tom Trồ sơnđan pah gòi la trồ. Behơ̆ gơs mho mơ drim: hơ̆ la ngai bàr.

Nehemi 9:6

Ơ Yàng, mìng dô nă Kơnràñ la Jehôwa. Kơnràñ neh crơng gơs tap trồ, ală tap trồ jơnhoa rlau jơh, bal mơ ală sơmañ, ù mơ ală phan hơđang gơ, dàlềng mơ jơh ală phan tòm gơ. Kơnràñ prap gàr jơh ală phan. Jơh ală mpồl ling hơđang trồ duh khoai Kơnràñ.

Sră Jop 26:10

Kơnràñ treh gùng jơng trồ hơđang nha dà, Lơh gơs nhàr digùl bơta àng mơ bơta jơngo.

Sră Jop 26:7

Kơnràñ dă ală tap trồ đah đang tòm pah gòi: Kơnràñ yồng plai ù hơđang ò gơs phan lơi.

Đơs Crih 104:3

Yàng bơt mơnàng ală ơdŭ Kơnràñ dê hơđang ală dà, Kơnràñ ngui mhwal lơh gơs rơndeh Kơnràñ in, Mơ hào hơđang càl be pơnđar.

Đơs Crih 33:7

Kơnràñ pơjum ală dà tòm dàlềng kung be ơn tòm khàr; Kơnràñ prap ală dà jrô tòm tiah prap lòi.

Đơs Crih 95:5

Dàlềng gơrê bal mơ Kơnràñ, bơh Kơnràñ neh lơh gơs gơ; Tê Kơnràñ kung neh mòn ù rañ rsơh.

Cau Bơto 1:7

Ală hiòng hòr tus hơ dàlềng, mơya dàlềng ò bềng; tus hơ tiah dà hiòng hòr, gen gơpơnjat hòr tai.

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Jôna 1:9

Khai ho lah: “Añ la dô nă cau Hebrơ, mơ añ duh khoai Yàng Jehôwa la Yàng Tom Trồ hơđang trồ, la Bơtau neh lơh gơs dàlềng mơ ù tiah.”

II Pier 3:5

Bol khai lơh nền be ò git lah bơh yau òr nau ală tap trồ gơlik gơs bơh jơnau đơs Yàng Tom Trồ dê, mơ dô nơm plai ù bơh dà mơ lik mơ kơnòm di dà mơ gơs.

Yal Tơlik 10:6

sơnio Bơtau kis gam sùm sùm ò lồi, la Bơtau neh crơng gơs trồ mơ ală phan hơđang trồ, crơng gơs ù mơ ală phan tòm ù, crơng gơs dàlềng mơ ală phan tòm dàlềng. Mơ khai srat să lah ò gơs tŭ lơi gơn tai,