Sơnròp Gơlik Gơs 1:28 - Sră Goh 2018

²⁸ Yàng Tom Trồ ai lơngai lơngò bol khai in mơ đơs lah: “Tơnggơs tĕ bơtơl oă, lơh bềng lìu ù tiah, lơh ù in dòn duh, at bồ ală ka tòm dàlềng, ală sềm hơđang trồ, mơ ală phan kis wañ hơđang ù.”

Sơnròp Gơlik Gơs 1:28 ပူးပေါင်းရင်းမြစ်များ

Sơnròp Gơlik Gơs 1:22

Yàng Tom Trồ ai lơngai ală jơi hơ̆ in mơ đơs lah: “Tơnggơs tĕ bơtơl oă tai, lơh bềng lìu tòm ală dàlềng; mơ ală sềm tơnggơs tĕ oă hơđang ù.”

Sơnròp Gơlik Gơs 17:16

Añ rơp ai lơngai khai in, mơ bơh di khai Añ rơp ai mê in dô nă kòn klau. Añ rơp ai lơngai khai in, mơ bơh khai rơp gơlik gơs oă làng bol; ală cau bơtau ală làng bol dê rơp bơh khai mơ gơlik gơs.”

Sơnròp Gơlik Gơs 17:20

Añ kung dòp jơnau mê hòi dan Ismael in. Añ ai lơngai khai in, rơp lơh khai in tơnggơs rơ̆sơmpài ràipơjềng. Khai rơp tơnggơs jơt bàr nă kòn bơtau, mơ Añ rơp lơh khai in gơlik gơs dô nơm lơgar dờng.

Sơnròp Gơlik Gơs 24:60

Bol khai ai lơngai Rebeka in mơ đơs lah: “Ơ oh ùr hi dê, dan ai in gơlik gơs mè tơlak tơmàn cau dê, mơ ai jơi bơtiàn ai in pìt sơmbrơt mpồng ală cau sò tơm dê!”

Sơnròp Gơlik Gơs 26:24

Mang hơ̆ Yàng Jehôwa tơlik mat mơ khai, mơ đơs lah: “Añ la Yàng Tom Trồ Abraham bèp mê dê, bañ rngòt, bơh Añ ơm bal mơ mê, Añ rơp ai lơngai mê in mơ bơtơl jơi bơtiàn mê in, tài bơh Abraham cau dĭ gơna Añ jê.”

Sơnròp Gơlik Gơs 33:5

Gen Esau tơnggòr gŏ ală cau ùr mơ ală kòn, gen khai lùp lah: “Ală cau bal mơ mê hơ̆ la ñcau taih?” Khai ho lah: “Hơ̆ la ală kòn mơ Yàng Tom Trồ neh ai cau dĭ bi in.”

Sơnròp Gơlik Gơs 49:25

Yàng Tom Trồ bèp mê dê rơp dong mê; Bơtau Gơnap Gơnoar Làm Jơh rơp ai lơngai mê in; Hơ̆ la bơta lơngai bơh hơđang trồ mù, Mơ la bơta lơngai guh bơh cìr jrô hơđơm, Bơta lơngai ală toh mè dê, mơ hìu kòn dê.

Sơnròp Gơlik Gơs 5:2

Kơnràñ crơng gơs cau klau mơ cau ùr, ai lơngai lơngò bol khai in, mơ tòm tŭ neh crơng gơs gen sơnđan la kòn mơnus.

Sơnròp Gơlik Gơs 6:1

Tòm tŭ kòn mơnus neh bơtơl oă hơđang ù mơ kòn mơnus neh tơnggơs oă kòn ùr,

Sơnròp Gơlik Gơs 8:17

Lam lik tĕ bal mơ mê jơh ală phan kis neh ơm bal mơ mê: sềm, phan poan jơng tòm hìu, phan wìn nsròng hơđang ù, tồ bol gơ in ơm làm hơđang ù, mơ tơnggơs mơ bơtơl oă hơđang ù.”

Sơnròp Gơlik Gơs 9:1

Yàng Tom Trồ ai lơngai Nôe mơ ală kòn klau khai in mơ đơs lah: “Tơnggơs tĕ bơtơl oă, lơh bềng lìu hơđang ù.

Sơnròp Gơlik Gơs 9:7

Behơ̆, ală bol mê tơnggơs tĕ bơtơl oă mơ lơh bềng lìu hơđang ù.”

I Yal Yau 26:5

Ammiel kòn dơ̆ prau, Isakar kòn dơ̆ poh, mơ Peullethai kòn dơ̆ phàm; bơh Yàng Tom Trồ neh ai lơngai Ôbet Edôm in.

I Yal Yau 4:10

Jabes hòi dan mơ Yàng Tom Trồ Israel dê, mơ đơs lah: “Ơ Yàng, dan ai lơngai añ in, mơ pò ơnàng nhàr sre brê añ jê, dan tê Kơnràñ ơm bal mơ añ, mơ dan Kơnràñ sền gàr añ klàs bơh di bơta jê sồt lơh añ in bòl glar.” Mơ Yàng Tom Trồ ai khai in bơta khai hòi dan.

Sră Jop 39:11

Gơ lòt làm kơh mơnơm be ƀlàng ñhơt gơ dê, Gơ jòi sa jơh ală phan tơlir.

Sră Jop 42:12

Yàng Jehôwa ai lơngai khai in tòm ală ngai lồi dut rài kis Jop dê oă rlau mơ ală ngai sơnròp; mơ khai gơs jơt poan rbô belàt, prau rbô làkđa, dô rbô yô kơnrồ; mơ dô rbô alàng me.

Đơs Crih 107:38

Kơnràñ ai lơngai bol khai in tian gơs bol khai tơnggơs oă tai; Kơnràñ ò lòi phan poan jơng bol khai dê kòl roh gơhuc.

Đơs Crih 115:16

Ală tap trồ gơrê mơ Yàng Jehôwa, Mơya plai ù gen Kơnràñ neh ai kòn sau jơi kòn mơnus in.

Đơs Crih 69:34

Lòi trồ, tiah, dàlềng, Mơ ală phan kis tòm hơ̆ jòng ro Yàng.

Đơs Crih 8:6

Yàng ai khai in gơnoar at bồ ală phan tê Yàng neh lơh, Ơn jơh ală phan dòn duh hơđơm jơng khai dê.

Đơs Crih 8:7

Hơ̆ la jơh ală belàt, jơh ală kơnrồ, Jơl tus di ală phan brê sơl,

Esai 45:18

Bơh Yàng Jehôwa la Bơtau neh crơng gơs ală tap trồ, Kơnràñ la Yàng Tom Trồ; Kơnràñ neh mòn mơ lơh gơs plai ù, Kơnràñ neh bơt bơtào gơ: Kơnràñ ò di neh crơng gơs gơ la ngềt ngơt ò gơs cau ơm, mơya neh lơh gơs nàng làng bol in ơm, Kơnràñ đơs be do: “Añ la Yàng Jehôwa, ò gơs yàng lơi ndai tai ò!

Lebi 26:9

Añ rơp ai bơta nđàc wèt sền di bol mê mơ lơh bol mê in tơnggơs bơtơl oă, mơ Añ rơp prap gàr bơta ho bal Añ jê mơ bol mê.

I Timôthe 4:3

Bol khai bơkơŭ lap klau tòmbau ùr, mơ sồr wèr ală phan sa Yàng Tom Trồ neh crơng gơs, ai cau dòn mơ git jơnau song in ưnngài mơ dòp ngui.