Sơnròp Gơlik Gơs 1:27 - Sră Goh 2018

²⁷ Yàng Tom Trồ crơng gơs kòn mơnus be rùp Kơnràñ, Kơnràñ crơng gơs kòn mơnus be rùp Yàng Tom Trồ, Kơnràñ crơng gơs cau klau mơ cau ùr.

Sơnròp Gơlik Gơs 1:27 ပူးပေါင်းရင်းမြစ်များ

Sơnròp Gơlik Gơs 2:18

Jehôwa Yàng Tom Trồ đơs lah: “Cau klau ơm is dô nă ò niam, Añ rơp lơh gơs dô nă cau dong kòl ndròm bal be rùp să khai.”

Sơnròp Gơlik Gơs 2:7

Mơ Jehôwa Yàng Tom Trồ ai kơmbuh ù mòn gơs kòn mơnus, khồm nhơm bơta kis dê tòm trồm muh gen kòn mơnus gơlik gơs dô jơi gơs hwềng kis.

Sơnròp Gơlik Gơs 9:6

Dilah cau lơi lơh gơhòr mhàm kòn mơnus, gen rơp gơs cau ndai lơh gơhòr mhàm cau hơ̆ wơl, bơh Yàng Tom Trồ lơh gơs kòn mơnus be rùp Kơnràñ dê.

Đơs Crih 139:14

Añ jòng ro Yàng, bơh añ neh geh crơng gơs dô bă pal rngòt mơ crih crài ngan. Crih crài ngan ală broă lơh Kơnràñ dê, añ git loh ngan.

Cau Bơto 7:29

Sền tĕ, mìng dô bơta do añ jòi bàn: Yàng Tom Trồ neh crơng gơs cau song ngan; mơya bol khai neh bơtào oă kai gơrmơ̆i.

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Jeremi 29:6

jòi tĕ bau ùr, tơnggơs kòn klau mơ kòn ùr; jòi tĕ bau ùr kòn klau in, mơ lap klau kòn ùr in, tồ bol khai in tơnggơs kòn klau mơ kòn ùr. Khà bol mê pal bơtơl oă tềng hơ̆ bañ lòi gơhuc wơl.

Malaci 2:15

Ò di Yàng Tom Trồ neh lơh bol khai in gơlik gơs mìng dô nă lơm ò ơ? Tòm poac să mơ hwềng nùs bol khai gơrê bal mơ Kơnràñ. Mơ ñchi bơh tài lơh gơlik gơs mìng dô nă lơm taih? Hơ̆ la tài bơh Kơnràñ jòi dô jơi bơtiàn sàng goh. Behơ̆ kơrhia tĕ tòm hwềng nùs bol mê dê; bañ ơm ò dòn song mơ bau ùr mơ mê neh bau bơh tŭ mê gam pơnu.

Mathiơ 19:4

Kơnràñ ho lah: “Bol mê òhềt sền jơnau neh cih lah, bơh sơnròp Yàng Tom Trồ neh lơh gơs cau klau mơ cau ùr,

Jơnau Niam Jat Mak 10:6

Mơya bơh sơnròp crơng gơs trồ tiah, ‘Yàng Tom Trồ neh lơh gơs mìng dô nă cau klau mơ dô nă cau ùr lơm.’

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 4:24

mơ dòp soh cau pa, la cau neh geh crơng gơs jat be Yàng Tom Trồ tòm bơta song ring mơ bơta sàng goh jơnau song dê.

Yal Wơl 4:32

Tŭ do lùp tĕ bơh ală ngai yau òr, jŏ jòng lài mơ pah rài bol mê dê, bơh ngai Yàng Tom Trồ neh crơng gơs kòn mơnus hơđang plai ù; lùp tĕ bơh dê jơng ală tap trồ do tus hơ đah ne.

Kôlôse 1:15

Kơnràñ la rùp să Yàng Tom Trồ dê he ò rgơi gŏ, la Bơtau neh geh tơnggơs bồ dà lài mơ ală phan crơng gơs.

Kôlôse 1:26

hơ̆ la jơnau ndơp ndơr neh pồn ndơp bơh tòm ală rài mơ ală jơi bơtiàn, mơya tŭ do neh geh yal tơlik ală cau sàng goh Kơnràñ in.

Kôlôse 3:10

mơ neh soh cau pa, la cau geh tòmgơl pa jat rùp să Bơtau neh crơng gơs cau hơ̆, nàng geh tus hơ bơta dòp git Yàng Tom Trồ.

Ală Kwang Cahrña 21:22

Gen dilah bèp hala bi bol khai dê tus tòmlah mơ bol he, gen bol he rơp đơs mơ bol khai lah: ‘Dan ai nùs dờng ơnàng mơ ai gơnoar bol hi in nàng gơs bol khai, tài bơh tòm bơta kơlìn gơtoă, bol hi ò kup dô nă bau ùr kòp nă bol khai in, mơ oh mi kung ò gơkòl glài, bơh ai kòn ùr oh mi dê bol khai in.’”