Sơnròp Gơlik Gơs 1:2 - Sră Goh 2018

² Mơ ù ò gơs rùp, pah gòi lơm, bơta klam jơngo ơm hơđang mat cìr jrô; Hwềng Yàng Tom Trồ wañ hơđang nha dà.

Sơnròp Gơlik Gơs 1:2 ပူးပေါင်းရင်းမြစ်များ

Sră Jop 26:14

Ngan, hơ̆ mìng la đah bơdìh ală broă lơh Kơnràñ dê: bol he mìng kơno đơs chều dô êt bơh Kơnràñ lơm! Mơya ntơr gơnap gơnoar Kơnràñ dê ñcau rgơi git wă taih?”

Sră Jop 26:7

Kơnràñ dă ală tap trồ đah đang tòm pah gòi: Kơnràñ yồng plai ù hơđang ò gơs phan lơi.

Sră Jop 38:9

Tòm tŭ Añ lơh mhwal gơs ào jrùh gơ dê, mơ klơm gơ mơ bơta klam jơngo,

Đơs Crih 104:30

Tòm tŭ Yàng sồr Yàng Hwềng Kơnràñ dê lik lòt, gen bol gơ geh crơng gơs; Yàng lơh ù tiah in gơlik gơs pa.

Đơs Crih 104:6

Yàng ai dàlềng gòm plai ù be dô nơm ào, Ală dà ngŏ hơđang ală mơnơm.

Đơs Crih 136:6

Kơnràñ ơn ù tiah hơđang ală dà, Bơh bơta kòñ gơboh kơ̆ dơn Kơnràñ dê gam sùm sùm.

Đơs Crih 148:7

Ơ ală jơi phan tòm dàlềng mơ ală tiah jrô, Jòng ro tĕ Yàng Jehôwa bơh tòm ù!

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Jơnau Pơnđik 8:24

Tŭ òhềt gơs cìr jrô, òhềt gơs tồ dà hòr oă, Gen añ geh tơnggơs rau.

Esai 31:5

Kung be sềm par srà hơđang bồ, behơ̆ Yàng Jehôwa Gơnap Gơnoar Dờng rơp sền gàr Jerusalem, Kơnràñ rơp cang kìng mơ dong tă gơ, Kơnràñ rơp prap lòi gơ mơ rơp dong tă gơ.

Esai 45:18

Bơh Yàng Jehôwa la Bơtau neh crơng gơs ală tap trồ, Kơnràñ la Yàng Tom Trồ; Kơnràñ neh mòn mơ lơh gơs plai ù, Kơnràñ neh bơt bơtào gơ: Kơnràñ ò di neh crơng gơs gơ la ngềt ngơt ò gơs cau ơm, mơya neh lơh gơs nàng làng bol in ơm, Kơnràñ đơs be do: “Añ la Yàng Jehôwa, ò gơs yàng lơi ndai tai ò!

Jeremi 4:23

Añ sền di ù tiah, ne, gơ la roh lơm mơ brong gòi; mơ sền hơ ală tap trồ, gen ò gơs bơta àng.

Nahum 2:10

Gơ neh kong phà tơnroh, sang lòi ngềt ngơt, tơrlah tơrling! Ală plai nùs bòl glar mơ ală gơltang gơ ơrơm, jơh ală but wañ lơnggơh, jơh ală muh mat gơlik pàl.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Yal Wơl 32:11

kung be dô nơm sềm klàng bung phà tơrlah rsòn gơ dê, mơ par hơđang kòn dềt gơ dê, gơ pò đar gơ dê nàng đo bol gơ, mơ cèng bol gơ hơđang đar gơ dê.