Sơnròp Gơlik Gơs 1:16 - Sră Goh 2018

¹⁶ Yàng Tom Trồ lơh gơs bàr bơta àng dờng: bơta àng dờng rlau nàng at bồ trồ ngai mơ bơta àng dềt rlau nàng at bồ trồ mang. Kơnràñ lơh gơs ală sơmañ sơl.

Sơnròp Gơlik Gơs 1:16 ပူးပေါင်းရင်းမြစ်များ

Sơnròp Gơlik Gơs 1:15

mơ ngui nàng lơh gơs ală bơta àng tòm pah gòi hơđang trồ tồ pơnđàng tòm ù,” gen gơs behơ̆.

Sră Jop 31:26

Dilah añ neh sền di mattơngai tòm tŭ gơ pơnđàng sòl, Mơ mat kơnhai tòm bơta àng lơr gơ dê,

Sră Jop 38:7

Tòm tŭ ală sơmañ àng drim đơs chò bal, mơ ală kòn klau Yàng Tom Trồ dê driau dờng hòn chò?

Đơs Crih 148:3

Ơ mattơngai mơ kơnhai, jòng ro tĕ Kơnràñ! Ơ jơh ală sơmañ àng gơcrà, jòng ro tĕ!

Đơs Crih 148:5

Lòi bol khai jòng ro sơnđan Yàng Jehôwa dê, Bơh Kơnràñ tơlik gơnoar sồr, gen jơh ală bơta geh crơng gơs.

Đơs Crih 19:6

Mattơngai lik bơh jơng trồ do, Lòt tus hơ jơng trồ ne; Ò gơs phan lơi geh pleh klàs bơh di bơta duh trơàl mattơngai dê.

Đơs Crih 74:16

Ngai gơrê bal mơ Yàng, mang kung behơ̆ sơl; Kơnràñ neh bơtào gơs ală sơmañ, kơnhai mơ mattơngai.

Đơs Crih 8:3

Tŭ añ tơnggòr sền ală tap trồ la broă bơh ràs tê Kơnràñ lơh, Kơnhai mơ ală sơmañ mơ Yàng neh rơndap nền,

Esai 13:10

Ală sơmañ hơđang trồ bal mơ ală mpồl gơ dê rơp ò pơnđàng bơta àng gơ tai. Mattơngai pa lik rơp klam jơngo, mơ mat kơnhai rơp ò pơnđàng sòl.

Esai 24:23

Mat kơnhai rơp ƀàssìl, mattơngai rơp ƀàssìl; bơh Yàng Jehôwa Gơnap Gơnoar Dờng rơp at bồ hơđang mơnơm Siôn mơ hơđang Jerusalem, Kơnràñ rơp ràng tơlik bơta gơklŏ Kơnràñ dê di đap ală kwang kra Kơnràñ dê.

Esai 40:26

Pò tĕ mat tơnggòr sền hơđang ală tap trồ: ñcau neh crơng gơs ală phan hơ̆ taih? Hơ̆ la Bơtau neh lơh gơlik gơs ală sơmañ mơ ală khà bol gơ dê, mơ hòi bol gơ jat ală sơnđan is gơ dê; tài bơh bơta pràn Kơnràñ dê la dờng Tòm gơnap gơnoar pràn Kơnràñ dê. Ò lòi hŭi dô nơm lơi.

Esai 45:7

Añ lơh gơs bơta àng mơ mòn gơs bơta klam jơngo, Añ ai bơta lơngai lơngò mơ crơng gơs bơta rung rài; Añ, Yàng Jehôwa, lơh jơh ală bơta hơ̆.

Jeremi 31:35

Yàng Jehôwa, la Bơtau neh ai gơnoar sồr mattơngai lơh gơs bơta àng trồ ngai, Ai gơnoar sồr mat kơnhai mơ sơmañ lơh gơs bơta àng tòm trồ mang, Bơtau lơh lơnggac dàlềng, tian gơs ryà gơ nggồr ur ur, Yàng Jehôwa Gơnap Gơnoar la sơnđan Kơnràñ dê đơs lah:

Habakuk 3:11

Mattơngai mơ mat kơnhai ơm ntào mŏ mŏ tòm ală tap trồ bơh bơta àng lơr ală kam par Kơnràñ dê, bơh puhlèp bơta gơcrà tà Kơnràñ dê.

Mathiơ 24:29

“Tơnơ̆ mơ ală ngai rung rài, gen tŭ hơ̆ mo mattơngai gơlik klam jơngo, kơnhai ò àng tai, ală sơmañ bơh đang trồ dùh, mơ ală gơnoar trồ gơlơnggơr.

Mathiơ 27:45

Bơh jơt bàr jơ gùl ngai gơlik klam jơngo làm ù jơl tus di pe jơ mho

I Kôrintô 15:41

Mattơngai gơs bơta gơklŏ krơi is gơ dê, kơnhai gơs bơta gơklŏ krơi is gơ dê, sơmañ gơs bơta gơklŏ krơi is gơ dê; sơmañ do mơ sơmañ ne kung gơs bơta gơklŏ krơi is sơl.

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.