Sơnròp Gơlik Gơs 1:11 - Sră Goh 2018

¹¹ Yàng Tom Trồ đơs lah: “Ù hòn tĕ chi ñhơt gơs gar sơntìl mơ chi plai pơnjat be jơi gơ, mơ gơs gar tòm gơ hơđang ù,” gen gơs behơ̆.

Sơnròp Gơlik Gơs 1:11 ပူးပေါင်းရင်းမြစ်များ

Sơnròp Gơlik Gơs 1:12

Ù tơnggơs chi ñhơt gơs gar pơnjat be jơi gơ, chi tơnggơs plai gơs gar tòm gơpơnjat be jơi gơ. Yàng Tom Trồ gŏ bơta hơ̆ la niam.

Sơnròp Gơlik Gơs 1:29

Mơ Yàng Tom Trồ đơs lah: “Do, Añ ai bol mê in jơh ală ñhơt tơnggơs gar hòn làm ù, mơ ală chi gơs plai tơnggơs gar, hơ̆ rơp la phan sa bol mê in.

Sơnròp Gơlik Gơs 2:16

Mơ Jehôwa Yàng Tom Trồ sồr lah: “Mê sa di khat gơboh plai ală chi tòm suơn,

Sơnròp Gơlik Gơs 2:5

òhềt gơs dô nơm chi dềt lơi hòn tòm ƀlàng, mơ kung òhềt gơs dô nơm ngkòng ñhơt lơi hòn tòm sre, bơh Jehôwa Yàng Tom Trồ òhềt ai mìu dùh tòm ù, mơ kung ò gơs dô nă cau lơi lơòr ù.

Sơnròp Gơlik Gơs 2:9

Jehôwa Yàng Tom Trồ lơh ù in hòn ală chi hàng mơnĕ, gơlik plai sa bơkah, digùl suơn gơs chi bơta kis mơ chi git bơta niam mơ bơta iơh.

Sră Jop 28:5

Kung be bơh plai ù, gơlik piang lă bơh gơ, mơya tòm hơđơm ù gơsơlơ̆u bơh ồs.

Đơs Crih 1:3

Cau hơ̆ kung be chi tam di gah hiòng dà, Gơlik plai jat kơnhai sơnam, Nha gơ kung ò ro jrùh sơl. Ală bơta khai lơh rơp gơlik cồng nha.

Đơs Crih 147:8

Kơnràñ jơm ală tap trồ mơ mhwal, Rcang dà mìu ù in, Mơ lơh ñhơt in hòn hơđang dòr.

Esai 61:11

Bơh kung be ù lơh chi che hòn, mơ dô nơm suơn lơh gar sơntìl neh sih gơ in hòn dờng, gen kung behơ̆ sơl, Yàng Jehôwa At Bồ Hơđang Jơh rơp lơh bơta song ring mơ bơta jòng ro gơtơngguh di đap jơh ală làng bol.

Jeremi 17:8

Khai kung be chi tam di gah croh dà, Sro ryas jat gùng dà hòr; Gơ rơp ò rngòt tŭ bơta duh trơàl tus Mơ nha kư̆ tơlir niam sùm. Di sơnam prang jòng kung ò kơlôi rngòt, Kư̆ gơlik plai sùm ò dơh.

Mathiơ 3:10

Tŭ do sùng neh ơn rềp dê tòm chi rau; dilah chi lơi ò gơlik plai niam, gen kơl mơ sang tòm ồs.

Mathiơ 6:30

Behơ̆ dilah ñhơt tòm ƀlàng la jơi ngai do gam mơ ngai hìng sơrbì tòm bơnhă, mơ Yàng Tom Trồ tơnsoh gơ in behơ̆ sơl, tơ ài lah bol mê, ơ ală cau gơs dô êt bơta dòn ne!

Jơnau Niam Jat Mak 4:28

Bơh ù tơnggơs plai is gơ dê, sơnròp gơs tòm, gen gơs sơnyùr, gen gơs gar bềng tòm sơnyùr.

I Kôrintô 15:38

mơya Yàng Tom Trồ ai gơ in rùp să jat nùs Kơnràñ kòñ; kòp nơm gar sơntìl ai rùp să is gơ dê.

Hebrơ 6:7

Bơh ù tiah lơi neh geh sùh dà mìu dùh hơđang gơ, gơtơnggơs ală chi che kwơ màng cau tùc tam in, gen dòp geh lơngai lơngò Yàng Tom Trồ dê.

Jakơ 3:12

Ơ oh mi añ jê, tòm chi ƀal rgơi gơlik plai Ôlibe, hala tòm ño rgơi gơlik plai chi ƀal sơl ơ? Hiòng dà ƀă kung ò rgơi gơlik dà lơngồt sơl.