Sacari 9:9 - Sră Goh 2018

⁹ Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Sacari 9:9 ပူးပေါင်းရင်းမြစ်များ

I Ală Bơtau 1:38

Behơ̆, Jadôk cau gơnoar ơn phan duh khoai, Nathan cau gơnoar hwơr, Benayah kòn klau Jehôyada, ală cau Keret mơ cau Phelet gen lòt tus, yò Salômôn hào hơđang alàng bơtau Dabit dê, mơ lam khai tus hơ Gihôn.

Đơs Crih 149:2

Lòi Israel in hòn chò di Bơtau crơng gơs khai, Lòi kòn sau Siôn dê chò hòp di Bơtau at bồ bol khai dê!

Đơs Crih 2:6

“Bulah behơ̆, Añ neh bơtào Bơtau Añ jê Hơđang Siôn, mơnơm sàng goh Añ jê.”

Đơs Crih 45:1

Nùs añ bềng lìu ală jơnau đơs niam; Añ đơs jơnau đơs crih cau bơtau in, Lơmpiat añ kung be gai cih cau gơnoar cih chài rgơi.

Esai 12:6

Ơ làng bol Siôn, hòi driau dờng tĕ mơ đơs chò hòn chò! Bơh Bơtau Sàng Goh Israel dê la dờng digùl bol mê.”

Esai 30:6

Do la dô jơnau đơs hwơr bơh ală phan poan jơng tòm Negep: Gan ù tiah bòl glar kalke, ù tiah ală klìu triă dam mơ klìu triă me ơluh, bơs bih mơ bơs ồs par, bol khai pơdiang phan mơna bol khai dê hơđang ngkòi alàng, pơdiang phan màng bol khai dê hơđang gu làkđa dê, tus hơ dô nơm làng bol ò lơh gơlik kwơ bol khai in.

Esai 33:22

Bơh Yàng Jehôwa la Bơtau cahrña bol he dê, Yàng Jehôwa la Bơtau bol he, Yàng Jehôwa la Bơtau at bồ bol he dê; Kơnràñ rơp dong klàs bol he!

Esai 40:9

Mê guh tĕ hơđang mơnơm jơnhoa. Ơ Siôn, Mê la cau cèng jơnau niam, ai tĕ jơh pràn tơngguh sap đơs mê dê! Ơ Jerusalem yal tĕ jơnau niam, driau dờng tĕ, bañ rngòt! Đơs tĕ mơ ală ƀòn dờng Juda dê lah: “Do la Yàng Tom Trồ bol mê dê!”

Esai 43:11

Añ, să tòm Añ la Yàng Jehôwa, rlau mơ Añ ò gơs bơtau dong klàs lơi ndai tai.

Esai 43:3

Bơh Añ la Jehôwa Yàng Tom Trồ mê dê, Bơtau Sàng Goh Israel dê, Yàng Dong Klàs mê dê. Añ ai Ejiptơ lơh gơs phan tơwài mê, Ethiôpi mơ Seba lơh gơs phan ala mê.

Esai 45:21

Yal tơnggit tĕ, ràng tơlik tĕ gơ, lòi bol khai tòmbơyai bal. Ñcau neh yal bơta do bơh lài òr taih? Ñcau neh yal tơnggit gơ bơh tŭ neh jŏ jòng taih? Ò di Añ, la Yàng Jehôwa ò ơ? Rlau mơ Añ ò gơs Yàng Tom Trồ lơi ndai tai! Ò gơs Yàng Tom Trồ song ring mơ Yàng Dong Klàs; rlau mơ mìng dô nă Añ.

Esai 52:7

Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!”

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Esai 62:11

Yàng Jehôwa neh tơlik dô jơnau yal tus di ală tiah lồi plai ù lah: “Đơs tĕ mơ Kòn ùr Siôn lah: ‘Sền ne, Bơtau Dong Klàs ai dê tus! Sền ne, phan ƀàn Kơnràñ dê ơm mơ Kơnràñ, mơ phan tơm wơl Kơnràñ dê tus bal mơ Kơnràñ.’”

Jeremi 30:9

Mơya bol khai rơp duh broă Jehôwa Yàng Tom Trồ bol khai dê, Mơ Dabit bơtau bol khai dê, Mơ Añ rơp tơngguh bol khai in.’

Ejekiel 21:32

Bol mê rơp gơlik gơs kung be lòng sing ồs, mhàm bol mê rơp tuh tòm lơgar bol mê dê, rơp ò gơs cau lơi kah wơl bol mê; bơh Añ la Yàng Jehôwa neh đơs behơ̆.’”

Sră Ôse 1:7

Mơya Añ rơp nđàc sơngit di làng bol Juda, mơ Añ rơp dong klàs bol khai, Añ ò kơnòm di àtak, đào hala bơta tòmlơh, ò di kơnòm di ơseh hala cau ling hào ơseh, mơya kơnòm di Jehôwa Yàng Tom Trồ bol khai dê.”

Mice 4:8

Ai đah mơ mê, ơ theng jòng kơp gàr mpồl dê, ơ dòr Kòn ùr Siôn dê; gơ rơp tus hơ mê; gơnoar at bồ yau òr rơp geh pồ bơtào wơl, gơnoar at bồ hơđang rlau jơh rơp tus hơ Kòn ùr Jerusalem dê.”

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Sacari 2:10

“Ơ kòn ùr Siôn, driau dờng chò hòp tĕ! Bơh Añ tus mơ Añ ơm digùl bol ai.” Yàng Jehôwa đơs behơ̆.

Mathiơ 1:21

Khai rơp deh dô nă kòn klau, mê tơmoh sơnđan tĕ Kơnràñ la JESU, bơh Kơnràñ rơp dong làng bol Kơnràñ dê klàs bơh tồi glài.”

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Mathiơ 2:2

“Ntềng đah Bơtau làng bol Juda pa deh taih? Bơh bol hi neh gŏ sơmañ Kơnràñ bơh đah mattơngai lik, gen lòt tus nàng duh khoai Kơnràñ.”

Jơnau Niam Jat Mak 11:7

Bàr nă bol khai tề alàng kòn hơ̆ Yàng Jesu in, dă ào bol khai hơđang gơ, gen Kơnràñ hào gơ.

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Jang 19:15

Bol khai driau dờng lah: “Tơnroh tĕ khai, tơnroh tĕ khai! Pơng tĕ khai di chi pơng!” Pilat đơs mơ bol khai lah: “Añ rơp pơng bơtau bol mê di chi pơng ơ?” Ală cau gơnoar lam bồ ơn phan duh khoai ho lah: “Bol hi ò gơs bơtau ndai tai rlau mơ Sesa.”

Ală Kwang Cahrña 10:4

Khai gơs pe jơt nă kòn klau hào pe jơt nơm alàng, bol khai gơs pe jơt nơm ƀòn dờng tòm Galaat, tus dê ngai do gam sơnđan la Habôt Jair.