Sacari 8:9 - Sră Goh 2018

⁹ Yàng Jehôwa Gơnap Gơnoar Dờng Làm Jơh đơs be do: “Bol mê la ală cau pa do kơno ală jơnau hơ̆ bơh bơr ală cau gơnoar hwơr neh gơs mat tòm tŭ bơt bơtào wơl mơnàng hìu duh khoai, la hìu Yàng Jehôwa Gơnap Gơnoar Dờng Làm Jơh dê, lơh tĕ tê bol mê dê gơlik pràn kơldang.

Sacari 8:9 ပူးပေါင်းရင်းမြစ်များ

I Yal Yau 22:13

Gen kòn rơp geh bơtoah bơtoài dilah kòn kơrhia lơh jat ală jơnau sồr mơ bơta boh lam mơ Yàng Jehôwa neh kơnòm di Môise ai Israel in. Lơh tĕ pràn kơldang mơ khin cha. Bañ rngòt mơ bañ gơplơ̆ nùs.

I Yal Yau 28:20

Dabit kung đơs mơ Salômôn kòn klau khai dê lah: “Lơh tĕ pràn kơldang mơ khin cha, mơ lơh broă. Bañ rngòt mơ gơplơ̆ nùs bơh Jehôwa Yàng Tom Trồ la Yàng Tom Trồ añ jê, ơm bal mơ kòn. Kơnràñ rơp ò sang, ò lòi kòn jơl tus di tŭ jơh ală broă bơt bơtào hìu duh khoai Yàng Jehôwa dê neh sir.

II Yal Yau 15:7

Mơya bol mê, khin cha tĕ, bañ lòi tê bol mê dê gơlik lơbơn, bơh broă lơh bol mê dê rơp geh phan ƀàn.”

Ejra 6:14

Behơ̆, ală cau kwang kra cau Juda dê kư̆ pơnjat bơt bơtào mơ gơlik cồng nha tòm toh jat be jơnau bơto Age cau gơnoar hwơr mơ Sacari kòn sau Idô dê. Bol khai bơt sir hìu duh khoai jat be gơnoar sồr Yàng Tom Trồ Israel dê, mơ jat be jơnau sồr Sirus, Darius, mơ Artaserses la ală bơtau Persia dê.

Esai 35:3

Lơh tĕ pràn ală mpàng tê lơbơn lơño in, lơh tĕ kơ̆ ală gơltang ơrơm in.

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Sră Age 1:1

Nam dơ̆ bàr rài at bồ bơtau Darius dê, ngai dùl kơnhai dơ̆ prau, gơs jơnau Yàng Jehôwa dê sồr cau gơnoar hwơr Age đơs mơ Jerubabel, kòn klau Sealthiel, cau kwang dờng at bồ lơgar Juda, mơ đơs mơ Jôsua, kòn klau Jehôjadak, la cau gơnoar dờng lam bồ ơn phan duh khoai lah:

Sră Age 1:12

Behơ̆ Jerubabel, kòn klau Sealthiel, mơ Jôsua, kòn klau Jehôjadak, cau gơnoar dờng lam bồ ơn phan duh khoai, mơ làng bol gam wơl dòn bơr Jehôwa Yàng Tom Trồ bol khai dê, mơ jơnau bơto yal cau gơnoar hwơr Age dê, tài bơh Jehôwa Yàng Tom Trồ bol khai dê neh sồr khai tus, mơ làng bol rngòt di Yàng Jehôwa.

Sră Age 2:18

Kơlôi sơwì tĕ, bơh ngai do jơl tus hìng nau. Bơh ngai bàr jơt poan kơnhai dơ̆ sin, bơh di ngai mơnàng hìu duh khoai Yàng Jehôwa dê neh bơt. Kơlôi sơwì tĕ:

Sră Age 2:21

“Đơs tĕ mơ Jerubabel, kwang dờng at bồ lơgar Juda, mơ lah: ‘Añ rơp lơh gơlơnggơr ală tap trồ mơ plai ù.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”

Sacari 8:18

Gen gơs jơnau Yàng Jehôwa Gơnap Gơnoar Dờng Làm Jơh dê tus tai mơ añ.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

Jôsue 1:6

Lơh tĕ pràn kơldang mơ khin cha, bơh mê rơp ơn làng bol do tòm lơgar Añ ai bol khai in lơh gơs sre brê jat be Añ neh srat să ho nền mơ ală ồng pàng bol khai dê.

Jôsue 1:8

Sră bơta boh lam do bañ ngài bơh di bơr mê, kơlôi sơnơng tĕ gơ ngai mơ mang, nàng kơrhia lơh jat jơh ală bơta neh cih tòm hơ̆; behơ̆ sồng mê rơp geh bơtoah tòm gùng dà mê dê mơ gơlik cồng nha.