Sacari 8:2 - Sră Goh 2018

² Yàng Jehôwa Gơnap Gơnoar Dờng Làm Jơh đơs be do: “Añ ƀoah pơrñat bơh Siôn mơ bơta ƀoah pơrñat dờng ngan; Añ ƀoah pơrñat mơ bơta gơjrañ dờng.”

Sacari 8:2 ပူးပေါင်းရင်းမြစ်များ

I Yal Yau 12:19

Gơs dô êt cau Manase neh sang lòi mpồl bol khai dê mơ lòt jat Dabit tòm tŭ khai lòt bal mơ cau Philistin nàng tòmlơh mơ Sol. Khai mơ cau jat khai ò dong kòl cau Philistin tài bơh ală cau at bồ Philistin neh tòmbơyai bal bơtrơh tơlik khai, mơ đơs lah: “Khai rơp rê wơl hơ cau tòm khai dê la Sol, mơ khà pal tơm la ală bồ bol he dê.”

Esai 59:17

Kơnràñ soh bơta song ring lơh gơs kung be ào lòs, mơ dô nơm sơgơn lòs bơta dong klàs hơđang bồ Kơnràñ; Kơnràñ soh ồi ào bơta sal tê, mơ pùt să Kơnràñ mơ bơta gơjrañ dờng kung be dô nơm ào jrùh.

Esai 63:15

Dan Yàng tơmềt sền bơh đang trồ, bơh tiah ơm sàng goh mơ gơklŏ Kơnràñ dê. Ntềng đah bơta ngac ngar mơ gơnoar pràn Kơnràñ dê taih? Nùs lơbơn niam mơ bơta nđàc sơngit Kơnràñ dê neh tă tơlik bơh Añ.

Jôel 2:18

Gen Yàng Jehôwa gơlik bơta ƀoah pơrñat bơh lơgar Kơnràñ dê; Kơnràñ ai nùs nđàc sơngit di làng bol Kơnràñ dê.

Nahum 1:2

Yàng Jehôwa la Yàng Tom Trồ ƀoah pơrñat mơ sal tê; Yàng Jehôwa sal tê mơ bềng bơta gơjrañ dờng. Yàng Jehôwa sal tê di ală cau sò tơm di Kơnràñ mơ gơjrañ dờng tòmdră mơ ală cau sò tơm di Kơnràñ.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Sacari 8:1

Gơs jơnau Yàng Jehôwa Gơnap Gơnoar Dờng Làm Jơh đơs tai mơ añ lah: